Divê PKK rewşa Kurdistana azad li ber çav bigre

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Kurdistan/Rojev

Cîhan

Çand û Huner

Kurdistana Azad

Medyaya Kurdî

Zanist/Teknolojî

Aktuel /Jiyan

Aborî/Fînans

Nivîs/Lêkolîn

Dosyayên Taybet

Arşîw/Lêgerîn

Kunye/Rêvebirî

girêdan

Ji Weşanên HKMG

Malpera Dezgehî-Sereke a HKMG:hkmg.net

young team

Kurdistan / Rojev

girêdanên sponsor

Divê PKK rewşa Kurdistana azad li ber çav bigre

NÛÇE-ŞÎROVE: HESEN DILGEŞ / HAWAR DENGÛBAS

09 Îlon (Rezber), 2007 weşandin:09:32:12 (GDK)

HEWLÊR, Kurdistana azad (HAWAR) -- Niqaşên li ser derbarê êrîşên dewleta îran û dewleta tirk ser Kurdistana azad gurtir dibe.

Piştî civîna taybet ya parleman kurdistan ser vî mijarî û piştî daxuyaniyên serokê Kurdistanê Mesûd Barzanî, Celal Talabanî jî ser mijara êrîşan civîneke çapamenîyê li dar xist û êrîşên bê hiquqî mehkum kir.

Di daxuyaniyên rayedarên rêvebiriya Kurdistanê de ji xeynî riswa kirina êrîşên Îran û dewleta Tirk de xaleke din ê hevbeş ew bû ku ji PKK banga tegerîna bi hîsa aqilane hate kirin.

Serokê Kurdistanê; "Rewşa Kurdistana Federal hesas e"

Serokê Kurdistanê di axaftina xwe ya li parlemena Kurdistanê de got;"ser gelê kurd bi dehan salin tê êrîş kirin lê êdî divê herkes fam bike ku tu kes nikare bi bombe û êrîşan tiştekî li Kurdan bide qebûl kirin"

û daxwaz ji PKK kir ku rewşa herêma Kurdistanê li ber çav bigrin.

Talabanî; "An xebata xwe ya çekdarî bibin perçeyên xwe an jî xebata siyasî bimeşînin"

Serkomarê Iraqê Celal Talebanî doh li Silêymaniyê çapemeniyê li dar xist.

Talabanî di mijara yekê ya civîna xwe de li ser topbarana îran û Tirkiye rawesta û ragihand ku ew li dijî hemû topbaranan in û divê topbaran yekser bên rawestandin. Talebanî her weha daxwaz ji PKK û PJAK-ê jî kir û got:" Her du rêxistin bila axa herêma Kurdistanê bi cih bihêlin an xebata xwe ya çekdarî bibin welatê xwe an jî xebata siyasî bimeşînin."

Şerê niha ya PKK ji feydeyê zêdetir zirarê tîne

Li başurê Kurdistanê dema referanduma Kerkûkê nêzik dibe û li aliyeke din jî li bakurê Kurdistanê û li Tirkîye bi ketina parlementerên DTP bo meclîsa Tirk deriyeke nû bo çarser kirina hin problemên netweyÎ Kurdan vebû.Her wiha Kurdistana azad bi pêşketina xwe di riya serxwebûnê de ye.

PKK ji bo berjewendiyên dema nêzik berjewndiyên giştî yên dema dirêj ya netweya Kurd dixe xeterê.

Bêguman mafê her Kurd e ku di hemû axa Kurdistanê de bo azadiyê xebatan bimeşîne.Lê PKK şerê çekdarî bi avayekî sîstematîk bo azadî û serxwebûna Kurdistanê pêk nayine hedefa PKK tenê parastina hêza xwe ye.

