Kurdistan

N.Barzanî;"Gelê Kurd Heta Niha Ji Hêç Tehdîtan Netirsî û Wê Netirse Jî"

HAWAR DENGÛBAS

24 Rêbendan,2007 weşandin:19:34:01 (GDK)

HAWAR-DENGÛBAS,AMED,Kurdistan-- Parlemena tirk doh ser mijara Kerkûkê civînek veşartî li dar xist. Parlemena Kurdistan jî îro bi rojeva Tehdîtên Tirkan ser mijara Kerkûkê civîya. Serokwezîr N.Barzanî careke din bi eşkereyî got";Kerkûk ji alÎyê cografî, dîrokî û demografî debajarê Kurdistanê ye.

Parlemena Kurdistan li ser tehdîtên Tirkan derbarê mijara Kerkûkê civîya.

Wek tê zanîn Dewleta Tirk bi rûniştina veşartî xwest ku Kurdan bitirsîne.

Kombûna perlemena Kurdistan di medyaya Tirkî de jî deng veda.

Parlemana Kurdistan dê gefên Tirkan nirxand

Parlemena Kurdistan derbarê mijara Kerkûkê de bi taybeî ser tehdîtên dawî yên dewleta Tirk civînek awarte li dar xist dîtin û pêşnîyarên perlementerên Kurd hatin guhdarî kirin.Gelek parlamenterên Kurd, Tirkman, Kildan û Asûriyan jî dîtin û daxwazên xwe yên li ser êrîşa Tirkiyeyê a li hember Kerkûkê û gelên Kurdistanê diyar kirin.

Di kombûnê de serokê parlemena Kurdistan Ednan Muftî û serokwezîr Nêçîrvan Barzanî axaftinek pêşkeş kirin.

Serokê Parlamenê Kurdistanê;"Tirkiye di dema Sedam de li ku derê bû"

Serokê Parlamena Kurdistanê Ednan Muftî, diyar kir ku civînên li Tirkiyeyê têkildarî Iraqê tên kirin, ji bo çareseriya pirsgirêkên tirkmenan nayên kirin û got: "Di dema Sedam de zor li tirkmenan dihat kirin ku nasnameyên xwe bikin ereb. Wê demê Tirkiye li ku derê bû. Em hemû civînên lê ser Kerkûk û Iraqê wekî destdirêjiya karên navxweyî yên Iraq û Kurdistana Federal dibînin. Gelê kurd bisedan sal e rastî zulmê tê. Kes nikane vîna gelê kurd bişikîne. Mudaxeleya başûr tê wateya şerê bi gelê başûr re."

Her wiha Muftî wiha got:" Di dema rejîma Sedam de, rejîm qedexe kiribû ku Turkman navê xwe bi turkmanî bivivîsin, hewce dikir ku an bêjin em kurdin en jî bêjin em ereb in."

Muftî got:" Tirkiye cihê matmayînê ye parlamentoya Tirkiye rûniştineke girtî li dijî netewek saz bike."

Muftî bal kişand  ku îsal sala hilbijartina serokkamriyê û ya parlamentoya Tirkiyeyê ye, loma jî siyasiyên tirk ji bo propagandayên hilbijartinan şovenîzm, nasyonalîzm û siyaseta êrîşkariyê gurr û germ dikin û ev siyaset mehkûm kirin ku siyaset maceraperestane ye ê zerarê berî her tiştî bigihîne Tirkiyeyê.

 
Serokwezîr Nêçîvan Barzanî;"Hûn bo Tirkên Qerebaxê çi dikin?"

Serokwezîrê hikumeta Kurdistanê Nêçîrvan Barzanî derbarê hewldanên dewleta Tirk de axifî û wiha goti;"Tirkîye li beramberê pirsgirêkan bi rengekî tehdîtî lê dinêre û ev jî ji bo Tirkîye yê zirarekî mezine. Tenê Tirkîye zirar dide xwe.

"Wek tê zanîn çend rêvebirên Tirkîye bangawazî kir ku maddeya 140 bê paşvexistin û derbarê Kerkûkê konferans li darxisti bûn. Barzanî, mafên kû ji me hatine girtin em dixwazin dîsa mafên me bidin me. Maddeya 140 ne tenê pirsgirêka Kerkûkê ye û dibe ku Kerbela, Baxdat û Necef jî feydekî bibe. Eger Tirkîye li beramberê pirsgirêkan bi rêka tehdîtan nêzîk bibe dê Tirkîye zirarekî Mezin bibîne û Kerkûk jî hîn bêtir tevlihev bibe."

