Daxûyaniya Toplum-Derê derbarê mîtînga şovanên Tirkan de,08 Pûşper,2007 | Kurdistan

Wek têzanîn di 9’ê Hezîranê de tê xwestin ku li Amedê xwepêşandana alê li dar bixin. Ev kes ji bo xwepêşandana ku li dar dixin, ji dervê Amedê mirovan tînin û bi vî awayê dixwazin ku dîmenek wek ev xwepêşandan ji gelê Amêdê pêk hatiye bidin nîşan. Ango vana dixwazin ku bi ava bêdrokê aş bigerînin. Lewra ew jî dizanin ku, ne mumkune ku gelê Amedê tevlî vî xwepêşandanê bibe û destegê bidê.

Li hember vî rastiyê, van kesan çima dixwazin li Amedê ev xwepêşandan li dar bixin? Van kesên wek van kirinên xwe yê li cihê din kiribûn û bibûn sedemên çalakiyên provakatîf, dixwazin li Amedê jî vî helwesta xwe ya provakatîf berdewam bikin. Belê, Al jixwe li hemî saziyên fermî hene û li hember alê tu hewldanek jî tune. Tê famkirin ku armanca vî xwepêşandanê xeynê kişkirin û tehrîkkirin tiştek din ni ne.Ger armanca wan ya rastîn aşîtî û biratî bana wê li Amedê çalakiyek wusa nebana.

Bajarê Amedê destegek wusa nade çalakiya ku şovenîzmê û faşîzmê bike al. Xwestekên bajarê Amedê û bajarên Kurdan ên din kifş e. 80 kusur sal e ku li hember qedexekirin û çewisandinan, di qada azadî û xwestekên mafan de hêj jî heterkirina xwe berdewam dike. Ên bi rastî biratî dixwazin divê ji vî pêvajoyê vir ve, pirsgirêka Kurd, bi qedexekirin û çewusandinana na, di çarçova azadî û mafan de bigrin dest xwe.

Divê kes bi derxistina pêş ya nirxên wek al, mezlûmiya Kurdan û pirsgirêka Kurd veşêr nede. Kes nikare bi vî awayê nêzê gelê Kurd bibe û pirsgirêka Kurd çareser bike û biratiyê bi vî awayê li dar bixe. Van nêzîkbûnan dijberê wî, ne ku Kurdan û Tirkan nêzê hev dike, berê ve ji hev dûr dixîne û ji holê radike.

Amed di sed sala 21. de wê ne tenê li Mezopotamyayê, li Rojhilatanavîn û dinyayê jî bibe sitêrkek herî biriqandî. Yên pêşeroja Amedê ji îro ve bi vî awayê dibînin divê nêzîkbûnek rast nîşanê vî gelê bidin. Bi vî awayê yên dixwazin Amedê û Kurdan bi dest bixin, divê fam bikin ku bi van gotinên xwe yên neteweperest û faşîst nikarin bigihijin armanca xwe.

Bersiva Amedê, ji van kesên ku wek mînaka dixwazin bi bêdrokê aş bigerînin, bi gotinên faşîst û neteweperest girseya ji derve tînin re ev e: “xwe mespêrin nirxên wek al, biratî û tiştên din. Heta hûn wî mejiyê xwe neguherînin wê deriyê min li we her girtîbe.”

Ji ber vî yekê yên dixwazin li Amedê xwepêşandan li dar bixin divê ev pêvajoya peljen ji ber çavan dûr nexin û dev ji van çalakiyên bi gotinên neteweperest, faşîst berdin û vî bajarê tengezar nekin.
Ger vana biratî û yekîtiyê dixwazin bila herin li Sakaryaya ku du Amedî xwestin lînç bikin xwepêşandana xwe li dar bixin.

Em ji Wilayetê hêvî dikin ku, ev xwepêşandana provakatîf qedexe bike.

NAVENDA GIŞTIYA KOM-CIVAK

Ên destegê dane daxuyaniya Çapemeniyê
Komela Çan û Hunera Çira ya Amedê
Komela CIWAN-KURD
Kovara MIZGÎN

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn.

Binivsîne | Biçe Jor

Hemû Naveroka Beşa Kurdistan

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke