Kurdistan

Nêçîrvan Barzanî:"Pîrozîya bajêrê Kerkûkê li nik xelkê Kurdistanê ne ji ber petrola wê ye "

14 Rêbendan,2007 weşandin:15:32:01 (GDK)

Rojnameya ElHeyat li ser mijarên Kurdistanê û Iraqa federal gelek pirs ji serokê hukûmeta herêma kurdistanê Nêçîrvan Barzanî kir. Serokê hukûmetaKurdistanê jî di bersivên xwe de mijara kurdistanîbûna bajêrê kerkûkê û hemû deverên Erebkirîyên Kurdistanê dupat kir û got: heger me ji ber petrolê daxwaza kerkûkê kiriba, me daxwaza deverên dinên Kurdistanê nedikir ewên ku petrol lê nîne.

Di evê dîdara bi rojnameya ElHeyat re serokê hukûmeta herêma kurdistanê weha digot: hinek hene dibêjin ku em giringîyê didin bajêrê kerkûkê ji ber ku petrola wê heye û em jî dibêjin ev ne rast e.. em giringîyê didin kerkûkê ji ber ku ev bajêr kevtiye ber êrîşa nerewaya guherandina demografyayê û destkarî di pêkhata neteweyîya wê de hatiye kirin.. dibe ku hukûmeta Be`sa berê ev karana ji ber petrolê li kerkûkê bi cih anîbe, belê di heman demê de armancek şovenîstane jî jê hebûye, ji ber ku çend deverên dinên kurdan jî hatine Erebkirin û ti petrol li ewan deveran nebûye.. hinek jî dibêjin ku me xelkên deverên dinên Kurdistanê anîne Kerkûkê, ev jî ne rast e..

Bi tevî ewan pêngavên ku li dijî ewan deveran hatine kirin jî, her dê ew dever kurdî û kurdistanî bin.. ew kesên ku me bi evan tiştan gunehbar dikin, bila komîteyekê nêvdewletî bihînin, ku di biwarê etnografya, ziman û şêwezaran de şareza be..

Wê çaxê dê ji me re bihê xuyakirin ku ev deverana di bingeh de Kurdistanî ne..ji mafê gelê Kurd e ku wek her gelekî dinê ser evê zemînê biryarê li ser çarenivîsa xwe bide.. me jî bi aşkirayî nerîna xwe li ser evê pirsê ragihandiye ku em dixwazin di çarçêweyê Iraqek federal de bijîn.. em ji her alîyekî bêtir yekparçeyîya evî welatî dixwazin.. heta ku hukûmeta Iraqê jî sozên xwe yên bi Kurd re bi cih bihîne û sînorên destûra Iraqê derbas neke, em dê her li ser evî hilwestê xwe bimînin.. Belê ku behsa cudabûnê û dewleteka kurdî jî dihê kirin, ev mafekî seretayîyê her milletekî ye.. em jî behsa evê yekê dikin, belê ne ji bo êrîşkirinê yan jî çavtirsandina alîyên beramberî me ye..

Sêdaredana Seddam jî bi dawîbûna qonaxek bi tirs bû.. niha divê em xwe hêvî û azadîyê bigirin.. gerek em ber bi ayindeyek ronî ve biçin, da ku em bikaribin welatekî dirist bikin ku cihê rik û kînê tê de nebe.. hêvîya me jî ew e ku di evê salê de êdî dijwarî û xwînrijandin di Iraqê de nemîne. (HAWAR DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan