Di mitînga DTP-ê ya Batmanê de polîs êrîşî gel kir

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Kurdistan / Rojev

girêdanan bitiqînin

Di mitînga DTP-ê ya Batmanê de polîs êrîşî gel kir

18 Sermawez, 2007 weşandin:23:32:01 (GDK)

BATMAN, bakûrê Kurdistanê -- Mitînga DTP ya li Elihê (Batman) pêk hatî zêdetirî 20 hezar êlihî tevli mitîngê bûn. Mitînga bi şîara ‘Aştî, damokrasî û azadî’ bi pêşengiya Partiya Civaka Demokratîk (DTP) pêk hatî, piştî belavbûna girseyê ji aliyê polîsan ve hate sabotekirin. Polîsan êrîşî girseya ji qada mitîngê belav dibû kir û gelek kes birîndar kirin û hejmareke zêde welatî hatin binçavkirin.

Mitîng li Qada Mîhrîcanê bi beşdariya bi hezaran kesî dest pê kir. Parlamentera berê ya DEP'ê Leyla Zana, Endama Meclîsa Partiyê (PM) Selma Tanrikulu, parlamenterên DTP'ê yên Êlihê Ayla Akad û Bengî Yildiz, Şaredarê Êlihê Huseyîn Kalkan, şaredarên navçeyan, rêveberên DTP'ê û nûnerên rêxistinên civakî yên sivîl jî beşdarî mitîngê bûn. Jinên ku cilên herêmî li xwe kiribûn, bi flamayên kesk, sor û zer daketin qada mitîngê.

Polîs dîsa êrîş kir

Piştî dawîbûna mitîngê, nêzî 2 hezar ciwanan xwest ku bimeşin. Lê piştî ku nêzî 10 metreyan meşiyan, polîsan bi panzeran mudaxele kir. Polîsan bi cop û daran li ciwanan xist û gelek kes jî binçav kirin.

Parlementera berê ya DEP'ê Leyla Zana di mitîngê de xitabî gel kir û wiha got: "Çi li Rojhilat û çi li Rojava, çi li Başûr û çi li Bakur kê kevir danîbe ser kevirekê ev ji bo me kurdan rûmet e. Dixwazin me bitirsînin. Banga min ji bo we ew e ku bibin yek. Gelek rojname û televizyonên wan hene. Bila bibin dengê biratiyê. Bila tovê dijminahiyê neçînin. Kî çi dibêje bila bêje, heke em yekitiya xwe çêbikin, em ê dengê xwe bigihînin hemû cîhanê. Divê her kes li nasnameya xwe xwedî derkeve. Dixwazin me bikişînin nava xiyanetê. Em ê xiyanetê nekin."

Piştî axaftina Zana, parlementerên Êlihê Bengî Yildiz û Ayla Akad Ata jî axivîn û li dijî doza girtinê ya li DTP'ê hatiye vekirin nerazîbûn nîşan dan. (dîha)

Binivsîne | Biçe Jor

Hemû Naveroka Beşa Kurdistan

irêdan