Dewleta Tirk bi hincêta PKK amadekariya şereke seranserî li dijî Kurdistana azad û hemû Kurdan dike

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Kurdistan/Rojev

Cîhan

Çand û Huner

Kurdistana Azad

Medyaya Kurdî

Zanist/Teknolojî

Aktuel /Jiyan

Aborî/Fînans

Nivîs/Lêkolîn

Dosyayên Taybet

Arşîw/Lêgerîn

Kunye/Rêvebirî

girêdan

Ji Weşanên HKMG

Malpera Dezgehî-Sereke a HKMG:hkmg.net

young team

Kurdistan / Rojev

girêdanan bitiqînin

Dewleta Tirk bi hincêta PKK amadekariya şereke seranserî li dijî Kurdistana azad û hemû Kurdan dike

NÛÇE-ŞÎROVE: SERHAD B.RÊNAS - HESEN DILGEŞ / HAWAR DENGÛBAS

11 Kewçêr, 2007 weşandin:08:59:32 (GDK)

Arteşa Tirk her aliyê bakurê Kurdistanê bi leşker û tanq û çekan tije kir

AMED, bakurê Kurdistanê (HAWAR DENGÛBAS) -- Piştî kuştina 15 leşkerên Tirk ên li Elkê û Şirnexê ya bakurê Kurdistanê dîsa li dewleta Tirk bangbêjiya şerê seranserî li dijî Kurdan tê kirin.

Dewleta Tirk ku ev demeke dirêj e ji bo operasyoneke ser Kurdistana azad bike, bûyerên li Elkê û Şirnexê wekî hincet nîşan da û bi awayekî fiîlî gefa operasyona fermî kir. Pêr ku li serokomariyê Abdullah Gul, Serokwezîr R. Tayip Erdogan û Serfermadarê Giştî Yaşar Buyukanit biryara ku ji bo operasyona dersînor girtibûn, duh di Lijneya Bilind ya Têkoşîna bi Terorê (LBTT) fermî kir.

Hikumeta AKP û arteşa Tirk li hev kirin û çaresariya AKP derket holê

Tê zanîn ku arteşa Tirk heta niha bo tirsandina çavê Kurdan dixwest ku parelemena Tirk tezkere derbixîne lê AKP qeyîlî vî tiştî nedibû.Niha derketiye holê ku hikumet û arteşa Tirk li hev kirin û bo derxistina tezkere dest bi amadekariyan hate kirin.

Hikumeta AKP ku heta niha bi helwestên xwe yên nerm li hemberî Kurdan li bakurê Kurdistanê ji hikumetaên berê ya dewleta Tirk cûda xuya dikir û êdî AKP jî ser riya politikayên kevn diçe.Piştî zêde bûna dengên AKP serokê AKP Tayyip Erdogan jî got pirsgirêka Kurd hatiye çareser kirin û pirsgirek tenê pirsgirêka aborî ye.

Li tevahiya bakûrê Kurdistanê rewşeke awerte derket holê

Arteşa Tirk her çiqas heta niha nekaribe armancên xwe yên dagirkirina Kurdistana azad pêk bînê jî,li bakûrê Kurdistanê xiste rewşeke şerê giran û zexta ser gel jî tê zêde kirin.Piştî zêde bûna êrîşên PKK dewleta Tirk bi vê hincetê zextên xwe zêde kir.Di rjên dawî de bidehan kes hatin girtin.Weşanên Kurdî hatin ceza kirin. Arteşa Tirk her aliyê bakurê Kurdistanê bi leşker û tanq û çekan tije kir. Avêtina ser malan zêde bû. Her wiha dewleta Tirk bi riya medya û ragihandinê jî êrîşên pskolojîk li dijî Kurdan pêk tîne.Operasyonên Artêşa Tirk ku li gelek bajarên Kurdistanê yên wekî Amed, Mêrdîn, Colemêrg, Şirnex, Dêrsim, Sêrt û hwd. li dijî gerîlayên PKK’ê daye destpêkirin bi beşdariya tîmên taybet, endamên JÎTEM’ê, û cerdevanan berdewam dike. Operasyonên ku li Kurdistanê hatine destpêkirin rê li ber mirinan vedike.

Di vê navberê de topbarana arteşa Tirk ya ser sînora Kurdistana azad jî didome.

Ger PKK dixwaze xizmetê gelê kurd bike bo dema niha riyên guncawtir heye

Li başurê Kurdistanê dema referanduma Kerkûkê nêzik dibe û li aliyeke din jî li bakurê Kurdistanê û li Tirkîye bi ketina parlementerên DTP bo meclîsa Tirk deriyeke nû bo çarser kirina hin problemên netweyÎ Kurdan vebû.Her wiha Kurdistana azad bi pêşketina xwe di riya serxwebûnê de ye.

PKK ji bo berjewendiyên dema nêzik berjewendiyên giştî yên dema dirêj ya neteweya Kurd dixe xeterê.

Bêguman mafê her Kurd e ku di hemû axa Kurdistanê de bo azadiyê xebatan bimeşîne.Lê PKK şerê çekdarî bi avayekî sîstematîk bo azadî û serxwebûna Kurdistanê pêk nayine hedefa PKK tenê parastina hêza xwe ye.Şerê niha ya PKK ji feydeyê zêdetir zirarê tîne.Niha PKK bi domandina êrîşên xwe derdorên berjewendîxwaz,bi taybetî çete û arteşa Tirk bi hêz dike. Di cîhê ku karê arteş tune be bi avayekî xwezayî hêza arteş jî di nava jiyana demokratîk de kêm dibe.Her wiha di konaxeke bi şer de Kurd nikarin di her waran de hêsantir tevbigerin û dîyaloga navbera xwe derdora PKK jî tevde pêşbixînin.

