Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Rojev

Bo dîtina reklaman bitiqîne

Êrîşên hov a Dewleta Tirk bi destûra DYE berdewam e, sebra Kurdan jî bi dawî dibe

19 Berfanbar (Kanûn), weşandin:03:11:23 (GDK)

ZAXO, Kurdistan (HAWAR DENGÛBAS) -- Artêşa Tirk a dagirker ku roja yekşemê bi balafirên ku ji balafirxaneya leşkerî ya Amedê rabûn êrîşî bir ser kampên PKK û gelek gundên başûrê Kurdistanê doh jî serê sibê bi kûrayîya çend kîlometran li devera Sîdekan derbasî nêv xaka Kurdistana azad bûn.

Hate zanîn, ku serbazên Tirk li dora gundên Kayereş, Benwak, Çinarok û Gelîyê Reş kom bûne.

Li gorî îddayan di encama pevçûna serê sibê bi derbasbûna

serbazên Tirk ya sînor li Geliyê Reş û Xurkûrkê destpêkiribû

de 8 leşkeran jiyana xwe ji dest daye.

PÊYWENDÎDAR

• Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

• S.K. Barzanî helwesta Emerîka mehkum kir û neçû cem Rice

• Yekîtiya Parlamenterên Kurdistanê êrîşên Tirkiyeyê şermezar kir

• Rewşenbîr êrîşên Tirkan şermezar dikin

Hate daxuyandin ku pevçûna li Geliyê Reş û Xakûrkê yên bi ser Navçeya Diyanaya Hewlêrê destpêkirî, bi şidet derbas bûye. 500 leşker û tevî 4 tankan danê sibe ketiye Herêmên Parastinê yên Medyayê.

Artêşa Tirk ku xwest di geliyê Gelişîmê re bikeve herêma Xakurkê rastî bersiva çekdarî ya gerîlayên PKK'ê hat.

Li gorî agahiyan di encama pevçûnan de gelek leşker birîndar bûne. Hate daxuyandin ku piştî windahiya hêzên Tirk paşve vekişiyan e û herêma bûyerê tê bombardiman kirin.

Emerîka got em piştgirîyê didin dewleta Tirk

Rayedarê Emerîkî diyarkir, ku dema ev tê kirin, divê di navbera Tirkiye, Iraq û Emerîkayê de jî koordînasyon û hevkariyek baş hebe. Casey diyakir, ku ew piştgiriyê didin Dewleta Tirk û got: biryarên êrîşan jî bi îradeya artêşa tirk tên stendin. Li aliyê din hate zanîn, piştî ku artêşa tirk sînorê Başûrê Kurdistanê binpê kir, ketin û derketina gelek gundên navçeya Colemêrgê Çelê qedexe kiriye. Di nav van gundan de ziyanîş, Şivezêran, Îiliko, Bedrot, Erbîş, Ertûş, Seronî, Talifan, Şivişkê, Qendîl, Hirkose, Bircelan û Talişan jî hene.

Pêşmergeyên Kurdistanê ketin rewşa parastinê

Serokê Dîwana Serokatiya Kurdistanê Fuad Hisên eşkere ku êrîşên Tirkiyeyê sinorê Tirkiyeyê derbas kirine û hatine nav axa herêma Kurdistanê lê heta niha tu şer û pevçûn rû nedaye û hêzên Tirkiyeyê ji cihên hêzên parastina sinorên herêma Kurdistanê dûr in.

Fuad Hisên wer heha got:" Me ferman daye hêza pêşmerge ku eger hêzên Tirkiyeyê zêdetir bên pêş û ziyan bigehînin gund û welatiyên herêma Kurdistanê, hîngê serwerî,can û samanê welatiyên herêma Kurdistanê biparêzin."

Her wiha ji bo hêzên pêşmergeyên Kurdistanê ferman hatiye dayin ku eger êrîşek berfireh çê bibe, dê pêşmerge parazsina Kurdistana azad bike û parastina gund û hevwelatîyan jî bike.

Bi sedan gundiyên Kurd mexdûr bûn

Parêzgarê bajêrê Hewlêrê Newzad Hadî ragihand, ku di encama êrîşên firrokeyên Turkiye de yên ku li binarê çiyayê Qendîl hatin encamdan, bi kêmanî 112 xêzan (ayle) ji gundên xwe reviyane û ber bi bajêrê Rewandizê ve hatine.

Newzad Hadî ji ajansa PNA re got, ku ew xêzanên ji devera çiyayê Qendîl ber bi Silêmanîyê ve jî çûne bêtirî 112 xêzanan e.

Newzad Hadî weha jî da zanîn, ku ewan doh serdana bajêrê Rewandizê kirine û bi alîkarîya heyva sora Iraqî û fermangeha tendiristîya Hewlêrê pêdivêyên mirovanîyên tendiristî pêşkêşî ewan xêzanên awarebûyî kirine.

Kurd dîplomasiyeke lawaz meşandin û Emerîka niha bi sebra Kurdan dileyze

Bi wan êrîşên dawî dîsa derket holê ku Kurd di warê dîplomatîk de xebatên xurt nemeşandine. Li pişta êrîşkariya dewleta Tirk de çend faktor hene. Di serî de desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê de senaryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dîtina prestija Kurdan bi taybetî di hêla dîplomatîk de. Hikumeta Kurdistanê rastiyan û armancên bingehîn a tirkan baş îzah nekirin û her Kurd hêza xwe, bibiryariya xwe û mafdar bûna xwe baş nîşan neda. Diviya bû ku riya operesyona Tirkan bi her avahî hatiba girtin.

Faktora din çewtiyên PKK bû ku rewşa Kurdistana azad negirt berçavan ye û faktoreke din jî nebûna yekîtî û koordînasyona di navbera hemû hêzan Kurdan ên di 4 perçeyê Kurdistanê bû ku Kurd di asta dîplomatîk de bi taybetî yê bi Emerîkayê de rê li dewleta Tirk negirtin.

AKP'yê Misliman di cejnê de bombe barand ser Kurdan

Hikumeta AKP ku di destpêkê de bi gotinên şêrîn Kurdan xepand û bi Mislimantiyê dengên Kurdan girt niha ji bo parastina desthilata xwe bi hevkariya ordiya Tirk bombe dibarine ser Kurdistanê.

AKP li şûna êrîşî Kurdan bike bi entegre kirin û bi dirêj kirina pêvajoyê dixwaze pirsgirêka Kurd ji holê rake. Tê xwestin ku Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi serdan û bi çend febriqa û serdan û geran Kurd bêne xapandin.

Dibe ku dewleta Tirk bo xapandina raya giştî ya Tirk opersyonên niha pêk tînin. Dibe ku armaca wan e ku bi îddayên pêkanîna opersyonan nerazîbûna Tirkan û medyaya Tirkî were kêm kirin e.Lê AKP deng standina ji Kurdan cesaret girt, bi vê cesaretê jî projeyên qedandina hêza siyasî ya Kurdan derxistin holê.Divê êdî tevgera rizgariya bakurê Kurdistanê plan û projeyên AKP zû bi zû baweriyê neynin. Armancên hemû Tirkan li hember Kurdan yekin. Ger Kurd bihêztir nebin dê hêzên din pêkanîna planên xwe yên ser Kurdan bidomînin. ( HAWAR DENGÛBAS, Dîha, Puk media, Pna, Rdm, Reuters / ajansan )

Binivsîne | Biçe Jor

Hemû Naveroka Beşa Kurdistan

irêdan