Kurdistan

Kurd li dijî girtina Hîlmî Aydogdu bûn yek deng

28 sibat,2007 weşandin:21:33:51 (GDK)

Serokê Partiya Civaka Demokratîk yê Şaxê Amedê Hilmi Aydogdu ku di daxûyanîke xwe de dîyar kiribû ku "êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e"  û ji alîyê hêzên dewleta Tirk ve hati bû girtin nerazî bûna Kurdan didome.
 

Li navçeyên Bismil û Çinar ên Amedê girtina Serokê Rêxistina DTP'a Amedê Hîlmî Aydogdu bi meşek hate protestokirin. Li Îskenderunê jî girtina serokên rêxistinên bajaran bi daxuyanê hate şermezarkirin.

Serokê HAK-PARê yê Şaxê Amedê Umît Tektaş

Wek hûn jî dizanin, ji beriya vê daxuyaniyê de, di meha sebatê de me jî wek şaxa amedê ev êrîşberiya dijber Kerkukê daxuyaniyek kir. Birastî em dizanin ku nerazîbûniya Kurdên Başûr nerazîbûniya Kurdên Bakur e. Êşa wan jî, binketina wan jî ji bo me xemgîniyek mezin e. Ji bo vê yekê jî wek erkekî netewî piştgiriya Kurdên Bakûr em baş dibînin. Ev daxuyaniya DTPê ya şaxa Amedê jî, bi raya me gavekî baş e. Helbet em zanin hinek derdoran ewê bitirsîne û bibe sedemê êrîşberiyê, mixabin ku pêvajoya netewa Kurd, pêvajoyekî wisa ye divê em, ji rê û neqebên teng re jî amade bin. Em wek HAK-PAR, girina Aydogdu şermezar dikin.”

Cîgirê Serokê DTPê yê Şaxê Amedê Huseyin Bora

Ev çend roj e ku di medya û rojnameyên Tirkiyê de, li ser Başûrê Kurdistanê dijberiyek gellek mezin, tên weşandin. Serokê Şaxê Amedê yê DTPê jî, li ser Kerkukê hinek tişt anî ser zimên û ev daxuyaniya wî bû sedemê girtina wî. Fikrê ku serokê me aniye ser ziman, em wek rêvebiriya DTPê ya Amedê, bi xwe ev fikrana parvedikin. Tiştên ku gotiye, di cîh de ne. Fikrê wî, fikrê me hemûyan e, fikrê hemû gelê Amedê ye.


Serokê Şaredariya Amedê Osman Baydemir

Ev, li Tirkiyê ne yekemîn êriş e li ser azadiya fikir û mafê xweîfadekirinê û ne jî, wê ya dawî be. Dema em li rastiya meselê dinêrin, em dibînin ku daxuyaniya Hilmî Aydogdu, ji aliyê çapemeniyê ve ji rastiya wê hatiye derxistin û bi şêweyek din hatiye belavkirin. Em di nav wê hviyê de ne ku demek zutir, ev mexduriyet bê berterafkirin.

Serokê Şarederiya Batmanê

Em girtina Hilmî Aydogdu rast nabînin. Tiştên ku gotiye, di cîh de ne. Ev dîtina hemû gelê me ye. Em jî dîtinên wî parve dikin. Ev mijarek hesas e ku hemû kurdan eleqeder dike. Ez dixwazim bêjim ku gelê Batmanê li pişta wî ye.

Cîgira Serokê Giştî ya Komeleya Mafên Mirovan Reyhan Yalçindag"

Em, girtina Hilmî Aydogdu wek binpêkirina azadiya fikir û mafê xweîfadekirinê û herweha, peşîlêgirtina xebata siyasî û bêtehmuliya li dijî tevgera partiyên siyasî yên mixalif dinirxînin. Ev yek, bi tu şêweyek nayê pejirandin û divê rayedarên dewleta Tirk, gavek zû dev ji vê siyaset û helwesta xwe ya keyfî berdin û rê li ber azadiya fikir û mafê xweîfadekirinê û herweha xebatên siyasî yên mixalif vekin.

"Wê Kurdên Bakûr(Kurdên tirkîye) dakevin kolanan"

Li gorî nûçeyeke kovara Tempoyê, piştî ku serokê DTP yê şaxa Amedê Hîlmî Aydogdu got:" Ger êrîşek bibin ser Kerkûkê, emê wekî êrîşbirina ser Amedê bihesibînin", hin siyasetmedarên kurd jî li ser vê mijarê axifîne.

Ji wan, serokê giştî a Hak-Parê Sertaç Bucak gotiye:"Ger ji aliyê Tirkiyeyê ve mûdexaleyek bo Kerkûkê bibe, em jî ku mafên me yên demokratîke, dê helwestê xwe nîşan bidin.Ger tişteke xirap li ser kurdên we derê bê kirin, kurdên vê derê dê dakevin ser kolanan.Ez jî dê di wan kolanan de bibim.Em ê wê yekê şermezar bikin , naçin xwendingehan û emê mafên xwe ên demokratîk bi kar bînin..Hemû kurdên bakur li ser mijara bajarê Kerkûkê pir dilzîz û hestiyar in."

Cîgirê serokê DTPyê Sirri Sakik:"Ger peywendiya xwînî û genî ya turkmenên we derê û tirkên ve derê hebe, peywendiya xwînî û genî ên kurden Tirkiye û ên wê derê jî heye.Aydogdu got ku ger bo kurdên wê dere mûdexale bê kirin, kurdên Tirkiye wê yekê napejrînin.Em wek DTP operasyoneka derveyî sînor bo Kerkûkê rast nabînin.Kerkûk bajarekî Iraqê ye û meseleyeke navxweyî ye".(HAWAR DENGÛBAS / ajansan)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan