Kurdistan

DTP;"Êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e"

21 Reşemî(Sibat),2007 weşandin:19:37:19 (GDK)

Serokê DTPê yê Şaxê Amedê Hilmi Aydogdu jî diyar kir ku divê hemu siyasetmedar û nûnerên Kurd, di vê pêvajoyê de yekbîn û derfet û enerjiya xwe ji bo tekoşînek hevbeş bikar bînin. Aydogdu, bal kişand li ser vexwendina herdu serokên Kurd ya ji bo şahiya Newrozê û weha got: “Ji bo çêkirina bingeha yekîtî û yekdengiya Kurdan, ev vexwendin ji bo me gellek girîng e.”

Serokê Giştî yê Partiya Civaka Demokratîk Ahmet Turk, herweha destnîşan kir ku ew dixwazin, Serokên Kurd, rewşenbîr û rayedarên dewlata Tirk beşdarê şahiya Newrozê ya li Amedê bibin.

Herweha, hat ragihandin ku wê dawetnameyên şahiya Newrozê, ji aliyê Ahmet Turk ve bên amadekirin û bi rêka Nûnerê Yekîtiya Niştimanî Kurdistan-YNK yê Tirkiyê û Nûnerê Partiya Demokrata Kurdistan-PDK yê Tirkiyê bighînin birêz Talabanî û birêz Barzanî.

Serokê DTPê yê Şaxê Amedê Hilmi Aydogdu, diyar kir ku ew, bi pêşkeftin û destkeftiyên Başûrê Kurdistanê, gellek kêfxweş û serbilind in. Aydogdu, herweha ragihand ku ew, destkeftiyên Başûrê Kurdistanê, wek destkeftiyên hemu kurdên seranserê dinyayê dinirxînin. Aydogdu, herweha bal kişand li ser pirsgirêka Kerkûkê û weha got:“Kerkûk, ji bo tevê Kurdan bajarekî gellek girîng e. Em tu ferq di navbera Kerkûk û Amedê de nabînin û ger êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e.”

Hilmi Aydogdu, herweha diyar kir ku her êrişên li dijî Serok û desthilatdariya Başûrê Kurdistanê, wan nerhet dike û ew van êrişan, wek li dijî wan hatibe kirin dinirxînin. "

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan