Hewlên Dewleta Tirk bo asteng kirina Kurdan didome,19 Gulan,2007 | Kurdistan

Piştî biryara DTP ya tevlî bûna bi berendamên serbixwe bo hilbijartinan bo asteng kirina Kurdan AKP û CHP ku di tu mijaran de li hev nakin li hev kirin û biryara namzetên serbixwe di pusula dengdanê ya hevgirtî de cîh bigrin, girtin niha jî serdozgerê Dadgeha Bilind Nurî Ok, biryara betalkirina endametîya Hatîp Dîcle, Leyla Zana, Selîm Sadak, Orhan Dogan û herweha 116 kesên din, bi nivîsek ji Partîya Civaka Demokratîk re ragihand.

Serdozger di nivîsa xwe de dibêje ku hukmê cezayê her çar parlamenteran ji holê ranebîye, cezayê wan hatîye rawestandin.

Kurd bo çareser kirina hin kêşeyan û xurttir kirina têkoşîna neteweyî dixwazin biyekgirtî bikevin parleman Tirk

Li Tirkîye 3 partiyên di çerçoveya mafên Kurdan de dixebitin hene.Yekem KADEP a Serafettîn Elçî,dûyem DTP ku di xêza PKK de ye û di salên dawî de di politikaya wan de ber bi Kurdistanî bûynînê de hin guhertinên girîng derketi be holê jî hê bandora îmralî ser DTP serdest e.Partiya sêyemîn jî HAK-PAR e ku serokê wê partiyê Sertaç Bucak e.KADEP ji ber temam nekirina bi rexistin bûyîna xwe nikare tevlî hilbijartinan bibe û DTP û HAK-PAR tevlî hilbijartinan bibin.

Li pêşîya Kurdên bakûrê Kurdistanê gelek kêşeyên bingehîn wek perwerdeya bi zimanê kurdî,pêşxistina aborîyê û ji holê rakirina bê karîyê,bi temamî serbest berdena weşanên bi Kurdî,rakirina qedexeyên ser navên Kurd(navên gund û bajaran),di resmîyetê de pejirandina navê "Kurd",bi kar anîna zimanê Kurdî di kamûyê de,guherandina helwestên dewleta Tirk û civaka Tirk hember Kurdan, û heta çareser kirina problemên civaka Kurd ku di nava şerê dijî Kurdan a 30-40 salên dawîn de pêk hatine.

Divê Kurd bi çi avahî be bila bibe di hilbijartinên 2007'an ya Tirkîyeyê de bikevin parlemena Tirkan û derîyeke nû nav rêbazên têkoşînê tevlî bikin.Heviya gelê Kurd eve ku KADEP,DTP,HAK-PAR û hemû sazî,rexistin,komale û navendên Kurd bi yekrêzî tevbigerin û hêza siyasîya Kurdan xurtir bikin.Divê DTP wê îdolojîyeke temsîl neke wê hemû kurdan temsîl bike.Divê hemû polîtîkayan jî ser vê esasê bê meşandin.

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn.

Binivsîne | Biçe Jor

Hemû Naveroka Beşa Kurdistan

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke