Kurdistan

"Biryara pêkanîna an jî ne pêkanîna madeyên destûra Iraqê ne karê dewleta Tirk e"

05 Adar,2007 weşandin:08:52:16 (GDK)

Piştî ku cihgirê serokê komara Iraqê Adil Ebdulmehdî serdana Tirkiye kir, nûçeyek hat belavkirin ku herdu alî  Tirkiye û cihgirê serokê komara Iraqê wiha dane zanîn ku referanduma bajêrê kerkûkê du salên din bimîne.

Çend malper û çend rojnameyên Tirkiye jî ev nûçe balav kirin.

Kemal Kerkûkî derbarê îddayên paşve xistina referandûma Kerkûkê de daxûyanîyên girîng da.

Cihgirê serokê parlementa Kurdistanê Dr. Kemal Kerkûkî jî da zanîn ku ji bo vehiştina her maddeyeka destûra Iraqê divê du/sê yên endamên parlementa Iraqê dengên xwe jê re bidin û divê serokê komarê jî bipejirîne.

Dr. Kemal got ku paşê jî divê ew encam bikevin referandumê de û heger ji koma heştdeh parêzgehan sê ji wan bi du/sê li dijî ewê yekê deng dan, ewê çaxê nahê pejirandin.

Dr. Kemal Kerkûkî her wiha dîyar dike û dibêke ku;  "Ev ne biryara Tirkiye ye, ku her maddeyeka destûra Iraqê vehêle yan bi cih bihîne.. Dê tenê gel û hukûmeta Iraqê evê yekê bikin û dê evê yekê bi awayekî qanûnî û dadwerane bikin.. Maddeya 140 jî maddeyeka destûra Iraqê ye û ji bo çareserkirina deverên dabirrayî ye û divê di dema xwe de bi cih bihê.. Serokê wezîrên Iraqê Nûrî Malikî jî ji bo evê yekê gotiye ku ew madde maddeyeka destûrî ye û divê li angora destûra Iraqê jî bi cih bihê".(Pna)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan