“Divê baş bê zanîn ku ew axa ku bi xwîna şehîdan hatiye avdan, wê her ya Gelê Kurd be”, 17 Tebax,2007 | Kurdistan

Cîgirê Serokê Giştî yê Partiya Maf û Azadiyan-HAK-PARê Hasan Dagtekîn, bi mebesta êrîşa terorîstî û hovane ya li dijî Kurdên Êzîdî yên li herêma Şengalê, daxuyaniyek da û vê êrişa hov, bi tundî şermezar kir. Hasan Dagtekîn, diyar kir ku ev bûyera kirêt, bi destê kî hatibe kirin bila bê, lê divê baş bê zanîn ku li pişt van kiryaran, hin kes, alî û grûbên xêrnexwaz ku ji destkeftî û pêşkeftinên Başûrê Kurdistanê nerhet in, hene û herweha eşkereye ku destê îstîxbaratên welatên cîran, di van bûyerên nemirovane de heye.

Dagtekîn, herweha ragihand ku armanca van aliyên bêtehmûl û xêrnexwaz, ew e ku Kurdên nişteciyên bajar û bajarokên wek Musil, Kerkûk, Şengal, Xaneqîn, Diyale, Mexmûr û hwd. bidin revandin û van deveran, ji Kurdan paqij bikin û weha got; “Ev hêzên tarî, dixwazin bi van bûyer û êrişên hov û nemirovane pêşî li referandûma Kerkûkê û herweha, vegera van deveran ya li ser nexşeya Herêma Kurdistanê bigrin. Lê, divê ew hêzên destêwerdan baş bizanibin ku ew axa ku bi xwîna şehîdan hatiye avdan, wê her ya Gelê Kurd be.

Em wek Partiya Maf û Azadiyan, vê êrîşa hovane şermezar dikin, ji malbatên şehîdan ra sersaxî daxwaz dikin, êşa birîndaran parve dikin û hevîdar in ku ew rojeke zûtir sax bibin. Her usa em ji civata Êzîdiyan ra jî sersaxî daxwaz dikin. Êşa wan, êşa me ye û em bi her awayî li gel wan in.”

Pêywendîdar

• Êrîşên hov dijî bihêz bûna gelê Kurd û divê deverên kutkirî vegerin ser îdareya Kurdistana azad

• Wezareta mafên mirovan û zanayên ola îslamê li Kurdistanê karên terorîst yên şengalê pirotsto kirin

• Mesûd Barzanî;"Bila gelê Kurd bi temamî ji bo rû bi rûbûna dijminan amade be"

• Neteweyên Yekbûyî , Amerîka, Brîtaniya û Kombenda Erebî êrîşan şermezer kirin

• “Divê baş bê zanîn ku ew axa ku bi xwîna şehîdan hatiye avdan, wê her ya Gelê Kurd be”

• "Bila dijminên Kurdistan baş bizanibin ku ev êrîşên hovane dê nikaribin pêşî li serxwebûna Kurd bigre"

• PSK, PWD û PDK-Bakur qetlîama Şengalê şermezar kirin

• Hevbendiya Demokratika Kurdên Bakur bi tundî vê kiryarê û fikr û ramanên kereyan gunehkar dike

• Daxuyaniya KURT-KAV

• FKKS: Em qetlîama li hember Kurdên Êzîdî bi tundî şermezar dikin

• Daxuyaniya Meclîsa Federasyona Komeleyên Êzdiyan

• DTP hedef referandûm e

Binivsîne | Biçe Jor

Hemû Naveroka Beşa Kurdistan

irêdan