"Bila dijminên Kurdistan baş bizanibin ku ev êrîşên hovane dê nikaribin pêşî li serxwebûna Kurd bigre", 17 Tebax,2007 | Kurdistan

Careka din dijminên milletê kurd, dijminê aştî û aramîyê, terorîstên tirsonek û bêbext êrî?ek nemirovane birin ser devera şingalê ku ordugahên Gir Uzêr û Sîba şêx Xidirî bû. Di encama vê karesatê de sêdeyî 200 Kurdên bêguneh şehîd û birîndarbûn.

Her ku Referandûma Kerkûkê nêzîk dibe karesatên terorîstî jî zêde dibin. Armanca dujminan pa?daxistina referandûmê ye. Di van karesatan de jî tê dîtin ku, pirsa Kerkûkê ji bo dujminê Kurdan pirsa man û nemanê ye.

Heger pêşî li van karesatên nemirovane neyê girtin û xetera ku referandûm pêkneyê derkeve holê, wê demê divê kurd bi “leyîstika” referandûmê xwe nexapîn in û di mesela Kerkûk, şingal û deverên din de prensîba “îhqaq-i heq” bikarbîn in û hakimîyeta xwe bibin ser sînorên Kurdîstan yên tarîxî û tabiî. Ev heqê Kurdan yê rewa û tabiî ye.

Armanca dujmin çavtirsandin û ji van herêman qewirandina Kurda ye. Îro ji bo Kurda ji dewra “yan serkeftin yan mirinê” ye! Ne tenê desthilatdarî, pêşmerge û hêsên ewlekarîyê, divê ji hefta heta heftêsalîyê hemû Kurd hişyar, berpirsîyar û çevnasbin. Divê tu kes yek sietekî xafil nebe. Ji bîr nekin av disekine dujmin nasekin e. Parastin, parastin, parastin…. Tişta ku mirov neparêse ne ya mirov e.

Bila careka din dijminên Kurdistan baş bizanibin ku ev êrîşên hovane dê nikaribin pêşî li serxwebûn û azadîya gelê Kurd bigre.

Bila raya giştî ya navneteweyî jî baş bizanibe ku, aştî û aramîya li rojhilata navîn bi wergirtina mafê neteweyî ya gelê kurd ve girêdayî ye.

Bi vê wesîlê em weke TEVKURDÊ piştgrîya xwe li banga serokê Herêmê Kak Mesûd BARzANÎ dikin û dibêjin bila serê gelê Kurd saxbe.

15 Tebax 2007 Diyarbekir

TEVKURD

Tevgera Yekîtîya Neteweyî ya Kurd

Pêywendîdar

• Êrîşên hov dijî bihêz bûna gelê Kurd û divê deverên kutkirî vegerin ser îdareya Kurdistana azad

• Wezareta mafên mirovan û zanayên ola îslamê li Kurdistanê karên terorîst yên şengalê pirotsto kirin

• Mesûd Barzanî;"Bila gelê Kurd bi temamî ji bo rû bi rûbûna dijminan amade be"

• Neteweyên Yekbûyî , Amerîka, Brîtaniya û Kombenda Erebî êrîşan şermezer kirin

• “Divê baş bê zanîn ku ew axa ku bi xwîna şehîdan hatiye avdan, wê her ya Gelê Kurd be”

• "Bila dijminên Kurdistan baş bizanibin ku ev êrîşên hovane dê nikaribin pêşî li serxwebûna Kurd bigre"

• PSK, PWD û PDK-Bakur qetlîama Şengalê şermezar kirin

• Hevbendiya Demokratika Kurdên Bakur bi tundî vê kiryarê û fikr û ramanên kereyan gunehkar dike

• Daxuyaniya KURT-KAV

• FKKS: Em qetlîama li hember Kurdên Êzîdî bi tundî şermezar dikin

• Daxuyaniya Meclîsa Federasyona Komeleyên Êzdiyan

• DTP hedef referandûm e

Binivsîne | Biçe Jor

Hemû Naveroka Beşa Kurdistan

irêdan