Kurdistan

Erdhêjên Dawîn Yên Li Bakûrê Kurdistanê Ditirsîne

NÛÇE-ŞÎROVE;HÊLÎN PASEWAN / HAWAR DENGÛBAS

22 Sibat,2007 weşandin:09:39:21 (GDK)

HAWAR-DENGÛBAS,AMED,Kurdistan-- Tê dîyar kirin ku ev xeta erhêjê ya li bakûrê Kurdistanê li Cîhanê yek ji herî girîng ya ji xetên erhejê ye û ser vê xetê gûmana çêbûna erhêjeke mezin heye û ev xet demeke dirêje ku dewra bendengîyê de ye.

Doh li bakûrê Kurdistanê li a bajarê Elezîzê erhêjek bi pileya 5.9 çêbû û di 7 bajarên bakûrê Kurdistanê hêjîya.Erhêja ku li Amed, Elezîz, Meletî,Çewlik, Batman, Semsûr,Enteb, Dêrsim û Mûşê jî hate hîskirin, li navçeya Sivrîce ya Elezîzê pêk hatiye.

Rasatxaneya Kandîllî ya Zanîngeha Bogazîçî ya Stenbolê diyar kir ku erdhej di 13.05'an pêk hatiye û şîddeta wê jî 5.9 e.

Bajarên ku hêjîyan xelkê ketin nava tirsê, ji avahiyan derketin derve.Li navçeya Sîvrîce ku navenda erdhejê ye, hemû welatî derketin derve û li telefonan pirsa xizmên xwe dikin. Di erdheja ku mirî an jî birîndar çênebûn de avahiya PTT'ê, qeymeqamî, banqeya ziraetê û hinek dibistanan de derizîn çêbûn.

Rayedar gel hişyar kir ku bila nekevin nava avahîyên xirab bûyî.

Doh bi şev ji çend erhêjên bçûk pêk hatin.Ji ber tirsê gelê Elezîzê neçar man ku şevê li derve desrbas bikin.

Her wiha li navenda Elezîzê û navçeyên wê Sîvrîce û Madenê dibistan hate tatîl(betlane) kirin..

Xeter mezin e

Wek tê zanîn di 9ê Sibatê jî li heman cîhê erhêjek çêbû bû û hin avahî xesarên biçuk dîtibûn.

Doh li ser erhêjan Koma Agahdar Kirina Erhêjê ya girêdayî Zanîngeha Teknîk a Stenbolê bi daxûyanîyeke dîyar kirin ku êrhêja dawîn ku pêkhatÎye berdewamîya aktîvîteya erhêjê ye ku di 9ê Sibatê de destpêkirîye.

Zanyar dîyar dikin ku erhêj di nava xeta erhêjê ya ku ji Paloya Bîngolê destpêdike heta Hatayê dirêj dibe de çêbûye.

Hate dîyar kirin ku ser vê xetê erhêja herî dawîn ku zîyanek mezin çêbûye di salên 1874 û 1875'an de pêk hatîye.Erhêja dawîn jî ser heman xetê çêbûye.

Tê dîyar kirin ku ev xeta erhêjê ya li bakûrê Kurdistanê li Cîhanê yek ji herî girîng ya ji xetên erhejê ye û ser vê xetê gûmana çêbûna erhêjeke mezin heye û ev xet demeke dirêje ku dewra bendengîyê de ye.

Ji ber vê yekê jî divê di herêmên Palo,Sivrîce,Sincik û derdoravan de di zûtirîn demde projeyên avahîyên biewle bêne pêkanîn.

Di dîroke nêz de jî erhêj zîyanên mezin da li bakûrê Kurdistanê

Di dîroka nêz ya bakûrê Kurdistanê de gelek erhêjên dijwar çêbûn.Di wan erhêjan de bi hezaran mirov jiyana xwe ji dest dan.Hema hemû erhêj li ser xeta heman xeta erhêjê pêkhatin.Îstatîstîk wisa nÎşan didin ku îxtîmala erhêjeke mezin ser wê xetê hertim heye.Ji ber vê yekê jî divê tedbîrên pêwîst di dzûtirîn dem de bê vergirtin.

1782, Hêza wê 8, 10 000 mirî li Erzinganê
1938, Hêza wê 8,7 li Erzinganê 40.000 mirî, bi hezaran birîndar û ziyaneke mezin
1946, Gimgim (Mûş) nêzî 1000 mirî
1966, Gimgim (Mûş) nêzî 4.000 mirî
1975i Lîce(Diyarbekîr) nêzî 3000 mirî
1992, 13'ê adarê, Hêza wê 6,8 li Erzinganê, 3.658 mirî û bi hezaran birîndar
2003, 27'ê rêbendanê , Hêza wê 6,1 li Pilemor, mirî kêm lê ziyan mezin
2003,1'ê Gulanê,li Bîngolê Hêz;6,4 nêzî 200 mirî
2004, Hêz;5,1 nêzî 29 mirî
 

Dewleta Tirk jixwe xemsar

Dewleta Tirk wekî her bûyer û karesatên li bakûrê Kurdistanê xemsar e.Karesatên wisa dema ku li Stenbol an jî bajarekî din ya Tirkîye pêk tên medyaya Tirkî û dezgehên Dewleta tirk bi lezî radibin serpîyan û qiyematê radikin û bi rojan di medyayê de bê navber nûçeyên karesatê didin,her tim dibêjin "cewazî di navbera tu herêmên Tirkîye nîne û ew jî ji me ne" lê helwesta wan bo Kurdistanê ku ne wek beşa Tirkîyeyê ye.

Wek tê zanîn ji ber ku Dewleta Tirk veberhênana pêwîst bo bakûrê kurdistanê pêk nayîne û ji ber vê yekê jî binesazîya bajarên li herêma bakûre Kurdistanê ne sexlem in û di karesatan sirûştî de dirûxin.

Her wiha li gel pêkhatina îxtîmala wan karesetan sirûştî wek erhêj û lehî û hwd. dewleta Tirk tu sermaye ranezandiye, tu kar jî nake. (HAWAR DENGÛBAS)(çavkanîyên giştî;AA,Puk medya)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan