Kanalek televizyonê Kurdî bi taybetî perwerdeyî, tê damezrandin,12 Tîrmeh,2006 | Medyaya Kurdî

Beşekî herî giringê gihandina peyama perwerdeyê bi taybetî û beşekî giringê prosesa hînkirinê bi giştî, wezareta perwerdeyê ya hukûmeta herêma Kurdistanê biryar da ku kanalekî televizyonê bi taybetî ji wezareta perwerdeyê re li Hewlêrê bê damezrandin.

Ji bo rastîya evê nûçeyê jî, siteya Kurdistan TV peywendî bi xatûn Pakîze T. Ebdusselam rêvebera giştîya perwerdeya Hewlêrê re kir. Di bêjedana xwe de ya ji KTV re Pakîze ragihand, ku pîkolên ji bo vekirina televizyoneka taybetîya belavkirina programên perwerdeyî gihijtine qonaxên dawî û dê di demek nêzîk de dest bi evî karî bê kirin.

Di dirêjîya bêjedana xwe jî de, Pakîze ragihand, ku projeyê vekirina evî kanalî ji mêj ve li wezareta perwerdeyê hebûye. Nebûna kanalekî weha jî, bi valayîyek mezin – di prosesa hînkirin û perwerdeyê de – hatîye zanîn. Belê di rewşa niha de, pîkol bi ser kevtin û encam bi dest ve hatin.

Ji ber evê yekê, em evê mizgînîyê ji xwendevanên xwe yên xweştivî re radigihînin û em bi hêvî ne, ku ev yek wek pêngaveka ber bi pêşvebirina biwarê perwerdeyîyê ve be. Ew jî dê sûdê ji evê destkevtîyê bibînin û heger bikaribin bila ew bi xwe jî alîkarîyê bikin.(ktv)