Arteşa Tirk li bakûr darbe xwar û dîsa berê xwe da Kurdistana azad

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Beşa Kurdistan/Rojev

Rûpela Serî

Kurdistan / Rojev

Navneteweyî

Çand û Huner

Zanist / Teknolojî

Medyaya Kurdî

Nivîs / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Arteşa Tirk li bakûr darbe xwar û dîsa berê xwe da Kurdistana azad

12 Gulan, 2008 weşandin:03:23:29 (GDK)

AMED , bakûrê Kurdistanê -- Arteşa Tirk doh careke din êrîşeke hewayî li dijî Kurdistana azad pêk anîn.

Çend balafirên şer ên arteşa tirk çend cihên li ser Nêrwe û Rêkan ên ser bi qezaya Amêdiyê bombebaran kirine û di heman demê de navçe bi şêweyeke dijwar hatine topbarankirin. Ji navçeya Gevera Colemêrgê, ji demên serê sibê de ber bi sînorê başûrê Kurdistanê ve sewqiyata leşkerî hate kirin.

Li Geverê liv û tevgerek leşkerî zêde çêbû. Helîkopterên Kobra kom bi kom leşker û amûrên leşkerî birin sînorên başûrê Kurdistanê. Li herêmê liv û tevgera hewayî jî didome.

Piştî ku PKK'iyan avêt ser qereqola Gundê Bêzelê ya girêdayî Navçeya Şemzînan a Colemêrgê, duh daketin û derketina gund ji aliyê leşkeran ve hate girtin. PKK ragihand ku di çalekiya Bêzelê de gelek alevên leşkerî me bi dest xistine û ramanca çalekiya Bêzelê intîqama girîlayên jiyana xwe di Buharê de dane û intîqama Adil Amed e.

Tê diyar kirin ku êrÎşa PKK a ser qereqola arteşa Tirk ji çalakiya Oremarê a PKK mezintir eÛ arteşa Tirk zêdetir windahî daye û ji ber vê yekê jî dewleta Tirk hêrsa xwe dîsa bi bombe kirina çiyayên Kurdistana azad digre.

Qereqola arteşa Tirk ji holê hate rakirin

Li gorî agahiyan gerîlayên PKK’ê ketine nava mevziyên leşkeran jî û di navbera gerîla û leşkeran de pevçûn qewimiye. Artêşa Tirk bi piştgiriya balafiran xwestiye li hemberî çalakiya gerîlayan xwe biparêze. Çavkaniyên herêmî daxuyand ku di çalakiyê de herî kêm 25 leşker hatine kuştin. Her wiha di gelek avahiyên qereqolê de şewat derketiye. Her wiha çavkaniyên herêmî daxuyand ku di çalakiyê de 2 top û gelek wesayîtên leşkerî jî hatine îmhakirin. Têkiliya qereqolê hatiye qutkirin û ji ber çalakiya gerîlayan hêzên ku piştgiriyê bidin qereqolê nekarîne bên herêma pevçûnê.

Çavkaniyên herêmî destnîşan kirin ku helîkopterên artêşa tirk, ji sibehî û vir ve, birîndar û kuştiyan li qereqola Bêzelê dikişînin Qişlaya fermandariya Fatîhê. Heman çavkaniyan destnîan kirin ku artêşa tirk, demeke dirêj e birîndar û kuştiyên xwe nabin nexweşxaneya û naxwazin windahiyên wan eşkere bibin.

Çavkaniyên herêmî diyar kir ku ev çalakî ji çalakiya Oremarê ku nêzî 50 leşker hatibûn kuştin û 8 leşker jî hatibûn dîlgirtin mezintir e.

Li Çewlikê 5 leşkerên Tirk hatin kuştin

Li Çewlikê di navbera gerîla û leşkerên tirk de pevçûn qewimiye. Di encama pevçûnê de berbazek û 5 leşker hatine kuştin. 3 jê giran 7 leşker jî birîndar bûne. Di pevçûnê de wesayîtekeleşkerî jî hatiye îmhakirin. Li aliyê din li Haftanînê gerîlayê bi navê Huseyîn Tîmurtaş (Munzur Dêrsim) jiyana xwe ji dest daye.

Leşkerên tirk derbasî Kurdistana azad bûn

Li gorî agahiyan piştî çalakiya gerîlayan ya li hemberî qereqola Bêzelêyê hin yekîneyên Artêşa Tirk derbasî Başûr bûn. Li gorî agahiyan cerdevan jî tevli operasyonê dibin. Yekîneyên ku herî kêm ji 400 kesan pêk tên ji 3 noqteyên cuda dest bi operasyona bejayî ya dersînor kirine.

Karayilan;"Di êrîşa hewayî ya dawî de, bombeyên zinaran qul dikin, hatine bikaranîn"

Birêvebirê PKK'ê Murat Karayilan diyar kir ku, di êrîşa hewayî ya dawî de, bombeyên zinaran qul dikin, hatine bikaranîn. Karayilan êrîşa hewayî di şeva 1'ê gulanê de li hemberî PJAK'ê pêk hatibû, nirxand û derbarê êrîşê de agahiyên balkêş dan. Karayilan got ku, di êrîşê bombeyên Dewletên Yekbûyî yên Emerîkayê 2001'an de çê kirine û taybetiya wan zinaran jî qul dikin, hatine bikaranîn. Karayilan bal kişand ser hevdîtinên Tirkiyê yên beriya êrîşê bi Îran, Iraq, Suriye, Emerîka, Îsraî û Yekitiya Ewropayê re û got: 'Tê xwestin bi destê Tirkiyê komkujiyekê pêk bînin'.

