Kurdistan

Ji Dewleta Tirk Re Bersiva Kurdan Eşkereye "Em Natirsin!"

HAWAR DENGÛBAS

24 Rêbendan,2007 weşandin:07:51:44 (GDK)

HAWAR-DENGÛBAS,AMED,Kurdistan-- Parlemena tirk doh ser mijara Kerkûkê civînek veşartî li dar xist. Parlemena Kurdistan bi rojeva Tehdîtên Tirkan ser mijara Kerkûkê dicive.Kurd bi yekdengî dijî planên dewleta Tirkin.

Dewleta Tirk bi rûniştina veşartî xwest ku Kurdan bitirsîne.Parlemena Kurdistan jî li ser tehdîtên Tirkan derbarê mijara Kerkûkê dicive.

Doh parlemena Tirk ser mijara Kerkûkê civînek veşartî li dar xist.Wekî ku tê zanÎn di demên dawî de tehdîtên dewleta Tirk ser Kerkûkê zêdeitr dibe û ev yek jî dibe nerazÎbûna hemû alîyên Kurd.

Li gor hin şîroveyan dewleta Tirk amadekarîya hin kirdarî û ambargoyên ser Kurdistana azad dikin û li gor hin şîroveyan jî hikumeta AKP tenê bo vergirtina dengên nijadperestÎ di hilbijartinên 2007'an a li Tirkîye de hewlsteke wisa nîşan dide. di her dû rewşê de jÎ eşkereye ku  Tirk dixwazin ser xaka Kurdistana azad an jî bi riyên din  referandûma Kerkûkê û serketina Kurdan asteng bikin.

Parlemana Kurdistan dê gefên Tirkan binirxîne

Li ser wan pêşketinan Serokê parlamentoya Kurdistana azad ragihand hemû parlamenteran ku 24-ê mehê, roja çarşemê, saet 11êcivîna neasayî bê lidarxistin da êrîşên Tirkiyeyê ên ser Kurdistana azad bê binirxînin.

Tê payîn ku parlemena Kurdistan derbarê mijara Kerkûkê de bo zêdetir zelal kirina bernameya pêş me û stratejîyek giştî hin biryarên nû verbigre û pêşîyara bên guhdarî kirin.
 

Rayedareke Kurd;"Di destê me de belgeyên karên terorÎstÎ yên MÎTê hene"

Berpirsê  PDK Necat Husên ragihand ku hin belgename di destên dezgehên asayişê bajêrê Kerkûkê de hene xuya dikin ku îstîxbarata Tirkiye (MÎT) karên terorîstîyê li bajêrê Kerkûkê li dijî dezgehên hukûmetê û hevwelatîyan encam dane.

 
HAK-PAR;"Kerkûk bajarê Kurdan e"

Partiya HAK-PAR  bi daxûyanîyeke, daxwaz ji parlementerên kurd yên di meclîsa Tirkiye de kirin ku tevlî ew civîna veşartî ya parlementoya Tirkiye nebin.Derbarê vê yekê de roja duşemê nezikê 100 endamên partiyê li taxakî bajarê Diyabekirê dirûşmên "Kerkûk bajarekî Kurdistanê ye"û "Kurdistan bê Kerkûk nabe"ve li hev civiyan .
 
Didaxûyanîya  HAK-PARê de de jî balkişandin ku "Kerkûk bajarekî Kurdistanê ye û Kurdên li Herêma Kurdistanê jî wek birayekî xwe dizanin".

 

Serokê Kurdistanê;"Tu qiymeta tehdîtên Tirkan nîne"

Serokê Kurdistanê Mesûd Barzanî derbarê axaftinên barpirsên Tirk yên demên dawîyê de li ser Kerkûkê û kêşeyên hundirîyên Iraqê ragihand, ku van axaftin û gotin ti buhayê wan nîne. Sedema gotinan jî vegeran ji bo propagenda hilbijartinan. Barzanî got: bi ti avahî li ba me ne qebûle.

Serokomarê Iraqê Talabanî:"Bila destdirêjî karên me yên navxweyî nekin" 

Serkomarê Iraqê Celal Talabanî  jî dewleta Tirk û hemû dijberên kurdan hişyar kir û got; "Arîşeya Kerkûkê arîşeyeke Iraqê ye û pêwîst e li gorî maddeya 140 ê destûra daîmî ya Iraqê bê çareserkirin."


Baroya Amedê:"Meseleya Kerkukê bi şêrîşkarî û nijadperestî nayê çareserkirin"

Baroya Amedê, doh li avahiya Saziya Parêzeran, li ser êrîşên dewleta Tirk yên derbarê meseleya Kerkukê de daxuyaniyek belavkir û bi tundî şermezar kir ku Tirkiye, têkilî nav meseleya Iraqê, bi taybet jî meseleya Kerkukê dibe.
 
Daxuyaniya ku ji aliyê Cîgira Serokê Giştî yê Baroya Amedê Zulal Erdogan diyar kir ku ne meseleyên nav Tirkiyê ne jî, meseleya Kerkukê bi şêweyekî êrîşkarî û nijadperestî nayê çareserkirin, divê Tirkiyê, destê xwe ji nav meseleyên Iraqê û ya Kerkukê vekişîne û têkilî nav kar û barên hundirê wan nebe.
 

Îran jî dewleta Tirk hişyar kir

Di radyoya fermî ya Îranê de di nirxandineke de şîroveyên balkeş derketin holê.Di nirxandinê de hate dÎyar kirin ku;"Midaxeleyên eskerî yên dervayî hidûd, ne tenê Iraqiyan, ewleyiya Tirkiyeyê jî dixe xeterê. "
 
"Siyaseteka şaş a li ser statuya Kerkûkê ne ku ê alîkariya aştiya kurd, tirkman û erebên Kerkûkê neke ê Statuya Diyarbekirê û aştiya wê jî xera bike.”  (HAWAR DENGÛBAS / ajansan)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

 

	PÊYWENDÎDAR
f   • Serokê Kurdistanê civînek li ser bi cihanîna maddeya 140 bi alîyên peywendîdar re pêk anî   • Rizgar Elî: Destdirêjîya welatên derdora Iraqê nabet egera seqamgîrîya bajêrê Kerkûkê   • Helwesta Dewleta Tirk, Di Mijara Kerkûkê De Berbi Hovane Bûyînê ve Diçe   • Dewleta Tirk Di Meseleya Kerkûkê De Bi Sebra Kurdan Dileyze   • Divê di 2007'an De Rojeva Sereke ya Kurdan Kerkûk, perwerdeya Kurdî li bakûr û ketina meclîsa Tirk be  ŞÎROVE   • Ji ber Kerkûkê civaka Kurd bi fikar e   • Dewleta Tirk, di mijara Kerkûkê de hewldanên xwe yê li dijî Kurdan zêde dike   • Helwesta Dewleta Tirk, Di Mijara Kerkûkê De Berbi Hovane Bûyînê ve Diçe   • Serokî kutley turkmanî le perlemanî Kurdistan beşdariyan le kongirey Kerkuk le turkiya retdekatewe   • N. Barzanî:"Pîrozîya Kerkûkê ne ji ber petrolê ye"   • Girêdana Derve: Prosesa Bê Kurd Kirina Kerkûkê û Geştir Kirina Xebatan

Binivsîne  |  Biçe Jor   

Hemû Naveroka Beşa Kurdistan

irêdan