Kurdistan

"Ji ber Kerkûkê civaka Kurd bi fikar e"

19 Rêbendan,2007 weşandin:20:29:01 (GDK)

ENQERE -- Tirkiye ji bo ku bajarê Kerkûkê nekeve destê kurdan ev demeke dirêj e hemû polîtîkayên xwe yên Iraqê li ser vê yekê bi rê ve dibe. Ji bo vê yekê gelek peyamên bi tehdît hatin dayîn û dê Meclîsa Tirkiyeyê jî li ser mijarê bicive.

Civak li hemberî vê yekê bi fikar e. Hevserokê Giştî yê DTP'ê Ahmet Turk, da zanîn ku Kerkûk bajarê kurdan e û got ku divê Tirkiye rola xwe di aliyê lihevhatina gelan de bilîze.

Ji aliyekê ve hikûmet û CHP nerazîbûnên xwe yên li hemberî mijara Kerkûkê bilind dikin û li kurdan gefan dixwin û li aliyê din jî tê meraqkirin ka dê Tirkiye bibe xwediyê helwestekî çawa.

Piştî ku Serokwezîrê Tirkiyeyê Recep Tayîp Erdogan got "Em li hemberî geşedanên li Kerkûkê nabin temeşevan", îşareta mudaxeleya li hemberî Kerkûkê anî ziman.

Li aliyê din Tirkiyeyê, tirkmen û ereb anîn cem hev û bang li kurdan nekir. Serokê Giştî yê CHP'ê Denîz Baykal jî der barê mijara Iraqê de di 1'ê adarê de li hemberî tezkereyê derket lê niha rasterast diparêze ku Fermandariya Tirkiyeyê bikeve Kurdistana Federal.

BAJARÊ KURDAN E

Hevserokê Giştî yê DTP'ê Ahmet Turk helwesta hikûmetê û ya Serokwezîr Recep Tayîp Erdogan a der barê Kerkukê de rexne kir û wiha axivî: "Kerkûk, bajarekî kurd e. Parçeyekî erdnîgariya kurda ye." Turk, bal kişand ser tirkmenên li Kerkûkê û got ku divê bi hemû awayî mafê wan bê mîsogerkirin û got ku di Qanûna Bingehîn a Iraqê de tê diyarkirin ku dê mafê tirkmenan bê mîsogerkirin. Turk, da zanîn ku li aliyê din tirkmen li parlemento û Hikûmeta Kurdistana Federal tên temsîlkirin û wiha domand: "Bi navê wan, partiyê tirkmenan hene. Dibistanên wan hene, perwerdahiya xwe dikin. Bi televîzyonên xwe weşanên xwe dikin."

PÊŞIYÊ LI KURDAN DIGIRIN

Prof. Dr. Dogu Ergîl jî daxuyand ku pirsgirêka Kerkûkê pirsgirêkekî tevlihev e û xwezayî ye ku mirov ji ber êşa dê ji bo pirsgirêkekî bi vî aweyî bê kişandin, bi fikar be. Ergîl got ku ger Erdogan ji ber vê yekê fikarên xwe tîne ziman, ew wî pîroz dike û bal kişand ser van xalan: "Lê ger ku ji ber berjewendiyên komekî van fikarên xwe tîne ziman, dê wê demê pirsa, 'gelo hûn ji bo berjewendiyên komên din bi fikar nîn in?' bê kirin.(Dîha)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan