Divê êrîşên dewleta Tirk ji rêvebiriya Kurdistana azad re bibe ders û aboriya xwe teslîmî dagirkeran nedin

Bike Malpera Destpêkê | Têkîlî | Reklam 2007'an li Hemû Kurdistanîyan Pîroz Be!

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Kurdistan

girêdanan bitiqînin

Divê êrîşên dewleta Tirk ji rêvebiriya Kurdistana azad re bibe ders û aboriya xwe teslîmî dagirkeran nekin

NÛÇE-ANALÎZ: SERHAD B.RÊNAS / HAWAR DENGÛBAS

03 Sermawez, 2007 weşandin:00:12:43 (GDK)

AMED, bakurê Kurdistanê (HAWAR DENGÛBAS) -- Dewleta Tirk ku bi bahaneya PKK bo dagirkirina Kurdistana azad û xêra kirina destkeftiyên Kurdistana azad bi destê hikumeta AKP tezkere derxist û her bihostê bakurê Kurdistanê bûye qada şer, bi sedhezaran leşker hatine bi cîh kirin, bê navber çiyayên Kurdistanê tê bombe kirin.

Wek tê zanîn dewleta Tirk hewlên pêşîyên dagirkirina Kurdistana azad û rûxandina rêvebirya Kurdistana azad bi gavên tedbîr(ambargo) yên aborî dest pê kir.

Tedbîrên pêşî jî girtina deriyê Îbrahîm Xelîl(Xabur) , kêm kirina elektrika başûrê Kurdistanê û asteng kirina seferên balafirên ji Kurdistana azad.

PÊYWENDÎDAR

• Dewleta Tirk a hov bo tune kirina Kurdan kete tevgerê, Tirkan li her derê êrîşî li Kurdan dikin, lê bakurê Kurdistanê bê deng e

• Kurdan li gelek welatan li hemberî êrîşkariya Tirk ketin tevgerê

Piştre jî dixwazin şîrketên xwe ji başurê Kurdistanê vekişînin û hin gavên din jî plan dikin.

Gelê Kurdistanê ji vê pêvajoyê bi serketinê derkevin jî, di warê dîplomatîk de Kurd serkevin û dagirkerî û êrîşkariya dewleta Tirk ser Kurdistana azad were asteng kirin jî wê tehdîtên aborî yên Tirkan her tim berdewam be.

Divê neteweyek xwedî alternatîf û senaryoyên krîzê yên cûda be

Her netew neçare ku bo pêvajoyên dijwar xwedî senaryo û alternatîfên cûda be da ku wexta xeterên mezin derkevin holê asayîş û dahatûya millet û axê were parastin.

Li dijî êrîşkariya dewleta Tirk bi destê AKP û arteşa Tirk gelê Kurdistana azad bi rojane ser piyan in bi meş û çalakiyan dewleta faşîst ya Tirk şermezar dikin.Kurdên Ewrûpa jî dest bi çalakiyên dijî dewleta Tirk kirin..

Heta ku mesleya Kurd û Kurdistanê di her perçeyê Kurdistanê de neye çarser kirin wê dagirkerên Kurdistanê her tim tehdît û êrîşên xwe ji axa azad ya Kurdan kêm nekin. Ji ber ku ne mimkune ku beşa azad çavê xwe ji beşên din bigre û alîkarî neke. tişteke wisa bo milletekê ne mimkun e û ne raste jî. Heta azadiya her 4 perçeyê Kurdistanê di çerçoveyeke de be jî neçarin kurd alikariya hevdû bikin jixwe esasê netew bûn eve.

Divê rêvebirya Kurdistana azad vê rewşê berçavan bigre û tedbîrên vê yekê di demeke zû de pêk bîne. Heta niha nekirin divê êdî dest bi xebatê bikin. Di serî de çareserîyêk mesleya deriyê Xabûrê bê dîtin ku êdî Tirk nikaribin tehdîtan bikin. Her wiha ji mesleyên kêm kirina elektrika başûrê Kurdistanê û asteng kirina seferên balafirên ji Kurdistana azad jî divê hikumeta Kurdistanê alternatîfan bibîne.

