Kurdistan

Dewleta Tirk Dîsa Tehemmûlî Rastîyan Nekir; Aydogdu Hate Girtin

23 Sibat,2007 weşandin:17:03:38 (GDK)

HAWAR-DENGÛBAS,AMED,Kurdistan-- Dewleta Tirk ditirse ku gelê Kurd nêzî hev bibe û naxwaze ku gelê bakûrê Kurdistanê jî piştgirîya Kurdistana Azad û meseleya Kerkûkê bikin.

Serokê Partiya Civaka Demokratîk yê Şaxê Amedê Hilmi Aydogdu ku di daxûyanîke xwe de dîyar kiribû ku "êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e" îro ji alîyê hêzên dewleta Tirk ve hate girtin.

Aydogdu, îro beşdarê konferansa ku ji aliyê Saziya Parêzeran ya Amedê ve hatibû lidarxistin, bû. Hatiye ragihandin ku Hilmi Aydogdu, li ser fermana Serdozdariya Komarê ya Amedê, ji aliyê polîs Tirk ve li salona kanferansê hatiye biçavkirin.

Aydogdu bi îdîaya 'gel tahrîkî kîn û dijminahiyê kiriye' hate girtin.

Piştî gotinên Aydogdu di medyaya Tirkan de kampanyaya lînç kirinê destpêkiri bû.

Çend roje ku di weşanên Tirkan de li dijî gotinên Aydogan şîroveyên cur bi cur hatin weşandin.

Piştî girtina Aydogdu li Diyarbekîrê serokên şaredarîyên Amedê li gel girseyekî rêvebirên DTP yî girtina Aydogdu bi tundî şermezar kirin.Piştî daxûyanîyan girse bi sloganan helwesta êrîşkar ya dewleta Tirk protesto kirin.

Her wiha li Wanê jî hin rêvebirên DTP yî hatin girtin..

Hilmi Aydogdu çi goti bû?

Serokê DTPê yê Şaxê Amedê Hilmi Aydogdu jî diyar kiri bû ku divê hemu siyasetmedar û nûnerên Kurd, di vê pêvajoyê de yekbîn û derfet û enerjiya xwe ji bo tekoşînek hevbeş bikar bînin. Aydogdu, bal kişand li ser vexwendina herdu serokên Kurd ya ji bo şahiya Newrozê û weha goti bû: “Ji bo çêkirina bingeha yekîtî û yekdengiya Kurdan, ev vexwendin ji bo me gellek girîng e.”

Serokê DTPê yê Şaxê Amedê Hilmi Aydogdu, diyar kiribû ku ew, bi pêşkeftin û destkeftiyên Başûrê Kurdistanê, gellek kêfxweş û serbilind in. Aydogdu, herweha ragihandi bû ku ew, destkeftiyên Başûrê Kurdistanê, wek destkeftiyên hemu kurdên seranserê dinyayê dinirxînin. Aydogdu, herweha bal kişandi bû li ser pirsgirêka Kerkûkê û weha goti bû:“Kerkûk, ji bo tevê Kurdan bajarekî gellek girîng e. Em tu ferq di navbera Kerkûk û Amedê de nabînin û ger êrişek li dijî Kerkûkê were bikaranîn, li ba dilê me wek erişekî li dijî Amedê hatibe bikaranîn e.”

Hilmi Aydogdu, herweha diyar kiri bû ku her êrişên li dijî Serok û desthilatdariya Başûrê Kurdistanê, wan nerhet dike û ew van êrişan, wek li dijî wan hatibe kirin dinirxînin. "

Karê dewleta Tirk her tim dijminkarîya Kurdan e

Li Tirkîye wekî her carê li dijî ramanê helwestekê şovenî hat nîşan dide.Dewleta Tirk û faşîstên Tirk tu carî tehemmullî avakirina demokrasîyê û azadîya ramanê û vegotina rastîyan û pêkhatina yekîtîya Kurdan.

Bi dest xistina hin mafên biçûk li Tirkîye bi giştî li bakûrê Kurdistanê bi taybetî hêzên nijadperest , arteşa Tirk,dijminên Kurdan,kemalîstên faşîtst, çeteyên tarî,derdorên mîlîtarîst û hemû hêzên ku ji berjewendîyên xwe winda dikin dixe nava tirsê û êrîşên bi vî rengî derdikevin holê.

Hêrsa dewleta Tirk li dijî gotinên Aydogdu herî zêde jî ji ber tirsa yekbûna Kurdan tê.Dewleta Tirk ditirse ku gelê kurd nêzî hev bibe û naxwaze ku gelê bakûrê kurdistanê jî piştgirîya Kurdistana Azad û meseleya Kerkûkê bikin û bi vê avahî hêza Kurdan zêdetir be û polîtîkayên dewleta Tirk bi her avahî têk biçe. (HAWAR DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan