Divê hember dagirkeriya dewleta Tirk rexistinên Kurd bikevin tevgerê

Herî parekî mezin jî ser milên rexistinên Kurdan dikeve. Divê rexistin û partîyên Kurd, bi daxûyanî, bi organîze kirina meş, konferans, panel, kampanya,komkirina îmze, ragihandina e-maîl û nameyan bo dezgehên navneteweyî, bi dîplomasîya bi rayedarên Ewrûpî û Emerîkî re hewlên dagirkeri û dijminkariya dewleta Tirk li dijî Kurdan û rewşa bakurê Kurdistanê û Kurdistana azad ragihînin.

Partî û rexistinên Kurdan niha tenê daxuyanî diweşînin, daxuyanî weşandin herî zêde bala raya giştî ya KurdÎ dikşîne û divê bo kişandina bala raya giştî ya navnetweyî rêbazên din jî were bikaranÎn.

Banga 'Destûrnameyê Erê Nekin'

Der barê destûrnameyê de ku wê destûrê bide operasyona derveyî sînor, nûnerên rêxistinên civaka sivîl jî, banga 'destûrnameyê erê nekin' li parlemanteran kir.

Cîgira Serokê Koma DTP'ê di parlemanê de Fatma Kurtulan got, serokwezîrê Tirkiyê jî aniye ziman ku operasyona derveyî sînor wê nebe çareserî. Kurtulan da zanîn, ku ew ê di meclîsê de dengê 'na' bidin destûrnameyê û bang li parlemanterên ji Kurdistanê hatine hilbijartin kir ku dengê 'na' bidin destûrnameyê. Serokê giştî yê EMEP'ê Levent Tuzel jî anî ziman, ku divê ti parlemanter dengê erê nede vê siyaseta bi xeter. Serokê giştî yê KESK'ê Ismaîl Hakki Tombul û Serokê odeyên Mîmar û Muhendisên Tirkiyeyê Mehmet Soganci bang kirin, ku pirsgirêka kurd ji berdêla rêbazên şîddetê bi rêyên demokratîk were çareserkirin. Tirkiyê pirsgirêka xwe ya ewlekariyê li dora operasyona derveyî welêt gerandiye, ev yek ji aliyê serokê Giştî yê Mazlûm-Der'ê Ayhan Bilgen ve weke şaşiyeke mezin a stratejîk hate nirxandin.
Serokê Giştî yê Komeleya Mafê mirovan ÎHD'ê Husnu Ondul jî amadekariyên operasyona derveyî sînor weke îlana şer nirxand û got, destûrname tê wateya şerê navxweyî, bêhtir xwîn û rondikên çavan,
Şaxê Wanê yê Komeleya Piştgiriya Girtiyan TUYAD-DERê li dijî zextên li ser girtiyan daxuyaniyek da.

Şingarî:"Bi tu awayî rê nadin Tirkiye ku sinorê Iraqê derbas bike"

Wezîrê herêmê ji bo karûbarên navxwe Kerîm Şingarî aşkere kir ku ew dever û gundên Tirkiye bombebaran kiriye tu hêzeke ser bi PKK tê de nîne.

Kerîm Şingarî ragihand ku deverên ku artêşa Tirkiye daye ber topan, tu hêzeke PKK lê tuneye û deverên kurdên sivîl in. Şingarî di heqê dengdana parlamentoya Tirkiyeyê a ji bo hatina nav axa herêma Kurdistanê jî got:" Têkiliya wê yekê bi serweriya axa Iraqê ve heye û em jî beşek in ji Iraqê û berpirs in ji parastina wî welatî lê ev mesele taybet e bi hikûmeta fedaral ya Bexdayê ku wan daxuyaniyan red kiriye û got:" Bi tu awayî rê bi hêzên Tirkiye nadin ku sinorê Iraqê derbas bikin."

Koşka Sipî carek din Tirkiye hişyar kir

Piştî îmzekirina tezkereya operasyona leşkerî ya li derveyê sînor ya li Başûrê Kurdistanê ku ji aliyê Encumena Wezîran ya Tirkiyê ve hat îmzekirin û ji bo destûrdayînê ji parlamentoyê re hat rêkirin, berdevkê Koşka Sipî ya Emerîkayê Gordon Johndroe, hişyarî da Tirkiyê û bala wan kişand ku divê ji çalekiyên ku rê li ber bêîstîqrarî û aloziyan vebike, xwe dûr bidin.

Çareseriya AKP jî wek hikumetên berê êrîşkarî ye

Tê zanîn ku arteşa Tirk heta niha bo tirsandina çavê Kurdan dixwest ku parelemena Tirk tezkere derbixîne lê AKP qeyîlî vî tiştî nedibû.Niha derketiye holê ku hikumet û arteşa Tirk li hev kirin û bo derxistina tezkere dest bi amadekariyan hate kirin.Hikumeta AKP ku heta niha bi helwestên xwe yên nerm li hemberî Kurdan li bakurê Kurdistanê ji hikumetaên berê ya dewleta Tirk cûda xuya dikir û êdî AKP jî ser riya politikayên kevn diçe.Piştî zêde bûna dengên AKP serokê AKP Tayyip Erdogan jî got pirsgirêka Kurd hatiye çareser kirin û pirsgirek tenê pirsgirêka aborî ye.

PKK dikare riyên guncawtir bi kar bîne

PKK ji bo berjewendiyên dema nêzik berjewendiyên giştî yên dema dirêj ya neteweya Kurd dixe xeterê.

