Dewleta Tirk niha jî dest bi operasyona xapandina Kurdan kir

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Dewleta Tirk niha jî dest bi operasyona xapandina Kurdan kir

NÛÇE: HESEN DILGEŞ ŞÎROVE: SERHAD B.RÊNAS / HAWAR DENGÛBAS

13 Adar, 2008 weşandin:00:24:45 (GDK)

AMED, bakûrê Kurdistanê -- Piştî ku oprerasyona ku AKP plan kiribû tek çû û arteşa dagirker a Tirk piştî ku li Kurdistana azad rastî şikestineke mezin hat û 29ê sibatê de ji Kurdistana azad vekişiya niha AKP li pêy hewlên nû yên xapandina Kurdan e.

Hikumeta AKP ku pirsgirêka kurd wek pirsgirêkek aborî dibîne wekî hikumetên barê 'paket'eke nû ya 'pêşxistinê' eşkere kir.

Serokwezîrê tirk Recep Tayîp Erdogan ev çend rojin, dîsa bi awayekî veşartî peyamên wekî ji bo çareseriya pirsgirêka kurd paketek amade dikin, belav dikir.

Lê belê ji daxuyaniya Erdogan daye rojnameya New York Times yê Emerîkayê diyar dibe ku, di paketa Erdogan û partiya wî de, projeyên di bin avê de hiştine herêmên dîrokî yên Kurdistanê û xerakirina ekolojiya Kurdistanê derket.

Erdogan dîsa rastiya pirsgirêka kurd ji nedîtîve hatiye û pirsgirêka kurd wekî pirsgirêka aborî nîşan daye. Erdogan îdîa kiriye ku, bi çêkirina 2 bendav, sîstema kanalên avdan, çêkirina rêyan, paqijkirina mayinên li sînorê Suriyê û vekirina kanalekî kurdî, erebî û farsî, pêşiya tevlîbûna ciwanan ya gerîla bigirin.

Turk: Peyama Kurdan Newroz e

Serokê Koma Parlamentoyê ya DTP’ê Ahmet Turk ku di civîna koma partiyê de axivî, nerazîbûn nîşanî gotina, ‘Paketa Hikûmetê ya çareseriyê heye’ da û wiha got: “Heta niha ji paketa hikûmetê ya çareseriyê şekir û reşte derketine. Ji bo çareseriyê Makeqanûneke demokratîk û diyalog lazim e.” Turk kesên dixwazin xwestekên gelê kurd guhdar bikin jî vexwendin qadên Newrozê.

Serokê Koma DTP’ê Ahmet Turk ku di civîna koma partiyê de axivî, mijarên di rojevê de nirxandin. Turk di axaftina xwe de gotegotinên wekî, ‘Paketa AKP’ê ya çareseriyê heye’ jî bi tundî rexne kir û banga çêkirina Makeqanûneke demokratîk û diyalogê kir. Turk bi gotina, “Em êdî ji zordariyên li ser gelê kurd re dibêjin êdî bes e” dest bi axaftina xwe kir, daxuyand ku ew dixwaze hemû partiyên siyasî, rêxistinên civakî yên sivîl û hemû kesên li Tirkiyeyê berpirsyar vê gotinê bikar bînin.

‘Guh bidin dengê gel’

Turk dubare kir ku pirsgirêk bi çekan û operasyonan nayê çareserkirin û wiha dirêjî da axaftina xwe: “Gelê me yê ev 2 mehe helwesta xwe ya demokratîk li kolanan tîne ziman jî dibêje. Ji kerema xwe guh bidin dengê gel. Em dibêjin çareseriyê ji gel re bibin. Li cîhanê heta niha gelek pevçûn û şerên wiha çê bûne lê di encama daxwazên gel ên demokratîk de bi dawî bûne.” Turk, bang li partiyan kir ku ji bo çareseriya pisgirêkan diyalog bê danîn û Serokê Meclîsê Koksal Toptan rista xwe bicih bîne. Turk, xwest ku diyalog bi derengî neyê xistin. Turk, xwerexneyên generalan ên di mijara pirsgirêka kurd de dane bibîr xist.

Ji bo Newrozê banga daketina qadan hat kirin

Turk, bal kişand ser wateya cejna Newrozê û wiha dirêjî da axaftina xwe: “Gel ji bo azadiyê li qadan kom dibe. Em dê Newrozê bi nêzîkatiyek wiha pêşwazî bikin. Gelê me ji bo ku van peyaman bide wê dakeve qadan. Kesên ku dixwazin daxwazê gelê kurd fêm bikin bila bên qadên Newrozê. Werin dengê azadî, aştî û demokrasiyê guhdarî bikin. Ez ji niha ve ji gelê xwe re spas dikim. Ez ji niha ve Newroza gelê me pîroz dikim.”

Abdulah Gul îdda kir ku mixateba pirsgirêka Kurd tune ye

Serokkomarê Tirkiyê Abdullah Gul berî ku ji bo beşdarbûna civîna Rêxistina Konferansa Îslamê, biçe Senegalê li balafirxaneya Esengoxayê ya li Enqereyê di civîneke çapemeniyê de li ser hevdîtina wî ya duh ya bi DTPê re got:”Min guh da endamên DTP-yê û hin tewsiye da wan û nêrînên xwe ji wan re got. Di parlamentoya Tirkiyeyê de grûba DTP-yê heye. Ez serkomarê herkesî me.”

Gul li ser pirsa” Te îfadeyeke bi awayê ’Divê arîşeya kurd bi riyên aştiyane bê çareserkirin’ bikar anî?” got:”Pirsa ku hinek dibêjin kurd, hinek dibêjin teror û hinek ji dibêjin rojhilatê başûr, ya Tirkiyeyê ye.Ev ne arîşeya partiyek û grûbek e. Bes mixatabekî vê meseleyê tuneye. Nêrînên partiyên siyasî hene. Min nêrînên DTPyê jî guhdar kir. Divê herkes piştevaniya çareserkirina vê arîşeya bike."

Hêjayê gotinê ye DTP roja 10/3/2008 jî li gel serokê Parlamentoya Tirkiyeyê Koksal Toptan civiyabû û nêzî 45 deqîqeyan gotûbêjkiribû.

Li aliyê din, Cigirê Serokê Koma DTP'ê Selahattîn Demîrtaş diyar kir ku, ew li bendê ne, Serokwezîrê tirk Recep Tayîp Erdogan bersiv bide daxwaza wan ya ji bo hevdîtinekê. DTP'ê, dema hewldana dagirkeriya artêşa tirk de, ji bo fikarên xwe ragihîne ji Serok-komar, Serokê Parlemen û Serokwezîr rendevû xwestibû. Serokê Parlemen û Serok-komar biçek derengî be jî, rendevû da DTP'ê, lê belê Erdogan hê nedaye.

Rûyê rastî ya AKP bi êrîşa ser Kurdistana azad derket holê

Hikumeta AKP ku ji ber gelek sedemên cuda di serî ji qelsiya politikayên DTP û bi helwestên xwe yên nerm li hemberî Kurdan li bakurê Kurdistanê dengên xwe zêde kir û piştî hilbijartinan di meseleyên wek xirabkirina Hesenkêyf, qebul kirina perwerdeya bi Kurdî û di hin mijarên din de li dijî daxwazên kurdan helwest vergirt. Piştî zêde bûna dengên AKP serokê AKP Tayyip Erdogan jî gort pirsgirêka Kurd hatiye çareser kirin û pirsgirek tenê pirsgirêka aborî ye..

Tê xwestin ku di hilbijartinên li pêşiya me de jî dengên AKP li Kurdistanê zêde bibe û Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi çend febriqayan û bi weşanên Kurdî ku dewleta Tirk pêk bîne, gelê Kurd bêne xapandin.

Lê hêzên siyasî yên Kurd dikarin vê rewşe gor berjewendiyên Kurdan bikarbînin û riya pûç kirina stratejiya AKP ya engere kirina Kurdan bênavber anîna rojavê ya daxwaza Kurdan e û xebat kirina bo vê yekê ye..

Hikumeta AKP ku di destpêkê de bi gotinên şêrîn Kurdan xepand û bi Mislimantiyê dengên Kurdan girt ji bo parastina desthilata xwe bi hevkariya ordiya Tirk bombe barand ser Kurdistanê û rûye xwe yê rastî bi êrîş kirina ser Kurdistana azad û qedexe û zextên li bakûrê Kurdistanê nîşan da.

Serokwezîrê tirk Recep Tayîp Erdogan û hevalên wî, xwe ji bo kurdan re şîrîn bidin nîşan dan daxuyaniyan didin, lê belê di pratîkê de berovajî gotinên xwe tevdigerin. Erdogan berî hilbijartinên par, peyamên wekî 'ew dixwaza pirsgirêka kurd çareser bike, artêş pirsgirêkan derdixe' belav dikir û ji kurdan deng xwestin, lê belê piştî hilbijartinên ev gotinên xwe ji bîr kirin

Erdogan hê jî di her axaftina xwe de dibêje "yek millet û yek dewlet û yek ala" û piştre jî behsa çareser kirina pirsgirêka kurd dike. Yanî AKP him kurdan wekî millet nasnake û him jî ji bo ku hêza xwe ya li bakûrê kurdistanê winda neke behsa çareseriyê dike.

Pêwîste Kurd nêzî hev bibin û stratejîyeke neteweyî,mayînde û pêşketî pêkbînin û planên AKP û hemû dijminên Kurdan pûç û vala derxînin. (HAWAR DENGÛBAS / ajansan)

NAVGÎN: Binivsîne | Biçe Jor | Bike Ekrana Mezin - Derkeve

RÛPELA BEŞÊ: Hemû Naveroka Beşa Kurdistan

girêdanan bitiqînin

Girêdanên sponsor Ev çiye?