Kurdistan

Ednan Muftî :" Maf û berjewendiyên turkmanan li Kurdistanê tên bidestxistin ne li Tirkiye"

07 Reşemî(Sibat),2007 weşandin:21:11:02 (GDK)

HEWLÊR,Kurdistan -- Îro piştî nîvro serokê parlamena Kurdistanê Ednan Muftî ragihand ku bicihanîna maddeya 140 di berjewendiya hevrejiyana brayane ya navbera hemû pêkhateyên Kerkûkê de ye bi kurd û turkman û erebên resen ve.

Her weha daxwaz ji turkmanên Kerkûkê kir ku rola xwe li aşkerekirina rastiyan bo brayên turkman bibînin ku ayende û berjewendî û çarenivîsa wan di hevrejiyana brayane de ye li gel gelê kurd di Kurdistanê de.

Muftî îro pêşwazî li şandeyeke bilind ya serkirdayetiya 6 partiyên turkman ên li Kerkûkê kir û Muftî behsa dîroka hevrejiyana brayane ya navbera kurd û turkman kir û her weha amaje bi wan hewlan kir ku bo bicihkirina mafên brayên turkman di destûra Kurdistanê de di rojevê de ye û ragihand ku parlamento û serkirdayetiya siyasî ya Kurdistanê piştgiriya bicihkirina maf û daxwazên turkmanan dike di destûra Kurdistanê de û got:" Li her bajêr û nahiyeyek ku piraniya akinciyên wê turkman bin, pêwîst e parêzgar an qaymeqam an rêveberê nahiyeyan ji brayên turkman bin û xwe karûbarê îdarî yê deverên xwe bi rê ve bibin."

Muftî piştre behsa Kurdistaniyetiya bajarê Kerkûkê kir û tekîd kir ku piştî vegera Kerkûkê bo ser herêma Kurdistanê turkman li Kurdistanê dibe neteweyê duyem û maf û berjewendiyên wan tên parastin û di parlamento û hikûmeta herêmê de bi denge û graniya zêdetir beşdar dibin.

Piştre Muftî daxwaz ji nûnerên partiyên turkman ên Kerkûkê kir ku rola xwe li gihandina rastiyan bo brayên turkman bibînin ku ayenda û berjewendiya wan li Kurdistanê tên peydakirin ne ku li Tirkiye.


Her weha Muftî got:" Erkek e girîng û giran li ser mile we ye û pêwîst e bi diyalog û lihevtêgihiştin û xebata hevbeş heye di navbera hemû aliyên siyasî ên turkman û pêkhateyên din ên bajarê Kerkûkê."

Her weha piştre nûnerên partiyên turkman bîr û boçûn û piştevaniya xwe bo helwest û boçûnên birêz Muftî diyar kirin. Li ser vê yekê cîgirê parêzgarê Kerkûkê û serokê partiya gelê turkman Îrfan Kerkûkî bi navê hemû partiyên turkman ên Kerkûkê spasiya helwesta serkirdayetiya siyasî ya Kurdistanê kir bo girîngî bo peydakirina mafê neteweya turkman daye û ragihand ku mafê turkmanan di çarçoveya Iraqeke mezin de wenda ye û di herêma Kurdistanê de mafên me zêdetir tên peydakirin û rola me zêdetir e.

Li ser maddeya 140 jî Kerkûkî piştevaniya partiyên turkman bo lezandina bicihanîna maddeya 140 diyar kir û ragihand ku mafê turkman ne li Tirkiye belkî li Kurdistanê û bi beşdarbûna parlamentoya Kurdistanê tê misoger kirin û bo vê yekê jî geşbîniya xwe bo vegera Kerkûkê bo ser herêma Kurdistanê diyar kir. .

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan