Kurdistan

Helwesta Dewleta Tirk, Di Mijara Kerkûkê De Berbi Hovane Bûyînê ve Diçe

NÛÇE;ŞEVÎN ARÎ / HAWARDENGÛBAS

15 Rêbendan,2007 weşandin:09:38:19 (GDK)

HAWAR-DENGÛBAS,AMED,Kurdistan--Divê Kurd xwe amadeyî protesto, kampanya,meş,konferans,dîplomasîya ragihandinê bikin..

Piştî daxûyanî û tehdîtên Serokwezîrê Tirk R.T Erdogan derbarê Kerkûkê û bersivên tund yên rayedarên Kurdistana azad helwesta Tirkan berbi hovane bûyînê ve diçe.

Piştî daxûyanîyên Erdogan û hewldanên nû yên tirkan bo têkdana Kurdan di meseleya Kerkûkê de wek rapora Îstîxbarata tirkan (MÎT) û daxûyanîyên sîyasetmedarên Tirk,dewleta kûr ya Tirkîye,derdorên faşîst,dijberên Kurdan bi piştgirÎya medyaya Tirkî tehdîtên beramberî gelê Kurd zêdetir dibe.

Tirk heman demê de konferansek di 15 rebendanêde "bi navê Kerkuk 2007" li dar dixin.Bi piranî wek beşdarvan grubên maşayên Tirkan tevlî dibin.

Tirk bi pêkanîna vê konferansa provakasyonê pêk bînin û zêdetir meseleyê kûr bike.

Serokê Kurdistanê Mesûd Barzanî di daxûyanîyeke xwe de wekî bersiva dijminahî û zimanê êrîşkar ya tirkan de got "Bila dewleta Tirk baş bifikire ku mesleyên wê yên hessas jî hene,ger tu tevlÎ karê welatekî bî,dê vî welatÎ jî dest dirêjî karên te yên hundir bike."

Dewleta Tirk bi çavtirsandina bi hin mesleyên aborî ya grubên medyaya Tirkî wek Gruba Dogan û Gruba Cîner jî di dijminkarî û êrîşkarîya beramberî Kurdan de piştgirîya medyayê jî kişandin li gel xwe.

Her wiha dewleta tirk hin jî ji hinceta xwe ya PKK jî dev ber nedaye.

Di rojên dawî de di medyayê de behsa êrîşkirina ser xaka Kurdistana azad an jî bi riyên din asteng kirina referandûma Kerkûkê û serketina Kurdan têne kirin.

CHP di mesleeya Kerkûkê de piştgirî da AKP'yê

Serokê CHP'ê Denîz Baykal piştgirî da hukûmetê ji bo operasyoneke eskerî li hemberî Başûrê Kurdistanê lidar bixe.

Baykal da xuyakirin, ku ewê daxwazên xwe yên hevdîtina giştî ya li ser vê mijarê, pêşkêşî Meclîsê bike.

Serokwezîrê Tirkiyê Tayyîp Erdogan, ku ji ber Kurdbûna Serokkomarê Iraqê Celal Talabanî, bi awayekî fermî nêzî wî nabe, bi nûnerên komên sunnî re hevdîtineke nû lidar xist.

Wezîrê Karên Derve Abdullah Gul jî, mîna serokwezîr, der heqê Kerkûkê de dîsa gef xwar.

Gul, li civîneke Serokatiya AKP'ê ya Bajarê Stenbolê axivî û careke din dûbare kir, ku daxwaza sereke ya Tirkiyê, parastina yekparebûna axa Iraqê ye.

Gul, der barê Kerkûkê de jî axivî û got, 'Bila xwedê bistirê, rewşa li Kerkûkê dibe ku veguhere şerekî etnîkî. Agirê li wê derê, bi tenê li Iraqê namîne, wê tesîra xwe li tevahiya herêmê bike. Dema em van gotinan dibêjin, em dest li karên hundurîn ên Iraqê wernadin.'

Parlementerê AKP turhan Çomez dîsa ser dîkê ye

Parlemena Tirk Çomez ku meha rêzbarê ya 2006an de li Kerkûkê li meclîsa şaredarîyê beyî ku fedî bike li dervey Tirkîye midexeleyî nexşeya Kurdistanê kiribû dîsa bi hêstên xwe yên dijminahî derket ser dîkê.Çomez  daxûyakir ku bo pêşî girtina referanduma Kerkûkê divê dewleta Tirk di zûtirîn dem de midaxeleyî Kurdan bike.

Çomez her wiha dîyar kir ku divê meclîsa Tirk bo vê mijarê danîşînek girtî saz bike.Her wiha Çomez pênîyar kir ku dewleta tirk bi riyên dizî û veşartî midaxeleyÎ Kerkûkê bike..

Divê Kurd bi hêzekî mezin kar bikin û medyaya Kurdî jî beralî kirina gel û ragihandina xebatan xurtî pêk bîne

Divê Kurd xwe amadeyî protesto,kampanya,meş,konferans,dîplomasîya ragihandinê bikin.

Herî parekî mezin jî ser milên rexistinên Kurdan dikeve.Divê rexistin û partîyên Kurd,bi daxûyanî,bi organîze kirina meş,konferans,panel,kampanya,komkirina îmze,ragihandina e-maîl û nameyan bo dezgehên navneteweyî,bi dîplomasÎya bi rayedarên Ewrûpî û Emerîkî re piştgirîya rizgarî Kerkûkê bidin.

Di vê pêvajoyê de di beralî kirina bo wan xebatan û ragihandin û agahdar kirinê de bareke mezin jî dikeve ser hemû medyaya kurdî.

Em wek HAWAR DENGÛBAS di vê çerçoveyê de bi nûçe,gotar,agahdarî,dîplomasîya sist û bi dosyeyên taybet vê daxîlî vê pêvajoyê ne.

Divê hemû medyaya kurdî di vê çerçoveyê de zêdetir hestîyar bin. (HAWAR DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan