Kurdistanî êrîşên bi destê hikumeta AKP protesto dikin

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Polîtîka

girêdanan bitiqînin

Kurdistanî êrîşên ku bi destê hikumeta AKP tê pêk anîn protesto dikin

24 Berfanbar (Kanûn), 2007 weşandin: 00:58:32 (GDK)

Protestoyên kurdan bo protesto kirina Êrîşkariya dewleta Tirk bi destên artêşa Tirk û hikumeta AKP didome.

Kurdên Dêrsim, Mêrdîn, Riha, Mêrsîn, Edene û Dîlokê li hemberî bombekirina herêma Qendîlê ya ji aliyê balafirên TSK'ê ve, nerazîbûn nîşan da. Nûnerên saziyan û gel, xwest ku operasyon bi dawî bibe û banga çareseriya pirsgirêka kurd a bi metodên aştiyane, kirin. Nûnerên saziyan û gel, li hemberî AKP'ê û Serfermandariya Giştî nerazîbûn nîşan dan û xwestin ku kurd mafê xwe yê parastina rewa bi kar bîne.

Nûnerên saziyan destnîşan kir ku rûyê rastîn ê AKP'ê derketiye holê û anîn ziman ku nikarin kurdan bi operasyonên bi vî rengî tune bikin.

Li Şirnex, Amed û Stenbolê bi beşdariya hezaran kesî êrîşa hewayî ya li hemberî herêma Qendîlê û girtina Hevserokê Nurettîn Demîrtaş hate şermezarkirin. Girseya ku xwest li ber avahiya AKP’ê daxuyaniyê bide çapemeniyê rastî mudaxaleya polîsan û komek faşîst hat. Di êrîşa ku di nava wan de Serokê DTP’a Esenlera Stenbolê Faysal Taş jî heye de, gelek kes hatin binçavkirin.

DTP’a Esenlera Stenbolê, bi mebesta şermezarkirina operasyona dersînor, xwest ku li ber avahiya AKP’a Esenlerê daxuyaniyekê bide çapemeniyê. Lê polîsan destûr neda daxuyaniyê û di nava wan de Serokê DTP’a Esenlerê Faysal Taş jî heye, gelek kes binçav kirin. Komek DTP’iyên ku mudaxeleya polîsan şermezar kir jî, hêk avêtin talebeya AKP’ê. Di vê navberê de komek ulkucuyên ku li avahiya Ocaxên Alperen ku di heman avahiyê de ye bûn, bi keviran êrîşî DTP’iyan kir. Li aliyê din polîsan avahiya DTP’ê dorpêç kir û 3 kesên di hundir de bûn, binçav kirin.

DTP’a Farqîna Amedê ji bo şermezarkirina êrîşa hewayî û girtina Demîrtaş, bi beşdariya nêzî hezar û 500 kesî li ber avahiya partiyê daxuyanî da çapemeniyê. Di daxuyaniyê de êrîşa hewayî bi awayekî tund hate şermezarkirin. Piştî daxuyaniyê girse li ser riya Gaziyê dest bi meşê kirin.

Rêxistina DTP'ê ya Şirnexê bi armanca şermezarkirina êrîşa hewayî ya li hemberî PKK'ê û girtina Hevserokê DTP'ê Nurettîn Demîrtaş pîrozbahiyên Cejna Qurbanê şermezar kir. Endamên partiyên ku li ber avahiya partiyê hatin cem hev daxuyaniyek dan çapemeniyê. Parlementera DTP'ê ya Şirnexê Sevahîr Bayindir, Şaredarê Şirnexê Ahmet Ertak, endamên PM'ya DTP'ê Îzzet Belge û Besîme Konca, rêveberên DTP'ê yên Şirnexê û gelek hemwelatî beşdar bûn. Li vir Cîgirê Serokê Rêxistina DTP'ê ya Şirnexê Abdulazîz Bîlgî daxuyanî da û balkişand ser zordariyên li ser gelê kurd zêde dibin. Bîlgî wiha axivî:

'Erdogan ji bombekirina Kurdan rûmet digire'

"Wekî hemû cîhanê jî dît di operasyonê de 10 gund hatine bombekirin. Li ser vê yekê Serokwezîr Erdogan diyar kir ku rûmetê ji vê bombebaranê digire. Ev 24 sal kurd van dîmenan dibînin û dijîn. Berî Birêz Erdogan jî Serokwezîrên Tirkiyeyê ev cografya bombediman kirin. Hema şerê psîkolojîk li hemberî gel meşandin û bi sedan sivîl qetilkirin. Niha jî tê dîtin bi bombardimanê gundiyên kurd cardin tên qetilkirin. Erdogan gelê kurd wekî qurban hilbijaritye, qetil dike û derdikeve pêşiya çapemeniyê dibêje 'ez bi vê yekê kêfxweş im'. Ev sûcê mirovahiyê ye. Nurettîn Demîrtaş ku berî demekê wekî Hevserokê partiya me hate hilbijartin û di platformên siyasî de têkoşîna demokrasiyê dida, bi awakêkî dervayî hiqûqê hate girtin. "

Kurdan li Emerîka jî dewleta Tirk protesto kirin

Kurdên rûniştvanê bajarê Melborn a wilayeta Viktorya a DYA-yê bi armanca piştevanîkirin li Herêma Kurdistanê û şermezarkirina bombardomana deverê ji aliyê artêşa tirk ve, roja 21/12 di pêşiya balyozxaneya Tirkiyeyê a Melbornê civiyan û bi mitîngeke civakî ber bi balyozxabeya Amerîkayê birê ketin.

Piştre sê berpirsên civakên kulturî ên kurdan li Viktoryayê serdanan balyozxaneya Amerîayê kirin û nivîseke îmzakirî a kurdên rûniştiyên Melborgê pêşkêşî konsolê Amerîklayê kirin bo ku bişîne Kongreyê. (Dîha, pna,ajansan )

Binivsîne | Biçe Jor

Hemû Naveroka Beşa Kurdistan

irêdan