Niha PKK bi domandina êrîşên xwe derdorên berjewendîxwaz,bi taybetî çete û arteşa Tirk bi hêz dike. Di cîhê ku karê arteş tune be bi avayekî xwezayî hêza arteş jî di nava jiyana demokratîk de kêm dibe.Her wiha di konaxeke bi şer de Kurd nikarin di her waran de hêsantir tevbigerin û dîyaloga navbera xwe derdora PKK jî tevde pêşbixînin.Êrîşên PKK û kuştina serbazên Tirk û Îran niha kerî tiştek neye û tenê zordestîye Tirkan li bakûrê Kurdistanê û zordestiya dewleta Îranê li rojhilatê Kurdistanê zêdetir dike û Iran û dewleta Tirk bo rûxandina Dewleta Federe ya Kurdistan û pêşî lê girtina referanduma Kerkûkê hincêtan derdixîne holê.

Di vê konaxa hessas de li şûna êrîşên çekdarî riyên din hene

PKK niha li bakur û rojhilatê Kurdistanê li şûna êrîşên çekdarî giranî bide birexsitin bûyina siyasî, pêşxisitna medyayê, pêşxistina bi rexistin bûyina civakî û bi rexistin bûyina dîplomatîk xebat kirina bo bi dest xistina mafên girîng wek perwerdeya bi kurdî hewl bide, bo pêşî lê girtina asîmîlsayonê hewl bide û li ber çavê hêzên Cîhanî hincetan bo pêşî lê girtina serxwebûna başûrê Kurdistanê dernexîne holê dê bo xwe û bo gelê Kurdistanê xizmeta herî mezin bike.

Ger problema Kerkûkê çareser be û başûrê Kurdistanê serbixwe be wê ji vê yekê hemû perçeyên Kurdistanê bi qezenc derkevin.

Bi xwedî derketina Dewleta Federe ya Kurdistanê û bi serkeftî pêkhatina prosesa serxwebûna vê dewletê, parastina ziman,çand û hunera Kurdî pêkanîna yekrezîyê di nav rêxistinên Kurd e û bi baş bikaranîna amûrên ragihandinên Kurdî ên heyî dewleta Tirk û Îran wê êdî heta dawîyê têbigehêjin ku ser neteweya Kurd wekî berê bi hêsanî naye tecawiz kirin.

Ger PKK di şerê çekdarî de bi israr be divê axa Kurdistana azad bi kar neyîne da ku Iran û dewleta Tirk bo rûxandina Dewleta Federe ya Kurdistan û pêşî lê girtina referanduma Kerkûkê hincêtan nebînin û neçar bibÎnin ku hin mafên Kurdan jî bidin.

Rexistinên dervey PKK divê rolên xwe bileyzin

Di vê pêvajoyê de rexistinên din yên Kurd ji xeynî peyam weşandinê tiştekî din nakin û rolên xwe yên pêwîst nalîzin.

Çalakîyekên sivîl pêşnexistin,di nava xwe di hêla aborî de bi zelalî tevnnegeriyan û bo pêşketina aborîya ku bo têkoşînê bihata xerc kirin plansazîyekî stratejîk çê nekirin.Bi Kurdistana azad ser bingeheke dirûst têkîlî nehate danîn.Tenê pesna pêşketina Kurdistana azad hate kirin û bo pêknanîna hevparîyan di navbera Kurdistana azad û doza Kurd ya li bakûr têkîlîyên mayînde,nêzik û stratejîk nehate danîn.

Bo pêşî girtina dejenerasyon,rewşa ciwanên Kurd,bêtehemmulîya civakî û bêehleqîyê li bakurê Kurdistanê xebatan (wek semîner,komîsyon, dîplomasî,meş û hwd..) nehate kirin, di weşanên xwe de jî cihên berfirehtir nedan wan mijaran.

Televîzyoneke neteweyî nehate ava kirin.Di warê înternetê de an jî bi giştî medyayê de weşanên nû ava nekirin,Partîyên 20-30 salî hin jî hemû hebûnên xwe bi malperekî didomînin.Tenê dinivîsînin û belav bûna wan nivîs û daxûyanîyên xwe jî hewlên profesyonel nadin.(HAWAR DENGÛBAS)

Binivsîne | Biçe Jor

Hemû Naveroka Beşa Kurdistan

irêdan