PKK niha li bakur û rojhilatê Kurdistanê li şûna êrîşên çekdarî giranî bide birexsitin bûyina siyasî, pêşxisitna medyayê, pêşxistina bi rexistin bûyina civakî û bi rexistin bûyina dîplomatîk xebat kirina bo bi dest xistina mafên girîng wek perwerdeya bi kurdî hewl bide, bo pêşî lê girtina asîmîlsayonê hewl bide û li ber çavê hêzên Cîhanî hincetan bo pêşî lê girtina serxwebûna başûrê Kurdistanê dernexîne holê dê bo xwe û bo gelê Kurdistanê xizmeta herî mezin bike.

Senaryoyên qirêj ya dewleta Tirk

Arteşa Tirk dixwaze êrîşî Kurdistana azad bike.Lê bo vê yekê DYE nekarîbûn razî bikin.Yek ji sedemên zêdebûna operasyonên ku Buyukanit ev saleke amadekariya wan dike ew e ku li Tirkiyeyê hewayê şer serdest bibe û artêş dîsa bikare wekî berê bi rehetî mudaxeleyî her qada siyasetê û jiyana civakî bike.

Dewleta Tirk her tim li pêy têkdana Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel jî tê zêde kirin.

Arteşa Tirk û hemû derdorên faşîst yên Tirkan dijmîne gelê Kurd in.Pêşketina bîr û baweriyên dervey kemalîzm û Tirkperestîyê an jî pêşketina Kurdan li Kurdistana azad û bi dest xistina hin mafên biçûk li bakûrê Kurdistanê hêzên nijadperest,arteşa Tirk, dijminên Kurdan, kemalîstên faşîst, çeteyên tarî, derdorên mîlîtarîst û hemû hêzên ku ji berjewendîyên xwe winda dikin dixe nava livûtevgerê.Tê xwestin ku bi bilind kirina pêla şovenizma Tirk xwe îfade kirina Kurdan di asta raya giştî yê Tirkîye de bê qut kirin û heta destkeftiyên salên dawî yên kurdan jî ji holê bêne rakirin..

Tirk dikarin bikevin Kurdistana azad lê nikarin derkevin

Dewleta Tirk operasyonên bihurî yên ser PKK wekî mînak nîşan dide.Di operasyonên bihurî de konjoktura herêmê gelek cûda bû û hê Kurdên Kurdistana azad û bi giştî hemû gelê Kurd bi qasê niha ne xwedî stratejîyeke hevbeş bûn û opresyonên berê ne bo xêra kirina detkeftÎyên li Kurdistana azad bû.Ji ber vê yekê jî dewleta Tirk dikarî bû têkeve xaka Kurdistana azad.

Di dema niha de Kurdistana azad ser riya pêşketin û avadanîyê de ye û di nevbera hemû hêzên Kurdan de nêzîk bûneke berbiçav heye.Ger dewleta Tirk bikeve Kurdistana azad wê li hemberî xwe ne tenê hêzên PKK dê hemû kurdan bibîne.

Kurdistana azad xwedî tecribeyeke 80 salî yê têkoşîna li dijî dagirkeran e.Di demên herî xirab de di tengasîyên herî kûr de dijminên kurdan nekarî bûna başûrê Kurdistanê têk bibin.Di roja me de li gel hemû pêşketin û detkeftÎyên sîyasî,aborî,leşkerî,polîtîk,rexistinî,dîplomatÎk û li gel piştgirîya perçeyên din ya Kurdistanê qet ne mimkune ku dewleta Tirk li Kurdistana azad serkeve.Kurd ger neçar bibînin wek 100 salên rabirdû li gel hêza xwe mezin ya îro xwe bisperîn çiyayên Kurdistanê ku tu car dijminên Kurdan re nebûye war û axa Kurdistanê ji dewleta Tirk re bikin dojeh.

Dewleta Tirk dikare bikeve axa Kurdistana azad lê nikare derkeve.Di her kûçe,kolan,cade,avahî,rê û deriyên li Kurdistana azad bo Tirkan bibin niqteyên mirinê.Dijminên Kurdan her tim karine ser Kurdan êrîş bikin lê tu carî nikarî bûne têkoşÎna kurdan biqedînin.Ger em rewşa taybet ya coxrafî û soyal yê Kurdistanê jî bigrin ber çavan derdikeve holê Kurd Tirk bi şikestineke mezin re rû bi rû ne.

Raya giştî yê Tirk bi 2-3 cenazeyên leşkerên tirk serobin dibe.Ger ji Kurdistana azad her roj nûçeyên mirina bi dehan leşkerên Tirk derkeve û li gel wê serhildana Kurdên bakûr û Ewrûpa û perçeyên din jî derkeve holê wê bibe sedema bi temamî tevlîhev bûna hundirê Tirkîye û alozîyeke mezin derkeve.Doza Kurdan dozeke rewa ye û ji ber vê yekê jî tekdana wê ne mimkune. (HAWAR DENGÛBAS )

Binivsîne | Biçe Jor

Hemû Naveroka Beşa Kurdistan

irêdan