Rêvebiriya Kurdistana azad gavên baş lê bi ecemîtî davêje

Salek berê nivîskarê me Hêlîn PASEWAN gotarek bi navê "Li Kurdistana Azad Desthilatîya Şîrketên Bîyanî,Bi taybetî yên Tirkan" nivîsanbû û têde xeterên azadiya bê sînor jii şîrketên aborî re hatibû destnîşan kirin. Heta wê demê de çend nameyên rexneyê ji rêzdar Hêlîn re hatibû ku dihate gotin ku" Kurdistan di konaxa avadaniyê de ye nabe ku dijminkarî bo şîrketên bîyanî bê kirin."

Lê mesele ne wisa ye. Bê guman kes ne li dijî pêşketina aboriya Kurdistana azad û ne jÎ şîrketên bîyanî. Lê rêveberiya Kurdistana azad di hin mijaran de bi hyecan tevdigere û hin faktorên navnetweyî, siyasî, jeopolîtÎk û rewşa taybet ya Kurdan nagrin berçavan û dibêjin hema em bibin Dubaî. Bila bÛyerên dawî ji rêveberiya Kurdistana azad re bibe ders û êdî gavên xwe bi kûr û hûr bifikirin û bavêjin û stratejiyeke demdirêj ser bingeheke xurt û Kurdistanî deynin.

Niha ezê perçeyeke ji gotara Hêlîn PASEWAN ku 26 Pûşpera 2006'an di HAWAR DENGûBASê de hatibÛ weşandin careke din pêşkeşî we bikim û li gel mijarên deriya Xabur û elektrikê mijara şÎrketên biyanî jî bê eşkere kirin.

"Azadîya bê sînor xeteran diafrîne"

"Eşkereye ku hikumeta Kurdistanê bo avadanî û pêşketina Kurdistana azad polîtîkayek wisa dimeşînin.Lê ger tedbîrên hewce wek welatên Ewrûpayî neye girtin wê ev desthilatîya şîrketên bîyanî jî zirarê bide nirx û berjewendiyên neteweyî. Divê taybetmendîya Kurdistanîyetî were parastin.Her şîrketekî ku tên Kurdistana azad bi taybetî yên avahîsazîyê rê li pêk hatina mîmarîya Kurdî dibe.

Divê hikumeta Kurdistanê dîsa hemû hêsanî bo bazara vekirî cêbece bike lê divê hin bi riya qanunê şîrketan re hin xalên taybetî wek mîmarîya Kurdistan,parastina zimanê Kurdî,rêz lê girtina nirxên Kurdeyatî û bi zelalî kar kirin bê dîyar kirin.Tê zanîn ku wexta qebûl kirina wan şîrketan de gendelî û hin planên veşartîya Tirkan jî tê rojevê.."

"Divê berjewendiyên Kurdistanê werin parastin"

"Li Kurdistana Azad gelek sektor û qad roj bi roj mezin û berfirehtir dibin.Lê Hikumeta Kurdistanê beyî ku hin hessasîyet û berjewendiyên neteweyî berçavan bigre destûrê bo şîrketên bîyanî tê dayîn. Pêşketina milletekê di her waran de hewcedarîya yekemîn û girîng aborîye. Divê pêşarojê de dewlet destê xwe ji sekora xizmetê vekişîne. Lê bi yasayan hîmên neteweyî ser bingeha babetên nûjen werin parastin.

Divê Kurdên ji perçeyên din jî tevlî pêşketina hanbibin û sermayeyek neteweyî û yek girtî çêbibe da ku ev hatinî bo pêşketina Kurd û Kurdistan were bikaranîn. Divê ihracat zêde be û sistema bazara vekirî ser hîmen netewî were avakirin. Her wiha divê pêşî li desthilatdariya şîrketên ji welatekê bê girtin."

(HAWAR DENGÛBAS)

Binivsîne | Biçe Jor

Hemû Naveroka Beşa Kurdistan

irêdan