Banga bi lez ji bo raya giştî ya navnetewî!, 15 Kewçêr, 2007

Daxûyanî -- Wek raya giştî ya navnetewî jî agahdar e, hukumeta Tirk, hebûna hêzên PKK dike bahane û hewl dide, ku ji parlamenê tezkereyeke derxîne û êrîşî Kurdistana Başûr bike. Ji aliyê din, li seranserê Tirkiyê propaganda dij-Kurd ya regezperest û şovîn û êrişên linç bihêztir dibin.

Her usa dewleta Tirk dixwaze di qada navnetewî da jî ji xwe ra alîgiran peyda bike, qet nebe dezgeh û rêxistinên navnetewî li hember vê êrîşê bêdeng bimînin.
Lê belê, eşkere ye, ku binpêkirina hudûda dewleteke din, gor peymanên navneteweyî, ne yasayî ye û tu şik tune, ku mebesta dewleta Tirk, ne PKK ye, ruxandina statuya Kurdistana Başûr e, ku berpirsiyarên leşkerî û sîvîl yên Tirk bi dehan caran eşkere kirin.

Lê divê neyê ji bîr kirin; axa ku dewleta Tirk dixwaze êrîş bike, di bin hukma dewleta Iraqê da ye û ji bilî hêzên Kurdistanî û Iraqî, ji aliyê hêzên navnetewî jî tê parastin.

Dîsa divê baş bê zanîn, ku ev êrîş wê bê îstikrarî û bê aramiya heremê zêdetir bike û ev jî ne tenê ji bo heremê, ji bo seranserê Rojhilata Navîn wê bibe xeterek mezin.

Dîrok jî şahid e, ku gelê Kurd, ji bo parastina mafên xwe yên rewa û mirovî, herdem berxwe daye û bê guman ger hewce be, wê dîsa berxwe bide. Lê belê, di vê qonaxa hesas da, roleke bingehîn û giring dikeve ser milê dezgeh û rêxistinên navnetewî.

Binivsîne | Biçe Jor

Hemû Naveroka Beşa Kurdistan

irêdan