Mesûd Barzanî;"Bila gelê Kurd bi temamî ji bo rû bi rûbûna dijminan amade be", 17 Tebax,2007 | Kurdistan

Peyama serokê Kurdistanê ye:

Ji bo serokatîya encûmena wezîran, wezareta pêşmerge û pasevanên sînor, wezareta nêvxweyî û wezareta tendiristîyê...

Di demekê de ku me bi hêvîyek mezin serdana baxdadê kir, da ku em bi cenabê serokê komarê û berpirsên din re birûnin û pîkolê ji bo çareserkirina arêşeya iraqê bikin, terorîstan li dijî hemû buhayekî mirovanîyê tawanek dina mezin anîn serên kurdên resenên Êzdî yên ku li devera Şingalê ne û bû egerê şehîdbûn û birîndarbûna bi sedan kesên bê guneh. Em bi tûrebûnek mezin evê tawanê riswa dikin û em dizanin ku ev demek e saloxegerîyên çendîn dewletan ji bo encamdana tawanên weha li dijî kurd li mûsilê, kerkûkê û diyala amadekarîyan dikin, da ku wek ew dixwazin kurdan li evan deveran nehêlin. Gelekî aşkira jî ye, ku hinek xwefiroş di hundir de ewan terorîstan hildigirin û wan vedişêrin. Ji ber evê yekê jî:

Yekem: ez daxwazê ji gelê kurdistanê dikim ku ew xweragir be û xwe bi temamî ji bo rû bi rûbûna dijminan amade bike û divê bi ti cor û awayekî hêvî û armanca dijmnan pêk nehê û divê ew dever nehên valakirin.

Duyem: ez daxwazê ji hukûmeta federal û hêzên firehnijad dikim, ku sînorekî ji evan tawanan re daynin, ku li dijî kurd dihên encamdan.

Sêyem: ez daxwazê ji hêzên herêma kurdistanê dikim, ku bi hemû hêz û şiyanên xwe ve li hewara xelkê kurdên ewan deveran biçin, ku êdî bûne armancên terorîst û dijminên kurdan û bi awayekî herî dijwar li terorîstan û li hevkarên wan bidin û êdî ev rewşa han nahî pejirandin.

Çarem: divê wezareta tendiristîya herêma kurdistanê û hemû xelkê kurdistanê bi hemû hêz û şiyanên xwe ve alîkarîya zerermendên evan tawanan bikin û tiştên pêdivê ji wan re berdest bikin.

Ez daxwazê ji Xwedayê mezin dikim, ku cihê şehîdan beheşta berîn be û hêvî dikim ku birînên birîndaran zû çak bibin.

Mesûd Barzanî
Serokê Kurdistanê
15-08/2007

Pêywendîdar

• Êrîşên hov dijî bihêz bûna gelê Kurd û divê deverên kutkirî vegerin ser îdareya Kurdistana azad

• Wezareta mafên mirovan û zanayên ola îslamê li Kurdistanê karên terorîst yên şengalê pirotsto kirin

• Mesûd Barzanî;"Bila gelê Kurd bi temamî ji bo rû bi rûbûna dijminan amade be"

• Neteweyên Yekbûyî , Amerîka, Brîtaniya û Kombenda Erebî êrîşan şermezer kirin

• “Divê baş bê zanîn ku ew axa ku bi xwîna şehîdan hatiye avdan, wê her ya Gelê Kurd be”

• "Bila dijminên Kurdistan baş bizanibin ku ev êrîşên hovane dê nikaribin pêşî li serxwebûna Kurd bigre"

• PSK, PWD û PDK-Bakur qetlîama Şengalê şermezar kirin

• Hevbendiya Demokratika Kurdên Bakur bi tundî vê kiryarê û fikr û ramanên kereyan gunehkar dike

• Daxuyaniya KURT-KAV

• FKKS: Em qetlîama li hember Kurdên Êzîdî bi tundî şermezar dikin

• Daxuyaniya Meclîsa Federasyona Komeleyên Êzdiyan

• DTP hedef referandûm e

Binivsîne | Biçe Jor

Hemû Naveroka Beşa Kurdistan

irêdan