Denîz Baykalê Kemalîst dibêje "Kurdan bi avayekî din tune bikin" deshilatiya Kurdistana azad jî bawerî wan daxûyaniyan dike

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Polîtîka

girêdanan bitiqînin

D.Baykal dibêje "Kurdan bi avayekî din tune bikin" deshilatiya Kurdistana azad jî bawerî daxûyaniyan dike

NÛÇE-ANALÎZ: HESEN DILGEŞ / HAWAR DENGÛBAS

15 Sermawez, 2007 weşandin: 06:12:43 (GDK)

DIYARBEKÎR, Kurdistan (HAWAR DENGÛBAS) -- Serokê Partiya Komarî ya Gel CHP-ê Denîz Baykalpêşniyarên ji bo Kurdistana federe û Iraqê diyar kir û raya giştî de daxuyaniyên baykal deng veda.

Denîz Baykal diyar kir ku di şerê li hemberî terorê de qonaxeka nuh destpêkiriye, loma jî li gor vê rewşa nuh divê . Wî got ev du sal in ew pêşinyar ji hukumetê rê tînin ku siyaseteka millî bê avakirin, lê hukumet guh nade wan.

Baykal got 'niha piştgiriya ku ji bo te Denîz Baykal bal kişand serê ku pêşniyariyên ew tîne ne alternatîfên têkoşîna eskerî ne. Wî got 'têkoşîna eskerî a li hemberî terorê ê bi hemû dehşet û şideta xwe berdewam bibe. Ev tedbîrên ku ez tînim di ser tedbîrên eskerî re û li gel
wê ne, tedbirên dûr û dirêj in.'

"Em ji Iraqê gêncên Kurdan, tirkmanan, erebên şîe û sunne bînin, perwerdeyeka baş bidin wan. Bila werin li hemû universiteyên me bixwînin, bibin muhendiz, aborînas, civaknas, bila di her warî de bi awayekî herî baş bigihîjin. Bila me nas bikin, bi kultur û civaka me re bibin nas, têkilî kultura me bibin û bi vî awayî herin welatên xwe îdare bikin.' Deniz Baykal got ku 'em telvizyonên kurdî, erebî û tirki bibin wir, di vê riyê re xelkê fêrî tirkî bikin. Ji bo ku em siyaseta xwe, vîzyonên xwe, berjewendiyên xwe bi xelkê wê derê bidin naskirin em radyo û televizyonên bi kurdî, erebî û zimanên din ên wan biweşînin."

Baykal diyar kir av pirsgirêkeka gelek giring e. Av ji bo welatên wek Iraq û Suriyeyê giring e . Dicle ji bo Iraqê heyatî ye. Dicle bêkontrol e. Divê em li ser Dicleyê bendavan ava bikin. Dicleyê têxin bin kontrolê û bi kontrol avê bidin Iraqê. Em ê avê tu car li hember wan nekin tehdîd, ew cîranên me ne, lê em ê bi kontrol avê bidin wan."

Kêyfa Celal Talabanî bi wan pêşniyaran hat

Serokê komara Iraqê Celal Talebanî pêşinyarên serokê Partîya Komarîya Gelê Turkiye Deniz Baykal baş û pozetîv da salixdan. Li angora daxuyannameyekê ku ji nivîsgeha serokê komara Iraqê belav bûye, Talebanî di kongireyeka rojnamevanî de gotiye ku ew pêşinyarên han ên Baykal dihêlin gelên Kurd û Turk nêzîkî hevdu bibin.

Talebanî got: min daxwaz ji şandeya YNK ya li Turkiye kiriye, ku biçe baregeha partîya CHP û spasî û şanazîya me jî bigihîne wê! Pêdivêyî bîranînê ye, ku serokê CHP Deniz Baykal daxwaz kirbû ku di weşanên kanalên ragihandinê yên Turkiyeyî de pexşên bi zimanên Kurdî û Erebî jî hebin.

CHP berdevkê kemalîst-faşîstan û dijminê herî esasî ya Kurdan e û her wisa jî be

Wek tê zanîn hemû partiyan Tirkan û AKP û CHP ku di tu mijaran de li hev nakin wexta ku mijar Kurd û Kurdistan be li hev dikin.

CHP ku her çiqas partiyeke qaşo "çepgir" be jî bi politikayên xwe yên faşist û kamlist û dijî Kurdan tên nasîn û heman demê de nûnerê veşartî ya hêzên militarstin.

Demokratize bûna Tirkîye an jî pêşketina bîr û baweriyên dervey kemalîzm û Tirkperestîyê an jî pêşketina Kurdan li Kurdistana azad û bi dest xistina hin mafên biçûk li bakûrê Kurdistanê hêzên nijadperest, arteşa Tirk,dijminên Kurdan,kemalîstên faşîst,çeteyên tarî,derdorên mîlîtarîst û hemû hêzên ku ji berjewendîyên xwe winda dikin dixe nava livûtevgerê.

CHP û baykal her dem bi eşkeriya dijminaya xwe hember Kurdan eşkere kirin. CHP çend meh berê nerazîbûnên xwe yên li hemberî mijara Kerkûkê de jî diyar kiribû û li kurdan gefan xwari bûn û daxwaza dagir kirina Kerkûkê anÎ bûn ziman.