Karayilan nêzîkatiya Tirkiyê ya li hemberî Başûrê Kurdistanê jî wekî tecawizek nirxand û got: 'A rast, têkiliyên Tirkiyê yên bi Başûr re, wekî tecawizek in. Bi hevdîtinan peyama 'ezê bi te re rûnim, lê tecawizê te jî bikim û dest biavêjim te'. Di roja hevdîtin pêk tîne de, pêkanîna erîşê tê wateya tecawizê. Wekî din wateya vê nîne'.

Serokê Konseya Rêveber Murat Karayilan ji hemû kurdistaniyan xwest ku, rewş û lîstikên Tirkiyê bibînin û got: 'Tirkiye ji nakokiyên Emerîka û Îranê sûd werdigere û bi piştgiriya ji wan digire êrîşê Tevgera Azadiya Kurd dikin. Hedefa Tirkiyê, ne tenê PKK û PJAK e. Hedefa wê bê îradekirina hemû kurdan û têkbirina destketiyên kurdan e'.

Karayilan banga hişyariyê li rêveberiya Başûrê Kurdistanê jî kir û got: 'Ez texmîn dikim, rêveberiya Başûr, rastiya plana Tirkiyê fêm nekiriye. Tirkiye bi êrîşên li Tevgera Azadiyê, di heman demê de dixwaze destketiyên Başûr bi sînor bike û di mijara Kerkukê de jî encameke li gorî xwe bi dest bixe. Tirkiye Ahmet Davutoglu dişîne Baxda. Ew li Enqere tiştek din û li Baxda tiştek din dibêje. Tişên wan nîqaş kirine, dizanim, lê belê naxwazim ji vir bînim ziman. Lê divê rêveberiya Başûr rastiyan bibîne, di eniya gelê kurd de cih bigire, nebe parçeyê lîstikan û helwesta xwe ya li hemberî êrîşan jî eşkere bike'.

Karayilan bi bîr xist ku, bi êrîşa 1'ê gulanê PJAK hedef hatiye girtin û got: 'PJAK li hemberî rejîma Îranê têkoşîn dimeşîne. Beriya êrîşê rojeke balafirên Emerîka herêm keşf kir û beriya wê 2 rojan jî heyetên Îran û Tirkiyê li herêmê hedef tespît kirin.

Karayilan îdîayên çapemeniya tirk ên wekî di êrîşa hewayî de, wî jî jiyana xwe ji dest daye jî, parçeyeke şerê psîkolojîk û hewldanên xerakirina moralê gelê kurd nirxandin û got: 'Em têkoşîna azadiyê dimeşînin. Em kadroyên tevgera azadiyê ne. Helbet wê rehet nikaribin me tasfîye bikin. Lê belê hertim îhtimala şehîd ketina me heye.

Karayilan bal kişand ser gotinên rayedarên tirk û got: 'Rayedarên tirk di nava hewldana xwe xapandinê de ne. Rayedarên dewleta tirk bi xwe jî dizanin tiştên dibêjin dûrî rastiyêne. Lê belê vana wisa dikin ku, piştî demekê êdî ew bi xwe jî bawer dikin. Yanî bi gotineke din, xwe bi xwe dixapînin'.

Lawaziya dîplomasiya Kurdan û nebûna yekîtiya netweyî dibe sedema asteng nekirina êrîşên dewleta Tirk

Desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê de seneryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dîtina prestija Kurdan bi taybetî di hêla dîplomatîk de. Diviya bû ku riya operesyona Tirkan bi her avahî hatiba girtin.

Hikumeta AKP ku di destpêkê de bi gotinên şêrîn Kurdan xepand û bi Mislimantiyê dengên Kurdan girt niha ji bo parastina desthilata xwe bi hevkariya ordiya Tirk bombe dibarine ser Kurdistanê.

AKP li şûna êrîşî Kurdan bike bi entegre kirin û bi dirêj kirina pêvajoyê dixwaze pirsgirêka Kurd ji holê rake. Tê xwestin ku Kurd zêdetir entegreyî sîstema Tirk were kirin û li şûna çareser kirin û pêkanîna daxwazên neteweyî û civakî ya Kurdan bi serdan û bi çend febriqa û serdan û geran Kurd bêne xapandin.

AKP deng standina ji Kurdan cesaret girt, bi vê cesaretê jî projeyên qedandina hêza siyasî ya Kurdan derxistin holê. ( HAWAR DENGÛBAS / Dîha,Puk media,Peyamner )

NAVGÎN: Binivsîne | Biçe Jor | Bike Ekrana Mezin - Derkeve

TOMAR BIKE:

Ev çiye?

RÛPELA BEŞÊ: Hemû Naveroka Beşa Kurdistan

girêdanên sponsor

newspaperturkiyelebçe, amed, paytext, diyarbekîr, halabja, şano, diyarbakir, welat, azadiya welat

Nûçeyên din ji beşa Kurdistan

Girêdanên sponsor Ev çiye?