Kurdistan

Amed bi konferanseke ser Kerkûkê dê bersivê bide dijberên Kurdan

22 Reşemî(Sibat),2007 weşandin:06:39:02 (GDK)

Grûba Xebata ya Demokratîk û Neteweyî ya Kurd ji bo deşifrekirina siyaseta Tirkiyeyê li hemberi Kurd û Kurdistanê, li Amedê Konferansa Kerkûkê dicivînê. Konferans wê 4ê Adarê de li bajarê Amedê li 'Demîrok Tesîslerî' ya li taxa Îstasyonê de pêk were.

Grûba Xebata ya Demokratîk û Neteweyî ya Kurd derbarê konferansê de daxûyanîyek weşand.

Di daxûyaniyê de wiha tê gotin,"Kerkûk, bajarekî Kurdistanê ye. Di alî cografî, tarixî, kulturî, siyasî û gelheyî de do jî û îro jî ev rastî ne guherî ye.

Di destûra Iraqa Federal (xala 140’î ) de hatiye qebûlkirin ku di dawiya sala 2007-an de li Kerkûkê referandûm pêk bê. Li gor vê referandûmê Kerkukî dê biryara statûya xwe bidin ku ka ewê biçin ser îdara Kurdistanê an li ser îdara Iraqê bimînin. Belê her ku nêzî referandûmê dibe, Tirkiye dixwaze vê pêvajoyê sabote bike. Dijminitiya Kurda, hekaret, gef û şantajên Tirkiyeyê her ku diçe bêperwa zêde dibe.

Em Gruba Xebatê ya Demokratîk û Neteweyî ya Kurd ji siyaseta Tirkiyeyê ya li dijî Kurd û Kurdistana Federe wijdanen ne rehet in !. Û emê bi tu awayî li hemberî van êrişan bêdeng nemînin !. Balam, ji bo ku em bi xurtî li hember van êrişan rawestin û weke miletekî medenî tevbigerin; hewcedariya me bi hevkarî û biryarên hevbeş heye. Bi vê armancê em Konferansa Kerkûkê dicivînin. "

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan