Ulkucuyan(MHPyî) êrîşî kurdan kir ,11 Tîrmeh,2007 | Kurdistan

Malên kurdên li Taxa Îstasyon a Kuçukçekmeceya Stenbolê rûdinin, rastî êrîşa komek ulkucu ya 50-60 kesî, hat. Polîsên ku piştî serdagirtinê hatin cihê bûyerê jî, ava bi tazyîk reşande ser kurdan.

Di demeke ku ji bo hilbijartinên 22'yê tîrmehê kêm roj mane de, êrîşên li hemberî hilbijêrên kurd û namzetên parlamenteriyê zêde dibin. Duh li taxa Îstasyon a Kuçukçekmeceya Stenbolê, peywîrdarên ewlehiyê nehişt ku otobûsa hilbijartinê ya Namzeta 'Hezar Hêviyan' ya Herêma 3'yemîn a Stenbolê Sabahat Tuncel bikeve konutên Taştepe.

Li ser ku malbatên kurd nerazîbûn nîşanî peywîrdarên ewlehiyê da, komek ulkucu ku ji 50-60 kesan pêk dihat bi kêr û satorên di destên wan de daketin avahiyan. Koma ulukucuyan bi keviran camên malên kurdan şikandin û piştre bi sator û kêran ketin avahiyan. Piştî bûyera ku 3 ciwanên kurd birîndar bûn, komek kurdan ku piraniya wan jin û ciwan bûn, bi mebesta şermezarkirina bûyerê, camên buroya hilbijartinê ya MHP'ê şikandin.

Li ser vê yekê ekîbên Hêza Çevîk bi panzeran hatin Konutên Taştepe û ava bi tazyîk reşande ser kurdên bûyer şermezar dikir.(Dîha)

Hemû mafên nûçe û nivîsên ku destnîşana HAWAR DENGÛBAS hatiyê danîn ser navê Hawar Kurdistan Media Group ya HAWAR DENGÛBAS e.Beyî destûr naye bikaranîn.

Binivsîne | Biçe Jor

Hemû Naveroka Beşa Kurdistan

irêdan

Dezgehî: hkmg.net | Hawar Kurdistan Media Group | Agahîyên Giştî | Rêvebirî | Reklam Dayîn

Ev Weşaneke