“Operasyona bo başûrê Kurdistanê dev jê berdana endametiya YE ye” ,30 Gulan,2007 | Kurdistan

Rojnameya Financial Times ya Brîtanî ragihand ku gellek dîplomatên Ewrûpayî di wê baweriyê de ne ku ger Tirkiye bi operasyoneke leşkerî bikeve Bakurê Iraqê (Başurê Kurdistanê), ev tê wateya devjêberdana hêviyên endametiya Yekîtiya Ewrûpayê-YE.

Li gor ku ji aliyê ajansên nûçeyan ve hatiye belavkirin, rojnameya Financial Times ya Brîtanî di derbarê nakokiyên navbera hikumet û rayedarên artêşa Tirk de radighîne ku gellek dîplomatên Ewrûpayî li ser wê baweriyê ne ku ger li Tirkiyê derbeyek leşkerî pêk were an jî, Tirkiye bi operasyoneke leşkerî bikeve herêma Başurê Kurdistanê, ev tê wateya dawîlêanîna hêviyên endametiya Yekîtiya Ewrûpayê-YE.

Rojname herweha radighîne, hin welatên Yekîtiya Ewrûpayê ku piştgiriya endametiya Tirkiyê ya YEê dikin, ji bo helwestgirtinê li benda encama hilbijartina li Tirkiyê ya 22 Tîrmehê ne û di wê baweriyê de ne ku wê hikumeta nû, li gor şertên YEê tevbigere û pêvajoya reforman bidomîne.

Financial Times, herweha diyar dike ku Serokwezîrê Fransayê Nicolas Sarkozy jî, li benda encama hilbijartinê ye û loma di vê pêvajoyê de zêde dijberiya Tirkiyê nake û wan rehet hêştiye.

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn.

Binivsîne | Biçe Jor

Hemû Naveroka Beşa Kurdistan

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke