Seroke Kurdistanê; "Ji ber ku em Kurdin bombeyan dibarînin ser axa me"

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Rojev

Bo dîtina reklaman bitiqîne

Seroke Kurdistanê; "Ji ber ku em Kurdin bombeyan dibarînin ser axa me"

24 Berfanbar (Kanûn), weşandin:00:34:21 (GDK)

QENDÎL, Kurdistan (HAWAR DENGÛBAS) -- Serokê Kurdistanê Mesud Barzanî ku bi armanca kontrolkirina rewşa dawî ya herêma hatî bombardimankirin û gundiyên ji ber bombardimanê koçber bûyîn, çû herêma Qendîlê, diyar kir ku bombardimankirina Qendîlê ji bo wan bombardimankirina Hewlêrê ye.

Serokê Kurdistanê Mesud Barzanî bi komek parlementerên pêre bi armanca dîtina herêma Qendîlê ku di 16'ê kanûnê de ji hêla Tirkiyeyê ve bi 50 balefirên şer hatibû bombardiman kirin, çû herêma Qendîlê.

PÊYWENDÎDAR

• Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

• S.K. Barzanî helwesta Emerîka mehkum kir û neçû cem Rice

• Yekîtiya Parlamenterên Kurdistanê êrîşên Tirkiyeyê şermezar kir

• Rewşenbîr êrîşên Tirkan şermezar dikin

Barzanî pêşiyê bi sedan gundiyên ji ber bombardimanê gundên xwe vala kirîn û li Dola Xaneqaya ya Qendîlê berhevbûyîn, ziyaret kir..

Barzanî di serdana xwe de pirsgirêkên gundiya guhdar kir û da zanîn ku bombardimankirina herêma Qendîlê ji bo wan tê wateya bombardimankirina Hewlêr, Duhok û Silêmaniyeyê.

Barzanî derbirî ku bombardimankirina Qendîlê ne tenê pirsgirêka beşek kurdan e û pirsgirêka tevahiya kurdan e. Her wiha Barzanî soza çareserkirina pirsgirêkên mexdûran jî da. Piştî ziyareta li vir Barzanî deverên din ên ji bombardimanê zirar dîtine jî ziyaret kirin.

Serok Barzanî, girîngbûna Dola Şehîdan û Şehîdê Qendîlê pir heye, ji ber ku sala 1991 de gelên vê deverê di hundirê pirsgirêkan de ne.

Kurman Ezîz Qeymeqamê devera Soran ragihand, ku di 16 vê mehê artêşa Tirkiye devera Qendîlê bombbardiman kiribû. Ezîz di derbarê serdana serokê Kurdistanê de kêfxweşîyê anî ziman.

Erîşên dewleta Tirk didome

Ji demjimêr 15:30-an ve balafirên şer yên tirk navçeyên ser bi nahiyeya Ruwanduzê bombebaran kirin.Hate ragihandin ku ji demjimêr 15:30-an ve 3 balafirên şer yên tirk navçeyê Sawsêkan, Gelî Dindey yên nahiyeya Ruwandizê bombebaran dikin.

Hate diyar kirin rûniştiyên wan gundan bi destpêkirina bombebaranê ve cihên xwe bi cih hiştîne û koçber bûne.

CHAK bangawazî li medyaya Kurdî kir, ku operasyonê artêşa Tirk bi yek dengekî protesto bikin

Li dijî bombbardimanê Tirkiyeyê, her roj nerazîbûnê gelê Kurd bilind dibe. Navenda Helebçeya dijî Enfal û Komkujiya gelê Kurd (CHAK) di beyanameyekî de bangawazî li ragihandinên Kurdan kirin, ku li dijî operasyonê artêşa tirk derkevin û bi yek dengekî bombbardimanê dewleta Tirk protesto bikin...

CHAK di vê beyanameya xwe de xuya kir, ku ragihandinên Kurdan, hemû televzîyonên Kurdan, radyo, rojname û hemû malperên Kurd roja sêşemê bibin dengekî û bombbardimanê Turkiye yê bi alîkarîya Amerîka li hemberê herêma Kurdistanê çalekîyan saz bikin û vê bombbardimanê protesto bikin.

Di vê beyanameyê de şiyarên wiha hatîye nivisandin: Ji bo kujtinên gelên Kurdistanê Na..... , Operasyon û bombbardimanê li hemberê gelên Kurdistanê Na..

Kurd di warê dîplomatîk de xebatên xurt nemeşandine

Bi êrîşên dawî yên dewleta Tirk bi destê hikumeta AKP û bi hevkariya DYE dîsa derket holê ku Kurd di warê dîplomatîk de xebatên xurt nemeşandine. Li pişta êrîşkariya dewleta Tirk de çend faktor hene. Di serî de desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê de senaryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dîtina prestija Kurdan bi taybetî di hêla dîplomatîk de. Hikumeta Kurdistanê rastiyan û armancên bingehîn a tirkan baş îzah nekirin û her Kurd hêza xwe, bibiryariya xwe û mafdar bûna xwe baş nîşan neda. Diviya bû ku riya operesyona Tirkan bi her avahî hatiba girtin.

Faktora din çewtiyên PKK bû ku rewşa Kurdistana azad negirt berçavan ye û faktoreke din jî nebûna yekîtî û koordînasyona di navbera hemû hêzan Kurdan ên di 4 perçeyê Kurdistanê bû ku Kurd di asta dîplomatîk de bi taybetî yê bi Emerîkayê de rê li dewleta Tirk negirtin.

AKP bi gotinên şêrîn Kurdan xepand û bi Mislimantiyê dengên Kurdan girt

Hikumeta AKP ku di destpêkê de bi gotinên şêrîn Kurdan xepand û bi Mislimantiyê dengên Kurdan girt niha ji bo parastina desthilata xwe bi hevkariya ordiya Tirk bombe dibarine ser Kurdistanê.

AKP bi entegre kirin û bi dirêj kirina pêvajoyê dixwaze pirsgirêka Kurd ji holê rake. Tê xwestin ku Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi serdan û bi çend febriqa û serdan û geran Kurd bêne xapandin.AKP bi deng standina ji Kurdan cesaret girt, bi vê cesaretê jî projeyên qedandina hêza siyasî ya Kurdan derxistin holê. ( HAWAR DENGÛBAS, Dîha, Puk media, Pna, Rdm, Reuters / ajansan )

Binivsîne | Biçe Jor

Hemû Naveroka Beşa Kurdistan

irêdan