Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Rojev

Bo dîtina reklaman bitiqîne

Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

17 Berfanbar (Kanûn), weşandin:00:11:23 (GDK)

ZAXO, Kurdistan (HAWAR DENGÛBAS) -- Artêşa Tirk a dagirker doh bi şev bi balafirên ku ji balafirxaneya leşkerî ya Amedê rabûn êrîşî bir ser kampên PKK û gelek gundên başûrê Kurdistanê.

Artêşa tirk li Qandîlê li herêmên sîvîl xist, gundiyek mir û herî kêm 15 sivîl jî birîndar bûn û PKK`ê jî diyar kir ku, êrîş piştî firîna keşfê ya balafirên emerîkayê pêk hatiye. Balafirên ji baregeha artêşa tirk ya li Amedê rabûn, gundên Lewcê, Serçalê, Bukixka, Rizga, Meledo, herêma Sidika û Kanî Cengê hedef girtin.

Serfermandariya artêşa tirk îdîa kir ku wan, biryargeha Navendî ya PKK girtine, lê belê çavkaniyên herêmî û rêveberiya Kurdistana azad, ev îdîa pûç derxistin û anîn ziman ku balafirên tirk herêmên sivîl bombe kirine. Serfermendariya tirk diyar kir ku bombekirin di navbera saet 01 û 04:15`an de pêk hatiye û wan pêwistiya erka parlemenê bi pêşengîya AKP dabû artêşê bi cih aniye û ji niha û pê ve jî, ewê li gorî pêwistiyan tevbigerin, wê tenê hêzên PKK hedef bigirin. Lê belê çavkaniyên herêmî û rêveberiya hikumeta Başûrê Kurdistanê, ev daxuyaniya artêşa tirk pûç derxist.

Çavkaniyên herêmî diyar kirin ku, balafirên tirk, gundên Lewcê, Serçalê, Bukixka, Rizga, Meledo, herêma Sidika û Kanî Cengê bombe kirine û di encamê de jineke bi navê Zozan Mamaşîr jiyana xwe ji dest daye û herî kêm 6 kes jî birîndar bûne. Li aliyê din, Berdevkê Hêzên Pêşmerge Cabar Yawer jî, piştrast kir ku, artêşa tirk herêmên sivîl hedef girtine. Yawer da zanîn ku, li gorî agahiyên wan, 8 balafirên tirk gundên li herêma sînor bombe kirine û gelek pirên gundên herêmê bi hev re girê didin jî, texrîb kirine. Berdevkê Hêzên Pêşmergeyên Kurdistanê Cabar Yawer anî ziman ku, wan ji bo alîkariya mexdûran hêzên pêşmerge sewqî herêmê kirine.

5 gerîlayên PKK jiyana xwe ji dest dan

Hate hînbûn ku di encama êrîşa hewayî ya ji aliyê Hêzên Çekdar ên Tirk (TSK) ve li dijî herêma Qendîlê pêk hat de 5 PKK'iyan jiyana xwe ji dest daye.

Li aliyê din, Rêxistina Xaça Sor a Navneteweyî, kesên ku ji ber bombebaranê ji gundan hatine derxistin ziyaret kirin. Hate ragihandin ku ji herêma Qendîlê 140 malbat birine Sengeserê.

Artêşa Tirk êrîşî sivîlan û gundan kir

Hate hînbûn ku di bombebarana dewleta Tirk ya li dijî herêma Qendîlê de, 15 gund hedef hatine girtin. Siyasetmedarê kurd Mahmut Osman, diyar kir ku gelek êrîşê zirar daye gelek sivîlan.

Li gorî agahiyên hatine girtin, 15 gundên Herêma Kurdistanê, ji bombebarana TSK'ê zirar dît. Hate ragihandin ku di êrîşê de Nawdeşt, gundên Bokirîkan, Ênze, Lêwje, Kutel, Zargelî, Qelatûkan, Rezge, Maredû Silêyiyan ên girêdayî Bajaroka Dola Baleyan, gundên Xinêrew, Qebirî Zahîriyan ên girêdayî Bajaroka Balekayetî, Bajaroka Sîdekan bi giştî 15 gund hedef hatine girtin. Hate hînbûn ku di bombebaranê de sivîlan jiyana xwe ji dest daye û gelek sivîl jî birîndar bûne. Rayedarên PKK'ê, ragihandin ku di nava sivîlên ku jiyana xwe ji dest dane de zarok jî hene. Siyasetmedarê Kurd Mahmut Osman jî, gelek sivîlan ji bombebaranê zirar dîtiye.

Di vê derbarê de Rêvebirê Nehiyeya Sengeserê di derbarê rewşa dawî de agahîyên nû da malpera me.Di vê derbarê de Rêvebirê Nehiyeya Sengeserê Ebdulla Îbrahîm ragihand ku heta niha zêdetir ji 140 malbat koçber bûne û hejmara koçberan jî ber bi zêdebûn ve diçe. Herweha Rêxistina Xeça Sor ya Navdewletî jî serdana koçberan kiriye û bo nirxandina rewşê wan û alîkirina wan.

Îbrahîm got:"Di bombebaranê de welatiye bi navê Eyşe Elî Seyfedîn şehîd bû û 4 welatî jî birîndar bûn.150-200 pez ji nav çûn û avahiya Dibistana Qalatukayê bi temamî rûxa." Ji aliyeke din ve çend şahîdên bombebaranê ji navçeyê ragihandin ku di bomberananê de hejmarek çekdarên PKK-ê jî hatine kuştin û birîndar bûne.