Bêguman mafê her Kurd e ku di hemû axa Kurdistanê de bo azadiyê xebatan bimeşîne.Lê PKK şerê çekdarî bi avayekî sîstematîk bo azadî û serxwebûna Kurdistanê pêk nayine hedefa PKK tenê parastina hêza xwe ye.Şerê niha ya PKK ji feydeyê zêdetir zirarê tîne.Niha PKK bi domandina êrîşên xwe derdorên berjewendîxwaz,bi taybetî çete û arteşa Tirk bi hêz dike. Di cîhê ku karê arteş tune be bi avayekî xwezayî hêza arteş jî di nava jiyana demokratîk de kêm dibe.Her wiha di konaxeke bi şer de Kurd nikarin di her waran de hêsantir tevbigerin û dîyaloga navbera xwe derdora PKK jî tevde pêşbixînin.

PKK niha li bakur û rojhilatê Kurdistanê li şûna êrîşên çekdarî giranî bide birexsitin bûyina siyasî, pêşxisitna medyayê, pêşxistina bi rexistin bûyina civakî û bi rexistin bûyina dîplomatîk xebat kirina bo bi dest xistina mafên girîng wek perwerdeya bi kurdî hewl bide, bo pêşî lê girtina asîmîlsayonê hewl bide û li ber çavê hêzên Cîhanî hincetan bo pêşî lê girtina serxwebûna başûrê Kurdistanê dernexîne holê dê bo xwe û bo gelê Kurdistanê xizmeta herî mezin bike.

Hedef destkeftiyên gelê Kurdistanê ye

Pêşketina bîr û baweriyên dervey kemalîzm û Tirkperestîyê an jî pêşketina Kurdan li Kurdistana azad û bi dest xistina hin mafên biçûk li bakûrê Kurdistanê hêzên nijadperest,arteşa Tirk, dijminên Kurdan, kemalîstên faşîst, çeteyên tarî, derdorên mîlîtarîst û hemû hêzên ku ji berjewendîyên xwe winda dikin dixe nava livûtevgerê.Tê xwestin ku bi bilind kirina pêla şovenizma Tirk xwe îfade kirina Kurdan di asta raya giştî yê Tirkîye de bê qut kirin û heta destkeftiyên salên dawî yên kurdan jî ji holê bêne rakirin..

Dewleta Tirk bi dijminkariya xwe, dawiya xwe amade dike

Piştî kuştina 15 leşkerên Tirk ên li Elkê û Şirnexê ya bakurê Kurdistanê dîsa li dewleta Tirk bangbêjiya şerê seranserî li dijî Kurdan tê kirin.Dewleta Tirk operasyonên bihurî yên ser PKK wekî mînak nîşan dide.Di operasyonên bihurî de konjoktura herêmê gelek cûda bû û hê Kurdên Kurdistana azad û bi giştî hemû gelê Kurd bi qasê niha ne xwedî stratejîyeke hevbeş bûn û opresyonên berê ne bo xêra kirina detkeftÎyên li Kurdistana azad bû.Ji ber vê yekê jî dewleta Tirk dikarî bû têkeve xaka Kurdistana azad.Di dema niha de Kurdistana azad ser riya pêşketin û avadanîyê de ye û di nevbera hemû hêzên Kurdan de nêzîk bûneke berbiçav heye.Ger dewleta Tirk bikeve Kurdistana azad wê li hemberî xwe ne tenê hêzên PKK dê hemû kurdan bibîne.

Kurdistana azad xwedî tecribeyeke 80 salî yê têkoşîna li dijî dagirkeran e. Di demên herî xirab de di tengasîyên herî kûr de dijminên kurdan nekarî bûna başûrê Kurdistanê têk bibin.Di roja me de li gel hemû pêşketin û detkeftÎyên sîyasî,aborî,leşkerî,polîtîk,rexistinî,dîplomatÎk û li gel piştgirîya perçeyên din ya Kurdistanê qet ne mimkune ku dewleta Tirk li Kurdistana azad serkeve.Kurd ger neçar bibînin wek 100 salên rabirdû li gel hêza xwe mezin ya îro xwe bisperîn çiyayên Kurdistanê ku tu car dijminên Kurdan re nebûye war û axa Kurdistanê ji dewleta Tirk re bikin dojeh.

Dewleta Tirk dikare bikeve axa Kurdistana azad lê nikare derkeve.Di her kûçe,kolan,cade,avahî,rê û deriyên li Kurdistana azad bo Tirkan bibin niqteyên mirinê.Dijminên Kurdan her tim karine ser Kurdan êrîş bikin lê tu carî nikarî bûne têkoşÎna kurdan biqedînin.Ger em rewşa taybet ya coxrafî û soyal yê Kurdistanê jî bigrin ber çavan derdikeve holê Kurd Tirk bi şikestineke mezin re rû bi rû ne.Raya giştî yê Tirk bi 2-3 cenazeyên leşkerên tirk serobin dibe.Ger ji Kurdistana azad her roj nûçeyên mirina bi dehan leşkerên Tirk derkeve û li gel wê serhildana Kurdên bakûr û Ewrûpa û perçeyên din jî derkeve holê wê bibe sedema bi temamî tevlîhev bûna hundirê Tirkîye û alozîyeke mezin derkeve.Doza Kurdan dozeke rewa ye û ji ber vê yekê jî tekdana wê ne mimkune. (HAWAR DENGÛBAS / Dîha, Puk media, reuters )

Binivsîne | Biçe Jor

Hemû Naveroka Beşa Kurdistan

irêdan