Kurdistan

Dewleta Tirk, di mijara Kerkûkê de hewldanên xwe yê li dijî Kurdan zêde dike

19 Rêbendan,2007 weşandin:19:59:51 (GDK)

Meclîsa Tirkiyê der barê mijarê de civînek taybet pêk anî û mûsteşarê siyasê yê karê derve yê Emerîkayê Nîkilis Burns ku li Enqerê ye hevdîtinên xwe îro jî dewam kir. Burns, bi bîra rayedarên Tirk xist ku referanduma Kerkûkê karekî navxweyî yê Iraqê ye.

Trafîqa der barê Kerkûkê de li paytexta Tirkiye Enqerê ku hefteya borî destpêkiribû dewam dike. Doh meclîsa Tirkiyê bi beşdariya hemu partiyan der barê mijarê de civînek taybet pêk anî û serokwezîr Erdoxan û serokê MÎT`ê Emre Taner, bi berpirsiyarê karê siyasî yê wezareta karê derve ya Emerîkayê Nîkilis Burns re hevdîtin pêk anîn.

Burns, di hevdîtinan de careke din anî bîra rayedarê Tirk ku referanduma Kerkûkê karekî navxweyî yê Iraqê ye. Rayedarê Emerîkî di saetên êvarê de jî bi Wezîrê karê derve Abdullah Gul re hat cem hevdu.

Mijara Kerkûkê îro di rojeva civîna desteya wezîran de jî hebû. Civîna sefîrên Tirkiyê ên li Rojhilata navîn, ku di serokatiya wezîrê karê derve Abdullah Gul de pêk hat bi dawî bû. Di vê navberê de Meclîsa Tirkiyê wê roja Sêşemê bi civîneke veşartî mijarê nîqaş bike û tê payin ku wê li ser planeke ku têde tê xwestin Kerkûk 10 salan di bin kontrola Neteweyên Yekbuyî de bimîne gotubêj werin kirin.

Li gorî agahiyan, di plana behsa wê tê kirin de tê xwestin referanduma Kerkûkê ku divê îsal pêk were bê paşde xistin û piştî ji nûve sererastkirina destura bingehîn a Iraqê pêk were.(Dîha)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan