Kurdistan

Peyama YNK'yê ya bo salvegera Raperînê

06 Adar,2007 weşandin:08:07:17 (GDK)

"Welatiyên tekoşerên Kurdistanê,

Îro 16emîn salvegera raperîna pîroza xelkê Kurdistanêye ku di 5 adarê 1991an de li Ranyayê deryaya raperînê yekemîn çîrîskê xwe da û kemtir ji di 3 hefte de hemû Kurdistanî wergirt û 21/3/1991ê Kerkûka azîz jî ku yekem car di dîrokeke nû destpê kir li jêr destê dîktatôrî rizgar bû her çend demeke kêm jî bibe.

Raperîn ku şêwazeke nû bû di têkoşîna gelê me de bandoreke wiha li ser xebata şoreşgêrên gelê me kir ku deriyek di pêş gorîneke mezin di xebata siyasî a şoreşgêrane a gelê me de kiriye.

Gelê me jî bi piştrastiya xwe û bi serkirdeyatiya siyasiya xwe eniya Kurdistanî ve û li gel dostên dûr û nêzîkê xwe ve ew werçerxane dîrokiye weke derfeteke taybet îstifade jê kire ku li jêr siha wê de bi hilbijardineke azad parlemento pêk anî û Hikumeta Herêma Kurdistanê wekî ezmûneke nû di têkoşana siyasiya xwe damezirand ku bêgûman ew destket û destketên piştî wê jî ku li Kurdistanê de hatîne bidestve anîn bo damezirandina civateke demokratîk û pêşkeftî mînakên herî diyar yên destkeftên raperînin ku bûne zemînekî siyasî û civakî û aborî yên helkeftî bo goranên paşîtir.

Hemî ew destkefte berê xizmet û mandîbûn û qûrbanîdanên civaka xelkê Kurdistanê û têkoşîna partî û aliyên siyasî û xwîna wan şehîdên nemir ên bergiriya qehremaniya pêşmerge û girtiyên siyasî û têkoşerên bajar û gundên Kurdistanê ne.

Di vê salvegera pîroz de eger bi çavekî dilsozane mêzey wan 16 salên borî bidin, dibînîn ku hemî ew destkefte di siha raperînê ve bo gelê me hetine bidestve anîn.

Bo hemî aliyan dê ev rastiye derkeve ku di hemî waran de raperîn destkeftên mezin bo gelê me dabîn kiriye.

Bilî wana azadiya bîrûhizir û xwerêxistin û Hikumeteke hilbijartî ku bûye navendek bo pêngav ber bi azadî û demokratî û aborî û avedanî û civakî û siyasî û çandî, Kurdistan di wê deverê de bi giştî û Iraq bi taybet bû cihê balkêşa raya giştî di cîhanê de,bi taybet di varê ewlehî û aramî û avedankirin û parastina demekrasî û azadiyên giştî û taybetî û rêzgirtin li mafên merivan û vebûn bi ser cîhana derve de,ev yek jî wekiriye ku civaka kurdî bi şêweyekî bilez ber bi civakake modern gava bavêje.

Di warê siyasî de raperîn zemîneyeke bingehî dana bo pêşveçûna jiyana pir partî û dabînkirina azadiyeke siyasî û demokratîk.

Her di van çend salane de Kurdistanê piroseseke hemû alî a avedankirinê pêk hatiye ku warê stratejiyên wekî petrol û safgeh û pêşesaziya çîmento û balafirwanî jî hatiye pêk anîn.

Bilî van jî pêwîste vê rastiyê bibêjîn ku hêşta gelek alî mane ku hewceyî bi reform û nûkirin pêşxistinê hene bi taybet di warê xizmetkirina giştî û bi cih anîna çendîn projeyên din.

Welatiyên têkoşer…

Sala 2007 li gur hemî lêkvedanekê bi giştî bo xelkê Iraqê û bi taybet bo xelkê Kurdistanê saleke pire ji bûyerên çaverênekirî.

Gef û metirsî heta niha jî pirin û ayîndeya wan li ber gefên nehaz û terorîstan û paşmayiyên rejîma Baas daye.

Tengasi û hejmara dûjminên û nehazên gelê me dij bi federalî maddaya 140 a destûra Iraqê pirin.

Îsal hemî ev mesele dikevin ber ezmûneke nû, bi taybet maddaya 140 a destûra Iraqê ku dahatiya Kerkûk û hemî ew deverên veqetiyay yên Kurdistanê yê bi Kerkûkê ve girê dayîne yên ku hêşta yekalî nebûne, ev jî pêwîstî bi yekdengî û yekrêziya gelê me dixe berî hemî erkan .

Yekbûna gelê me û hêzên siyasî di war û astê Iraq û Kurdistan û deveran de mercên bingehî yên serkeftinê ne ku ev yek jî bo yekdengî û yekbûn a hemî aliyan dilsoz û hoşyar pêk nayê.

Li ser ew destkeftane,li wê ku salane di warê avedankirin û xizmetkirinê de bi sedan milyon dolar tê mesrefkirin, li ser wê ku Kurdistanê pêşveçûneke aborî û merivî bi xwe ve ditiye, hêştan kêmasî tê dîtin ku bêzariyeke berçav bo welatiyan û jiyana wan çêkiriye.

Bêgûma nehêlana wan kêmûkasiyane demeke din dixwaze da ku bigihîn armancê herçende hinek ji wan di qonaxa bi cih anînê de ne .

Di wî warî de hevkarî û hevdengiya hemî aliyekî pêwîste,em jî dilniya ne ku gelê me di wan pirosesane de jî beşdarin, beşek ji wan beşdariyane ew çavdêrî û rexnegirtine û bi dîfdaçûneye ku beramber bi Hikumet û parlemento û partiyan de dikin ku ev yek beşeke ji erk û mafên qebûlkirî yên akinciyan û em jî rêz li wan digrîn.

‌Welatiyên bişeref,

Di vê heyvê de bîranîna bixemtirîn bûyerê dikin ku 19 saliya kîmyabarana Helebce ye ku bi kêfxweşî ve rewşa ew bîranînê dikin ku gelek ji encamder û tawanbarên wê bûyerê gihiştin sizayên xwe û beşekê din jî li ber rûbirûbûna sizayên tawanên xwe bi serşorî mane.

Ev yek bo hemî aliyan ciyê dilxweşiyê ye,li ber vê yekê jî dengê xwe têkil bi dengê welatiyên Helabce dikîn û daxwaz ji Hikumeta Herêma Kurdistanê dikin bi bernameyên xurttir û baştir xizmeta pitir pêşkêş bi Helebceya Şehîd bikin.

Di dawiyê de salvegera Raperîn û kîmyabarana Helebce û Newroza dîrokî de silavên germ yê me bo şehîd û kesûkarên serbilind yên şehîdan û bo hemî civakên xelkê Kurdistanê dişînin û wan dilniya dikin ku heer li ser têkoşana xwe di riya başî û berjewendî ya gel niştîman û parastina destkeftên raperîn û pêşvebirinê berdevam dibin.

Her bijî û serkeftî bin.

Polîtburoya YNKê
 

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan