Zimanê Kurdî

Lêkolîn

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Serokê Kurdistanê Mesûd Barzanî;

"Ger Ser Kurdistanê Êrîşek Bêne Kirin Emê Xwe Biparêzin"

 25 Tîrmeh, 2006 weşandin:17:23:42 (GDK)

HAWARDENGÛBAS,AMED,Kurdistan-- Barzanî;"Dema welatek êrîşê Kurdistanê bike jî em ê xwe biparêzin" .Çend roj berê jî hate ragihandin ku NATO jî li dije ku artêşa Tirk li başûrê Kurdistanê operasyon pêk bîne.Wek tê zanîn bi zêde bûna kuştina serbazên Tirkan dîsa pêla nijadperestîyê bilind bû. Wekî meha nîsanê bi hinceta PKK tê xwestin ku derbasî ser axa Kurdistana azad bê kirin.Dewleta Tirk di her firsen dê de bo pêk anîna armanca xwe ya qirêj hewl dide.

Serokê Kurdistanê di hevdîtinên xwe di serdana xwe ya Silêmanî de didomîne.

Serokê Kurdistanê di derbarê opresyoneke hevbeş ya Tikîye de got;" .dê derbasî axa Kurdistanê bibin eşkere kir ku ew ê midaxeleyek weha weka êrîşeka ser Kurdistana azad qebûl bikin.

Em gelek caran dîyar kirin e ku em naxwazin hêzek ji ser Kurdistana azad êrîşan bibe ser cîranên me. Lê dema welatek êrîşê Kurdistanê bike jî em ê xwe biparêzin.

Serokê Kurdistanê di daxûyanîya xwe de careke din dîyar kir ku divê Kurdistan bibe xwediye arteşekî birêkûpêk a ku karibe li hemberê wan çavên ku timayiyê dikin parêzgariya Kurdistanê bike.

Di 23 Tîrmehê de jî serokkomarê Iraqê û serokê Yekîtîya Niştimanî Kurdistanê dîyar kiribû ku ewê nehêlin Tirkîye derbasî nava axa Kurdistana federal bike.

Berpirsê tayê PDK li Zaxoyê Elî Ewnî;"Helwesta me wê tund be"

Berpirsê tayê 8ê yê Partîya Demokrat a Kurdistanê li Zaxoyê ragihand ku eger tenê yek leşkerê Tirkan jî bikeve nav axa Kurdistanê ew ê helwestekî tund werbigrin.Elî Ewnî wiha got: Heta niha operasîyonên eskerên Tirkîyeyê li ser sinorê Kurdistanê ti zîyana canî nedane û tu eskerê tirk ji nehatine nav axa Kurdistanê, em agahdarî vê rewşê ne. Em ne razî ne û em qebûl nakin tenê yek leşkerê Tirkîyeyê têkeve nav axa Kurdistanê. Eger ev kar were kirin em ê helwestekî din werbigrin.
 

NATO;"Nabe ku dewleta Tirk opresyonek li başûre Kurdistanê pêk bîne"

Çend roj berê jî hate ragihandin ku NATO jî li dije ku artêşa Tirk li başûrê Kurdistanê operasyon pêk bîne.Li gor nûçeya Yasemîn Çongar a rojnameya Milliyetê, Sekreterê giştî yê NATOyê Jaap De Hoop Îeffer, Fermandarê hêzên Ewropa yê emerîkayê Ceymis Cons û fermandarê hêzên navendî yê emerîkayê Orgeneral Con Ebuzeyd li paytexta Afganîstan Kabûlê hatin cem hev û plana operasyona Tirkiyê ya Başûrê Kurdistanê axivîn.

Civîna mijara gotinê di 20 Tîrmehê de pêk hat û nûnerê NATO û generalên emerîkî li ser ciddiyeta hewldanên Turkiyê yên ji bo operasyonê guftûgo kirin û rêbazên pêşîgirtina vê yekê axivîn.

Di nûçeya rojnameyê de tê gotin, li Burukselê jî rayedarekî payebilind ê NATOyê gotiye, operasyonek bi vî rengî PKK naqedîne û berovacî vê yekê, wê li herêmê rê li ber pirsgirêkên mezin veke.

Û heman rayedar destnîşan dike, ku weke Emerîka, endamên din ên NATOyê jî naxwazin Tirkiye bikeve Başûrê Kurdistanê.

Meseleya opresyonê ser axa Kurdistana azad çawa ji nû ve hate rojevê?

Wek tê zanîn bi zêde bûna kuştina serbazên Tirkan dîsa pêla nijadperestîyê bilind bû .Dewleta Tirk bi taybetî Tirkperwerên faşîst dest bi heqeret û daxwaza zêdekirina zordestîyê ser gelê Kurd kirin.Medyaya Tirk ji ragihand ku Artêşa Tirkeyê amadeyîyên ji bo ketina başûrê Kurdistanê dike û dîsa destpêkiriye hêzên xwe li ser sînorê Kurdistana azad bi cîh dike.

Wekî meha nîsanê bi hinceta PKK tê xwestin ku derbasî ser axa Kurdistana azad bê kirin.Dewleta Tirk di her firsen dê de bo pêk anîna armanca xwe ya qirêj hewl dide.Piştî hewldan û daxûyanîyên dawî ya Dewleta Tirk Îranê jî piştgirîya xwe ji têketina hêzên Tirkan bo Kurdistanê re ragihand.

Feyrûz Dewlet Ebadî balyozê Îranê li Enqerê ragihand ku welatê wî dê piştgirîyek temam ji Turkîyê re bike di proseya leşkerî de li dijî endamên PKK ê li "bakurê Îraqê"(başûrê Kurdistanê). Rêveberiya Iraqê, Kurdistana azad û rêveberiya Waşingtinê (Wasington) jî li dijî operasyoneke muxtemel a li ser Kurdistana azad, nerazîbûna xwe nîşan da bûn.(çavkanîyên giştî:hawardengûbas,dîha,ktv,netkurd,ajansan)