Zanayên olan Kurdistana azad helwestê xwe li hember tehdîtên Tirkiyê nîşan dan , 16 Kewçêr, 2007

Di axaftina xwe ya gruba AKP-ê de Serokwezîrê Tirkiyê Recep Tayyip Erdogan ragihand ku ew bi biryarin operasyoneke leşkerî ya dersînor pêk bînin, lê nayê wê wateyê ku operasyon piştî ku tezkere li parlementoyê hat pêjirandin, bê pêkanîn.

Erdogan got."Ger pêwîst be zanîn, operasyon dê cih û dema xwe de bê kirin.Hedef tenê rêxistina terorê ye.Tu kes bila armanca tezkereyê de armanc û hedefeke din lê negere.Iraq cîranê me ye.Kesên li wir jî birayên me ne.Operasyoneke wiha dê li hemberî kesên sivîl nabe."

Erdogan ragihand ku wan tezkereyê pêşkeşî parlementoyê kirine û hişyarî jî li ser wê yekê da ku divê hemû partiyên siyasî û rêxistin piştgiriya wê bidin.

Erdogan li ser helwestên parlementerên serbixwe ku naxwazin operasyoneke leşkerî li ser Herêma Kurdistanê bê pêkanîn, got:"Yên ku ji rêxistina terorê re nebêjin 'dev ji terorê berde', ji me re jî nikarin bêjin ku 'operasyoeneke derveyî sînor nekin'."

Erdogan axaftina xwe bi tundî wiha domand:"Divê herkes li hemberî terorê helwestê xwe tekîd bike.Yê ku mesafe nexe di navbera xwe û terorê, dê tekôşîna li hemberî terorê, bandoreke neyînî bibîne."

Erdogan ragihand jî ew bi vê biryarê ve xwe diparêzin û got:"Cihê ku xwe parastin lê hebe, rê rêbazên hiqûq namînin."

Erdogan daxwaz ji karbidestên Herêma Kurdistanê kir ku hevkariya wan bikin ku li gor wî riya herî baş ew e.

Erdogan li ser pejiranina pêşnûmeya jenosîda ermeniyan di Komîteya Pêwendiyên Derve ya Civata Nûnerên DYA-yê jî ragihand ku li ser vê mijarê tehammulê wan nemaye û got."Ger Tirkiye li ser vê mijarê zerer bibîne, dê yên ku hemberê wê jî 10 qat zererê bibînin.Ger baş jî bikin hûn dizanin, ger xirap jî bikin hûn dizanin.

Erdogan ragihand jî di dîroka wan de tu bûyerên wiha tûne ne.. (puk media)

Binivsîne | Biçe Jor

Hemû Naveroka Beşa Kurdistan

irêdan