Serokatiya Kurdistana Federe bombebarana Qendîlê şermezar kir

Serokatiya Diwana Kurdistana Federe, bombebarana herêma Qendîlê ku di encamê de jinekê jiyana xwe ji dest da, gelek kes birîndar bû û ziyanek mezin çêbû, şermezar kir û diyar kir ku ev êrîş mudaxelekirina karên hundirîn a Iraq û Herêma Kurdistanê ye.Her wiha di daxuyaniyê de hate gotin ku;" Em vê karê bi tundî şermezar dikin û baweriyame jî wiha ye, ku ev kiryara leşkerî dibe sedema astengî çêkirina li hember ew hewlên berdewaman yên ku bo dîtina riyên çareserî yên guncaw û li ser bingeha rêz girtina hevdu.Em daxwaz dikin ev êrîş bên rawestandin, ku qurbaniyên wê tenê xelkê hêjar û sivîl e.Herwiha sedema vendabûyîna derfeta sepandina aştî ye."

Her wiha Wezareta Derve ya Iraqê bo diyarkirina nerazîbûna xwe li hemberî bombebarana balafirên şer yên arteşa tirk, bang li Balyozê Tirkiyê yê li Iraqê kir.

Ji DTP'ê li hemberî operasyona dersînor nerazîbûn

Cîgirê Hevserokê DTPê Kamuran Yuksek, bal kişand ku operasyona dersînor helwesta AKP'ê ya di mijara çareseriya pirsgirêk kurd de nîşan dide û got; "Gund wekî ku kampên PKK'ê ne têne bombebarankirin."

Yuksek bi daxuyaniyek nivîskî, li hemberî operasyona Hêzên Çekdar ên Tirk (TSK) ya şevêdin hate destpêkirin nerazîbûn nîşan da. Yuksel, da zanîn bêyî ku li encamên wê bê nêrîn operasyon bi giştî şaş e û wiha dom kir: "Gelek fermandaran îtîraf kir ku dê pirsgirêk bi operasyonan neyê çareserkirin. Li Meclîsê tenê partiya li dijî operasyonê derdikeve partiya me ye. Me her tim şaşiya vê metodê anî ziman."

Yuksek, bal kişand ku operasyon bêsamîmiyeta AKP'ê ya di mijara çareseriya pirsgirêka kurd de derdixe holê û wiha pê de çû: " Hikumeta AKP'ê ji aliyekî ve dibêje çareseriya pirsgirêka kurd a demokratîk mumkun e, ji aliyê din ve jî ji bo operasyonan talîmatê dide. Bi vê yekê dixwaze civakê manupule bike, bi fetisîne. AKP'ê bi operasyonan bêsamîmiyeta xwe carekedin derxist holê. Pêwîste operasyon di demek herî kurt de bidawî bibe."

Hikumeta Kurdistanê dîplomasiyeke baş nemeşand

Rayedarên Kurdistana azad peyva dosteyatiya bi dewleta Tirk re wekî benişt dicûn û li her derê pesna AKP didin. Bêguman hin helwestên desthilatdariya Kurdistana azad taqtik û lazim e jî wisa be. Divê aqilene û stratejîk û li gorî rewşa konjokturel û li gorî sîstemetîka reela ya dîplomasiya bisûd were tevgerîn. Lê aliyeke din jî heye ku çi be bila be desthilatdariya Kurdistana azad dewleta Tirk baş nas nake.

Desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê de seneryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dîtina prestija Kurdan bi taybetî di hêla dîplomatîk de. Diviya bû ku riya operesyona Tirkan bi her avahî hatiba girtin.

AKP xayintî kir û armancên hemû Tirkan li hember Kurdan yekin

Dibe ku dewleta Tirk bo xapandina raya giştî ya Tirk çend opersyonên sembolîk pêk tînin.Dibe ku armaca wan e ku bi îddayên pêkanîna opersyonan nerazîbûna Tirkan û medyaya Tirkî were kêm kirin e.

Lê AKP deng standina ji Kurdan cesaret girt, bi vê cesaretê jî projeyên qedandina hêza siyasî ya Kurdan derxistin holê.

Hikumeta AKP ku ji ber gelek sedemên cuda li bakurê Kurdistanê dengên xwe zêde kir û piştî hilbijartinan di meseleyên wek xirabkirina Hesenkêyf, perwerdeya bi Kurdî û di hin mijarên din de li dijî daxwazên kurdan helwest vergirt. Piştî zêde bûna dengên AKP serokê AKP Tayyip Erdogan jî got pirsgirêka Kurd hatiye çareser kirin û pirsgirek tenê pirsgirêka aborî ye.

Piştre derket holê ku AKP li şûna êrîşî Kurdan bike bi entegre kirin û bi dirêj kirina pêvajoyê dixwaze pirsgirêka Kurd ji holê rake. Tê xwestin ku di hilbijartinên li pêşiya me de jî dengên AKP li Kurdistanê zêde bibe û Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi serdan û bi çend febriqa û serdan û geran Kurd bêne xapandin.

Divê tevgera rizgariya bakurê Kurdistanê plan û projeyên AKP zû bi zû baweriyê neynin. Heta ku mafên neteweyî yên gelê bakurê Kurdistanê di serî de perwerdeya bi zimanê kurdî, derxistina efûya giştî û astengen ku li ber damezrandina partî û rexistinan bi nasnameya Kurdî werin rakirin divê tu hêzên Kurd projên AKP bawer nekin û pêşniyar û daxwazan jî qebûl nekin.AKP an jî yên din...Armancên hemû Tirkan li hember Kurdan yekin. Ger Kurd bihêztir nebin dê hêzên din pêkanîna planên xwe yên ser Kurdan bidomînin. ( HAWAR DENGÛBAS, Dîha, Reuters / ajansan )

Binivsîne | Biçe Jor

Hemû Naveroka Beşa Kurdistan

irêdan