Bangawaza Partiyên Kurdî û Kurdistanî Ji Bona Bîrûrayê Giştî , 15 Kewçêr, 2007

Daxûyanî -- Armanca tezkere tênê “jêk belav kirina bingehên PKK li welateka cîran da” nine. Armaca bingehîn ya Tezkere Ezmuna Kurdistanê ye, ku daxwaz û îradeya Kurdên Başurê destnişan dike. Hûn jî baş dizanin, ku generalên Tirk gelek caran ragihandin û gotin, ku “Hikumeta Herêma Kurdistanê xeter e li ser asayişa netewiya Tirkiyê.”

Nûnerên hêja,

Bi vê nama xwe va, berê ku di Meclîsê da guftugo li ser Tezkere dest pêbike, em dixwazin bala we bikşinên li ser hinek xalên giring.

Armanca tezkere tênê “jêk belav kirina bingehên PKK li welateka cîran da” nine. Armaca bingehîn ya Tezkere Ezmuna Kurdistanê ye, ku daxwaz û îradeya Kurdên Başurê destnişan dike. Hûn jî baş dizanin, ku generalên Tirk gelek caran ragihandin û gotin, ku “Hikumeta Herêma Kurdistanê xeter e li ser asayişa netewiya Tirkiyê.

Lê, rastî ne usa ye. Hikumeta Herêma Kurdistan li ser asayişa Tirkiyê xeter nine. Beravejiya vê, Hikumeta Herêma Kurdistanê, di Iraqa Federal da, ji bona demokrasî û aşitiyê zamin e. Xizmeta Hikumeta Herêma Kurdistanê ji bona cigir bûna aramî û aşitiyê di navçeya Rojhilata Navîn da, berçav e.

Hêjayan,

Kurdên Başûr gernas in. Her tim li ber zilm û zordariyê xebat kirine. Kurdên Başûr bengiya azadiyê ne û ji bona azadiya xwe amade ne her cure fîdakarî û cangoriyê bikin. Xebata Kurdên Başur ji demezrandina dewleta Iraq heya îro nişana vê rastiyê ye. Hikumeta Herêma Kurdistanê, ku îradeya Kurdên Başurê destnişan dike, bo çi bibe xeterek li ser ciranê xwe? Ligel vê hendê jî Serokatiya Siyasiya Herêma Kurdistanê her tim ragihandiye, ku dixwaze ligel ciranên xwe peyvendiyên baş deyne, pirs û pirsgirêkên xwe bi rêka dan û standinê çareser bike. Hikumeta Herêma Kurdistanê, ji bona dostaniyê, gelek caran destê xwe dirêjî dewleta Tirk kiriye, lê dewleta Tirk, ji ber tirs û xofên bê bingeh destê Hikumeta Herêmê negirtiye.

Nûnerên Hêja,

Herwekî dizanin Ordiya Tirk, heya îro 24 caran li axa Kurdistana Başurê operasyon çekiriye. Operasyonên hanê ne tenê negihiştine armancên xwe, her usa zirufa navçeyê aloztir kirine. Bê guman vê carê wê usa be, pirsgirêk wê aloztir û tevlihevtir be..

Bandora operasyona leşkeriya Tirkiyê, li ser prosesa Yekitiya Ewropa wê xirab be. Operasyon dibite sedema evê ku Tirkiyê ji bîrurayê cihanê durkeve û bibe welateka daxistî û girtî. Operasyon wê bibe astengek li pêşiya demokratize kirina Tirkiyê, ku bi pêyê kûsî diçite pêş. Bi baweriya me yên ku Tirkiyê hez dikin, divê nehelin, ku Tirkiyê bikeve rewşa hanê.

Ji aliyê dinê va, Kurdên Bakûr, wê diji her gavên dewleta Tirk, ku Hikumeta Herêma Kurdistanê tevgav dikin, derkevin û bi şikle aşitiyê helwesta xwe nişan bidin.
Hêjayan,

Em ji we dixwazin, ku di dema giftugoya Tezkere da rastiyên hanê li ber çav bigrin. Dengê xwe nedine operasyonên leşkerî, ku bilî ji aloztir kirina navçeyê, kêrî tu tişt nayê.

Em benda evê ne ku hûn ji bona danina peyvendiyên baş ligel Hikumeta Herêma Kurdistanê, ber bi pêş birina demokrasî û careser kirina kêşaya Kurd li Tirkiyê, hewl bidin. Rêka nehiştina “teror” û cigir bûna arami û asayiş li navçeyê ev e..

Em hêvidar in hûnê rastiyên hanê berçav digrin û dijî tezkere derdikevin..

14.10.2007

Komîta Navendî Ya

Partiya Sosyalista Kurdistan

Binivsîne | Biçe Jor

Hemû Naveroka Beşa Kurdistan

irêdan