Li Ser Sînor Bang Kirin: Sînor derbas nekin, 15 Kewçêr, 2007

Parlamenterên DTP yên Şirnexê jî doh çûn Deriyê Sînor yê Xabûrê û ji wir ji bo operasyona li derveyî sînor pêk neyê, bang kirin.

Parlamenterên DTP yên Şirnexê Sevahîr Bayindir û Hasîp Kaplan ji bo li avahiya DTP ya Silopiyê cejna gel pîroz kirin.

Bi sedan kes tevlî pîrozbahiya cejnê bûn û tevî tîliliyan, dirûşmên "Zext nikarin me biçewisînin" qêriyan.

Kaplan û Bayindir xîtabî gel kirin û daxuyaniyên Serokwezîrê Tirkiye Recep Tayîp Erdogan ên di rojên dawî de der barê Emerîka, Yekîtiya Ewrûpayê û DTPîyan de dide bibîrxistin û gotin, ev ne di cih de ne û nizane çi dibêje.

Piştî pîrozbahiya cejnê parlamenter çûn Deriyê Sînor yê Xabûrê û li vir cejna şoforên kamyonan pîroz kirin û li pirsgirêkên wan gohdar kirin.

Şoforan anî ziman, ku ew operasyoneke li derveyî sînor naxwazin û gotin, serokwezîr Erdogan, Tirkiye ber bi xetereyeke mezin ve dibe.

Parlamenter Kaplan û Bayindir ji bo daxuyaniya çapameniyê bidin, çûn Deriye Sînor yê Xabûrê.

Hasîp Kaplan di axavtina xwe de bang li Erdogan kir û weha got; "Dixwazin em hevokên wan bikarbînin. Li paşiya me Cudî heye, Habur li pêşiya me ye. Ez ji vir bang li Erdogan dikim; brêz Erdogan ne tu Sultanî ne jî em koleyên te ne."

Parlamenteran destûrnameya li ser operasyona li derveyî sînor ku artêşa Tirk wê pêşkêşî parlamenê bike nirxandin û bang li hukûmeta AKP kirin ku sînor derbas nekin.

Kaplan diyar kir, ku di operasyoneke muhtemel de dibe ku di navbera gelan de şer dest pê bike û banga diyalogê kir.

Sevahîr Bayındir jî bang li parlamenterên Kurd yên AKPyî kir ku îstîfa bikin û weha got:

"Ji bo operasyona derveyî sînor esker li ser sînor danîn. Ev şer di nav Tirkiye de ye. Divê ev pirsgirêk ne li çiye, li parlamenê çareser bikin û guh bidin daxwazên gelê vir. Li ser vê yekê em bang li hemû parlamenter, şaredar û xebatkarên rêxistinên AKP yên li herêmê dikin ku xiyanetî li gelê ku li nav mezin bûne nekin û ji AKP îstîfa bikin." (puk media)

Binivsîne | Biçe Jor

Hemû Naveroka Beşa Kurdistan

irêdan