Barzanî dîyar kir ku "dewleta Tirk bo Tirkên Qedebaxê tu tişt nake û tê midaxeleyÎ karên me dike.Ger mesele parastina Tirkan be berê biçin wana rizgar bikin".

Her wiha Serokwezîr di berdewamîya axafitna xwe de dîyar kir ku heman helwasta dewleta Tirk çend sal berê bo Hewlêrê jî wisa bû,lê em bi Tirkmenan re di nava birayetî de dijîn û tirkmen xwedî hemû mafên xwe ne"

"Meseleya Kurd ya li Tirkîye meseleyeke sîyasîye"

Serokwezîrê hikumeta Kurdistanê Nêçîrvan Barzanî derbarê  kêşeya PKK de jî got ku:" Eger Tirkiye bi bihaneya çendsedhezarek tirkmenên Kerkûkê wan tehdîdan li me bike vê demê mafê me jî heye ku em daxwaza mafên 25 milyon mirovên xwe bikin ku Tirkiye inkara hebûna wan dike û ji hemû mafan bêbeş in.Dewleta Tirk hemÛ leşkerên xwe jÎ bişîne vê derê pirsgirêka PKK û kêşeya Kurd ya li bakur nayê çareser kirin.Mesleya Kurd ne mesleyekÎ asayîşêye,mesleya Kurd pirsgirêkeke sîyasîye.

Serokwezîr di dawîya axaftina xwe de wiha got:"Hikumeta Kurdistanê ê her siyaseta xwe ya dostane û hevkarîxwazî ya li ser esasê cîrantî bi Tirkiyeyê re bimeşîne û ê her destê dostane dirêjî wê bike, lê ê tu carî gaf û êrîşkariyan qebûl neke, serê xwe li hember wan netewîneKurd gelek êrîş,kîmyabaran,enfal ,zilm û tehdÎt dîtin netisîyan û berxwedan û Kurd ji vir şunde jî tu wê carî netirsin.

Endamên parlemena Kurdistanê:"Bila konferans bê li dar xistin"

Parlamenter rexne li hukumeta Bexdayê kir ku reaksîyonên wan li hember daxwiyaniyên Tirkiyeyê glawaz in, divê parlamentoya Bexdayê bicive û daxwiyaniyên berpirsên tirk red bike, hukumeta Iraqê di asta hukumeta Tirkiyeyê ya hukumeta Emerîkayê û  Ewropayê û di asta Neteweyên Yekbûyî de vê siyaseta Tirkiyeyê red bike û daxwaz bike ku Tirkiye dev ji destëwerdana welatekî xwedan serwerî berde.

Endamên parlemena Kurdistanê xwestin ku derbarê Kerkûkê de konferanseke mezin were li dar xsitin û derbarê mesleya Kerkûk û tehdîtên dewleta Tirk de hemû sazîyên navneteweyî bên hişyar kirin.(HAWAR DENGÛBAS / Ktv)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

 

	PÊYWENDÎDAR
f   • Ji Dewleta Tirk Re Bersiva Kurdan Eşkereye "Em Natirsin!"   • Serokê Kurdistanê civînek li ser bi cihanîna maddeya 140 bi alîyên peywendîdar re pêk anî   • Rizgar Elî: Destdirêjîya welatên derdora Iraqê nabet egera seqamgîrîya bajêrê Kerkûkê   • Helwesta Dewleta Tirk, Di Mijara Kerkûkê De Berbi Hovane Bûyînê ve Diçe   • Dewleta Tirk Di Meseleya Kerkûkê De Bi Sebra Kurdan Dileyze   • Divê di 2007'an De Rojeva Sereke ya Kurdan Kerkûk, perwerdeya Kurdî li bakûr û ketina meclîsa Tirk be  ŞÎROVE   • Ji ber Kerkûkê civaka Kurd bi fikar e   • Dewleta Tirk, di mijara Kerkûkê de hewldanên xwe yê li dijî Kurdan zêde dike   • Helwesta Dewleta Tirk, Di Mijara Kerkûkê De Berbi Hovane Bûyînê ve Diçe   • Serokî kutley turkmanî le perlemanî Kurdistan beşdariyan le kongirey Kerkuk le turkiya retdekatewe   • N. Barzanî:"Pîrozîya Kerkûkê ne ji ber petrolê ye"   • Girêdana Derve: Prosesa Bê Kurd Kirina Kerkûkê û Geştir Kirina Xebatan

Binivsîne  |  Biçe Jor   

Hemû Naveroka Beşa Kurdistan

irêdan