AKP destûra opersyonê da leşkerên Tirk û dest bi hewlên xapandina raya giştî kirin

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Polîtîka

girêdanan bitiqînin

AKP destûra opersyonê da leşkerên Tirk û dest bi hewlên xapandina raya giştî kirin

NÛÇE-ŞÎROVE; HESEN DILGEŞ

02 Berfanbar (Kanûn), 2007 weşandin: 07:39:19 (GDK)

DIYARBEKÎR, Kurdistan (HAWAR DENGÛBAS) -- Li gor îddayan arteşa Tirk ser başûrê Kurdistanê êrîşên niqteyî da destpêkirin.

Li ser wê nûçeyê Berdevkê Fermî yê Hikûmeta Kurdistanê Cemal Ebdula bo ragihand ku ev nûçe 'nerast û bê bingeh e'. Li gor çavkaniyên mehellî jî operasyoneke wisa nehatiye li dar xistin. Serokerkaniya Tirkiyê doh di malpera xwe de diyar kiribû ku li nav sînorê Herêma Kurdistanê di navbera hêzên wan û çekdarên PKK-ê pevçûnek rû daye û kanalên ragihandin yên tirk jî radigihînin, ku ev ''yekem operasyonê nuqtayî' ye.

Wisa dixuye ku dewleta Tirk bi xapandina raya giştî ya Tirk çend opersyonên sembolîk pêk tînin. Armaca wan eve ku bi îddayên pêkanîna opersyonan nerazîbûna Tirkan û medyaya Tirkî were kêm kirin.

PKK bo çekberdanê şertên xwe eşkere kir

Di deklerasyonê de ev 7 xal wekî kilîda çareseriyê hatine navkirin.

1- Nasnameya gelê kurd bê naskirin. Di çarçoveya nasnameya jorîn a Tirkiyetiyê de nasnameyên cuda jî mafê xwe îfadekirinê hebin. Û ev maf di Makeqanûnê de jî bêne têkûzkirin.

2- Astengiyên li pêşiya ziman û çanda kurdî bêne rakirin. Mafê perwerdehiya bi zimanê zikmakî erê bibe, li herêma Kurdistanê bi zimanê tirkî re, zimanê duyemîn yê fermî kurdî be û ligel van jî zimanên din yên herêmî jî bêne erêkirin.

3- Li ser bingeha hiş û raman, bawerî û xwe îfadekirina azad, mafê rêxistiniya civakî ya siyasî erê bibe. Di Makeqanûnê de, cûdatiya cinsî û bêedaletiya civakî bê rakirin û wekhevî bê piştrastkirin.

4- Bi projeyeke lihevkirina civakê, her du gel ku beramberî hev, dikaribin hevûdin efû bikin û bi îradeyeke azad bingehên pêkvejiyanê bêne afirandin, Serokatiya PKK’ê jî di nav de, ji bo tevahiya girtiyên siyasî efû bê îlankirin û bingeha tevlibûna wan ya siyasî û civakî bê amadekirin

5- Hêzên ku bi armanca şerê taybet li Kurdistanê hatine cîwarkirin, paşde bêne kişandin. Sîstema cerdewaniyê ji holê bê rakirin. Gundiyên ku bi zorê ji gundên wan hatine derxistin, bi projeyên aborî û sosyal vegera wan a ser gundên xwe pêkan bibe.

6- Qanûneke nû ya rêveberiyên herêmî bê amadekirin û bandor û hêza rêveberiyên herêmî bê berzkirin.

7- Bi pêkhatina xalên jor re, bo bêçekirina gerîla, ji her du aliyan, salnameyek bê amadekirin ku hêdî hêdî çek bêne danîn û gerîla jî di jiyana civakî ya siyasî û sosyal de cihê xwe bigirin, pêvajoyek bê destpêkirin.

PKK desthilatdariya Kurdistana azad tehdît dike

Di demên dawî de berdevkên PKK bi tundî tehdît û heqeretan li dijî hikumeta Kurdistanê dikin. PKK hikumeta Kurdistanê bi "xayintiyê" tawanbar dike. Li gor îddaya PKK hikumeta Kurdistanê bo tasfiye kirina PKK bi dewleta Tirk re ketine nava hevkariyê. Çend roj berê jî berdevkê Hikûmeta Herêma Kurdistanê Cemal Ebdulah bi daxuyaniyekê ragihandi bû ku ewê di nav hewildanên li dijî PKK'ê de cih negirin.

Helwesta PKK rewşa han, bo Kurdan hin aloztir dike

PKK divê li şûna ku tehditan bike, li başurê Kurdistanê dema referanduma Kerkûkê nêzik dibe û li aliyeke din jî li bakurê Kurdistanê û li Tirkîye bi ketina parlementerên DTP bo meclîsa Tirk deriyeke nû bo çarser kirina hin problemên neteweyî Kurdan vebû bû.

PKK ji bo berjewendiyên dema nêzik berjewendiyên giştî yên dema dirêj ya neteweya Kurd xist xeterê.

Bêguman mafê her Kurd e ku di hemû axa Kurdistanê de bo azadiyê xebatan bimeşîne.Lê PKK şerê çekdarî bi avayekî sîstematîk bo azadî û serxwebûna Kurdistanê pêk nayine hedefa PKK tenê parastina hêza xwe ye. Şerê niha ya PKK ji feydeyê zêdetir zirarê tîne. Niha PKK bi domandina êrîşên xwe derdorên berjewendîxwaz, bi taybetî çete û arteşa Tirk bi hêz dike. Di cîhê ku karê arteş tune be bi avayekî xwezayî hêza arteş jî di nava jiyana demokratîk de kêm dibe.Her wiha di konaxeke bi şer de Kurd nikarin di her waran de hêsantir tevbigerin û dîyaloga navbera xwe derdora PKK jî tevde pêşbixînin.

PKK niha li bakur û rojhilatê Kurdistanê li şûna êrîşên çekdarî giranî bide birexsitin bûyina siyasî, pêşxisitna medyayê, pêşxistina bi rexistin bûyina civakî û bi rexistin bûyina dîplomatîk xebat kirina bo bi dest xistina mafên girîng wek perwerdeya bi kurdî hewl bide, bo pêşî lê girtina asîmîlsayonê hewl bide û li ber çavê hêzên Cîhanî hincetan bo pêşî lê girtina serxwebûna başûrê Kurdistanê dernexîne holê dê bo xwe û bo gelê Kurdistanê xizmeta herî mezin bike. Hêviya gel eve ku ger şerê çekdarî jî bike divê hedefeke eşkere diyar bikin û bo vê hedefê têbikoşin û bo bi dest xistina mafên neteweyî ya kurdan têbikoşin.

Hikumeta Kurdistanê dîplomasiyeke baş nemeşand û zêde bawerî bi AKP tînin

Rayedarên Kurdistana azad peyva dosteyatiya bi dewleta Tirk re wekî benişt dicûn û li her derê pesna AKP didin. Bêguman hin helwestên desthilatdariya Kurdistana azad taqtik û lazim e jî wisa me. Divê aqilene û stratejîk û li gorî rewşa konjokturel û li gorî sîstemetîka reela ya dîplomasiya bisûd were tevgerîn. Lê aliyeke din jî heye ku çi be bila be desthilatdariya Kurdistana azad dewleta Tirk baş nas nake. Dizanin ku dewleta Tirk pêşketina Kurdan naxwaze û dizanin li bakur mafên neteweyî ya Kurdan nayê danîn û hwd.. Desthilatdariya Kurdistana azad baş nabîne ku dewleta Tirk her tim li piştî paş ve gav avêtinê, paş ve gav avêtinek din dixwaze û dijminahiya dewleta Tirk bo hemû Kurdan û bo her çar perçeyê Kurdistanê ye..

Desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê de senoryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dÎtinan prestija Kurdan bi taybetî di hêla dîplomatîk de.

Divê Kurd zêde bawerî bi AKP neynin

Hikumeta AKP ku ji ber gelek sedemên cuda di serî ji qelsiya politikayên DTP û bi helwestên xwe yên nerm li hemberî Kurdan li bakurê Kurdistanê dengên xwe zêde kir û piştî hilbijartinan di meseleyên wek xirabkirina Hesenkêyf, qebul kirina perwerdeya bi Kurdî û di hin mijarên din de li dijî daxwazên kurdan helwest vergirt. Piştî zêde bûna dengên AKP serokê AKP Tayyip Erdogan jî got pirsgirêka Kurd hatiye çareser kirin û pirsgirek tenê pirsgirêka aborî ye..

Piştre derket holê ku AKP li şûna êrîşî Kurdan bike bi entegre kirin û bi dirêj kirina pêvajoyê dixwaze pirsgirêka Kurd ji holê rake. Tê xwestin ku di hilbijartinên li pêşiya me de jî dengên AKP li Kurdistanê zêde bibe û Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi serdan û bi çend febriqa û serdan û geran Kurd bêne xapandin.

Lê hêzên siyasî yên Kurd dikarin vê rewşe gor berjewendiyên Kurdan bikarbînin û riya pûç kirina stratejiya AKP ya engere kirina Kurdan bênavber anîna rojevê ya daxwaza Kurdan e û xebat kirina bo vê yekê ye.

Divê tevgera rizgariya bakurê Kurdistanê plan û projeyên AKP zû bi zû baweriyê neynin. Heta ku mafên neteweyî yên gelê bakurê Kurdistanê di serî de perwerdeya bi zimanê kurdî, derxistina efûya giştî û astengen ku li ber damezrandina partî û rexistinan bi nasnameya Kurdî werin rakirin divê tu hêzên Kurd projên AKP bawer nekin û pêşniyar û daxwazan jî qebûl nekin. ( HAWAR DENGÛBAS, Dîha / ajansan )

Binivsîne | Biçe Jor

Hemû Naveroka Beşa Kurdistan

irêdan