Beriya hilbijartinên tîrmehê ya li Tirk,ye kemalîst û dijmînê Kurdan CHP û hemû derdorên faşîst jî xwestin bi hincêta PKK û pêşketinên li Kurdistana azad tengezarî û dijwarî derxinin holê da ku berjewendîyeke sîyasî dest bixînin.

Partiya faşîstan û dijberên Kurdan CHP-yê di demeke pirr nêzik de 18 Kewçêr, 2007'an de derbarê opresyona ser PKK de diyar kiribûn ku :" Divê hedef ne tenê PKK be, divê em rêveberiya Kurd a li bakurê Iraqê jî bikin hedef." Medyaya Tirkî jî di vê navberê de bi weşanên xwe bangbêjiya şerê seranserî li dijî Kurdan tê zêde kirin û kampanya alikarî dayina arteşa Tirk bû kampanyaya dijî Kurdan. CHP dît ku gef û tehdît Kurdan bihêztir dike, niha jî bi talîmata arteşa Tirk dest bi ceribandina riyeke din kirinç

Armancên gruba Denîz Baykal û dijberên Kurdan yekin û daxuyaniyên dawî jî xizmetê wan armancan dike;

• Ji holê rakirina destkeftîyên Kurdan li bakûrê Kurdistanê û carekî din bilindi kirna nijadperestîya Tirkî ne.

• Rûxanidina Dewleta Federe ya Kurdistanê ye û pêşî lê girtina pêşketinên li rojhilatê Kurdistanê ye

• Xera kirina aramîya li bakûrê Kurdistanê ye.

• Pasîfîze kirina Kurdan di her waran de

• Ger nikaribin Dewleta Federe ya Kurdistanê hilweşînin CHP dixwaze ku bi weşanên Kurdî û bi vergirtina xwendekaran ji başurê kurdistanê û bi daxîl bûna aborî ku gelê başurê kurdistanê li dijî hikumeta Kurdistanê sor bikin û alozîya navxweyî derxînin û dewleta Tirk di çavê kurdan de mezin nîşan bidin û Kurdan bigrin bin bandora xwe û di warê dîplaomatîk û siyasî de jî ser Kurdistana azad bi bandor bin.

Faşîstên Tirk bi vergirtina xwendekarên Kurd ji başûrê Kurdistanê tê xwestin ku ji wan Kurdan bo rejîma dewleta Tirk kadroyên ku di dahatûyê de bikaribin li gor berjewendiyên xwe bikarbînin pêkbînin.

Desthilatdariya Kurdistana azad li şûna ku çepikan li CHP lêxe divê di warên dîplomatîk, aborî û leşkerî de xwe pêşbixin û bi dewletan re têkîliyên baş pêk bînin û rê nedin ku dijberên Kurdan bi lîstikên veşartî Kurdan pasîfîze bikin

Divê deshilatdariya Kurdistanê êdî dev ji siyaseta "Ew bi hêzin û em ji wana re mînnettarin" berde û dest bi siyaseta "Wekhev û Xwebawer û Stratejîk û Li gor berjewendiyên Netweyî ya dema dirêj" bikin.

Kurd tenê dikarin bi bihêz bûnê ji êrîşan rizgar bibin

Tirk her tim li pêy têkdana Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.

Bo pêk anîna vê armancê jî bi taybetî arteşa Tirk û hêzên tarî li pêy planên qirêj de ne. Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.

Bi pêşketina hişmendîya neteweyî ya Kurdan taybetî hêzên nijadperest ,arteşa Tirk,dijminên Kurdan, kemalîstên faşîtst, çeteyên tarî,derdorên mîlîtarîst û hemû hêzên ku ji berjewendîyên xwe winda dikin û dijî pêşketina milletê Kurdin dixe nava tirsê.Heta ku mesleya Kurd û Kurdistanê di her perçeyê Kurdistanê de neye çarser kirin wê dagirkerên Kurdistanê her tim tehdît û êrîşên xwe ji axa azad ya Kurdan kêm nekin. Ji ber ku ne mimkune ku beşa azad çavê xwe ji beşên din bigre û alîkarî neke. tişteke wisa bo milletekê ne mimkun e û ne raste jî. Heta azadiya her 4 perçeyê Kurdistanê di çerçoveyeke de be jî neçarin kurd alikariya hevdû bikin jixwe esasê netew bûn eve.

Divê rêvebirya Kurdistana azad vê rewşê berçavan bigre û tedbîrên vê yekê di demeke zû de pêk bîne. Heta niha nekirin divê êdî dest bi xebatê bikin. Di serî de çareserîyêk mesleya deriyê Xabûrê bê dîtin ku êdî Tirk nikaribin tehdîtan bikin. Her wiha ji mesleyên kêm kirina elektrika başûrê Kurdistanê û asteng kirina seferên balafirên ji Kurdistana azad jî divê hikumeta Kurdistanê alternatîfan peyda bike. (HAWAR DENGÛBAS / Puk media, pna, ajansan )

Binivsîne | Biçe Jor

Hemû Naveroka Beşa Kurdistan

irêdan