Kurd û Emerîka

 
  Ehmed C.ÇAMLIBEL / HAWARDENGÛBAS

27 Sermawez, 2006

Dinya bûye bajarek mezin. Di vê dinyaya piçûk de hilbijartina gundê Emerîkaya Bakûr jî bibe nebe bala me Kurdan jî kiþand. Serda jî em bûne cînarê hevdu, ev yek jî me hin nêziktirê hevdu dike. Ne tenê me Kurdan, her usa hemu cîhan berê hilbijartinê tu qey bêjî ew bûyer wê di welatê wana da biqewime her usa hilibijartinê þopandin.

Be guman pey hilweþîna Sîstema Sosoyalîst, rewþek ku reh û rîçalê xwe, ji dema berê va hebû hêdî hêdî rûda. Plan û projeya demokratîzm, maf û azadîyên însan û gelên çewisandî ber bi pêþ çû. Bibe nebe serkêþîyê jî welatên xurt yên cîhanê kirin, dû êrîþa ser emerîkayê ya Elqayde ew plana guhûrînê xwe lezand û nuha jî ew plan bi rêva diçe.

Ango ew bername û plan gor daxwaza yek dewletê, yek partî û yek kesî va girêdayî nîne. Êdî dewra zor zordarîya bêsînor, dewrana dîktator û rejimên wextên berê diqede. Yan bi xwe gûhûrîn û pêþva çûyînê va an jî bi zora aborî, dîplomatîk û tivingan va wê dawî bê.

Zirt û pirtên dewletên neheq û dagîrker heta dawîyê vê çûyînê ra nikarin bibin asteng. Di wê babetê da helwestên dewletên Tirk, Ecem û Ereban gelek balkêþ e. Xasima dewleta Tirkan kê di cî da radibe dibêjin: ‘ Emerîka wê dîsa we di nîvê rê da bihêle! Li Îraqê da ketîye tengasîyê wê paþekêþî bike. Dîsa em û hûn tenê bimînin. Wî çaxî way li serê we hatî!!! ‘ û me Kurdan tehdît dikin.

Pey hilbijartina Emerîkayê jî guhê xwe fît kirine ku, Emerîka rojek berê biryara eskerên xwe ji Îraqê para bikþîne bide ku ew jî bi aqilê xwe êrîþê Kurdistana Baþûr bikin. Wek xeyalê Mehemed Agarê Yozgat û Musûlê ta Kerkûkê bikin yek! Lê tirsa wana tenê dimîne, ew jî nêzikîya Partîya Demokratan ya Emerîkayê û Ermenîyan. Bo wê jî ji nuha va ji xwe ra çareyek digerin!

Gelê Kurd bi sedan salane ye ku ji bo mafên xwe yên netewî, demokratîk û mîrovî bi her awayî kar û xebat kirîye û nuha ji her her tekoþîne dide. Tu caran serê xwe li ber zaliman xar nekirîye. Lê çi bikin þert û þirûtên cîhanê rê nedaye ku dewleta xwe li ser erdê bav û kalan ava bike. Di van deh pazdeh salên dawî da bi gûhûrîna rewþ û rûçikên dinyayê rê li ber me vebû. Himber dagîrkerên zulumkar, dijî xebatên cehþ û korfehman kozik û sengerên netewî bi dest xist.

Hêz û dewletên ku dixwazin ji nû va parça cîhanê yên ne tu sazûmanên gor planê wanê îroyînê bigûhûrînin. Ewana li ezmana hevpayman digerîyan lê li Kurdistana birîndar da li se erdê Kurdan ji xwe ra hevpayman dîtin. Ji ber ku berjewendîyên me Kurdan û yên wana nêzikê hevdu bûn.

Be guman di qada navnetewî da her tim berjewendîya gel û dewletan pêþta tê. Ji ber wê yekê ye ku Emerîka dostatîya Kurdan, Kurd jî bi wan ra dostatî dikin.

Em li ser gîrava petrol, av û madenên cur bi cur da dijîn. Em gor gel û desthilatdarên navçe hin demokratîk û pêþketîxwaz in, bo vê yekê jî tiþtek pir normal e ku em hevkar û dostên cîhana demokratîk û peþketî bibin.

Dîsa çawa gelek kes dizane, ji zûva ye ku plana Emerîka û hevpeymanan heye ku li Îraq û Kurdistana Baþûr leþkerên xwe di sê cîyan da komî serhev bikin. Yek Kurdistana Baþûr e, yek li Bexdayê yek jî alîyê Besrayê ye. Ji xwe Federasyon roja hevkarîya dijberên Hukam Bees ya Îraqe ta îro her hatîye pejirandinê. Pirsa wek Kerkûk bajar, bajarok û gundên hin ne li ser hukma Kurdistanê jî ta dawîya sala bê bi referandûmek va wê safî bibe.

Ango pêvajoya cîhan têda derbas dibe him berjewendîyên me him jî yên wan plan û bernameyê dixwazin pêkbînin, me di vê konaxê da dike hevkar. Di wan welatan da desthilatdarî bighûre jî plana ketîye nav jîyana me tu caran bi giþtî naguhûre. Dibe ku rê û rêbaz an bi karanîna dan û satandinan an jî bi zorek qebûl kirî va wê reva here. Ew jî bandorek mezin nake ser hevkarîya dem dirêj.

Bi gotinek din bila dewletên dagîrker û zordar pir þa nebin. Ji alîyê din êdî pirsa Kurdan di nav hîdût û merzen wanê derewîn ji zuva ye derketîye, bûya pirsgirekek cîhanê. Dîsa Kurd wek Kurdên çend sal berê bê ser û ber jî nînin. Hizr û rûhûyeta netewî ji wan sînoran ji mêj va ye derketîye ne tenê li Kurdistanê, her usa Kurdên ku seranserê cîhanê da dijîn jî di heman hizrê kar dikin. Dîsa ji alîyê eskerîyê da jî em ne wek pêþmergên tenê serê çîyan in her usa her awayî di meydana jîyanê da partîznên bi çek û sîlahên hevdemin jî.

Bi kurtî pey hilbijartina qismî ya Emerîkayê tu tiþtek ecêb naqewime. Senger û cîyê me Kurdan her li meydana azadî, serfirazî, demokrasîye da disekine. Ewana jî bi bernama xwe va her di cîyê xwe dane. Bi wan gotinan va, em ne bê þert û merc hevkarê hevpeymanan in, ne jî dibin xulamên wana. Tenê em muhtacê hevdu ne, rîya berjewendîyên me bûye yek. Ew jî bo xêra me û tev gelên navçê ye.
 
 

Hemû mafên nûçe û nivîsên ku destnîþana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

irêdan