Zanist,Teknolojî

Hejmara Malperên Înternetê Gihêşte 100 Mîlyonê
 

02 Sermawez, 2006 weşandin:02:09:12 (GDK)

Hejmara malperên ser înternetê gihêşte 100 mîlyonî.Li gor lêkolîneke dawî înternet ku êdî di gellek warên jiyanê de di ragihandin û medyayê de cihekî pirr girîng digre êdî xwedîyê 100 mîlyon malperê ye.

Tê ragihandin ku di nava vê hemarê de gelek malperên amator ku nehatine tespît kirin nîne.

Înternet di sala 1995'an de bi avayekî giştî kete jiyana mirovan.

Di tîrmeha 1995'an ser webê 15 hezar malper hebû.

Li ser înternetê niha herî zêde 5 netew xwedî malperan e.

1. Dewletên Yekbûyî: 54,641,322

2. Elmenya: 15,029,978

3. Brîtanya: 6,189,578

4. Kanada: 2,812,669

5. Franse: 2,550,717

Çavkanî: Netcraft


Li gor wan hejmaran ji zêdetirê ji %80yê malperên înternetê di wan 5 welatan de ye.Bi hêz bûna wan di înternetê de bi avayekÎ xwezÎ bi hêz bûna wan a giştî û medyaya wan jî nîşan dide.


Înternet tîraja rojnameyan jî kêm kir

Bikaranîna înternetê roj bi roj berfireh dibe û dikeve her malê,rojname tîraja xwe winda dikin. Bi ketina tîraja rojnameyan hatina reklama jî dadikeve û ev jî astengiyeke din derdixe holê.


Rojname jibo ku misrefê xwe kêm bikin xebatkarên xwe ji kar derdixin û bi vî awayî rojnamevaniya bê peyamnêr dest pê dike.Li gorî nûçeya NewYork Timesê li Amerîkayê rojnameya Philadelphia Inquirer 75 xebatkarên xwe ji kar avêt ku ev reqem ji sedî 15ê hemû personelê rojnamê ye.

Jiber înternetê hatina reklamên rojnameyan kêm dibe û şîrketên otomobîlan û firmeyên seyahetê ku jibo reklaman butçeyekmezin vediqetînin berê xwe didin înternetê.Şîrketa Ford eşkere kiribû ku ji sedî 80ê firotinên wan bi riya înternetê dibe..

Medyaya înternetê ya Kurdan

Ji ber ku înternet cihêkî azade,erzane û sînoran nasnake gelê Kurd jî bi hêsanî xwe înternetê de gihandin astekê baş.Em rewşa Cihanê jî bidin ber çavan ku edî medyaya elektronîk her roj girîngîya xwe zêdetir dike pêwistîya pêşketina medyaya Kurdî ya elektronîk derdikeve holê.Ger înternet hin zêdetir berdarî were bikaranîn him sêra medyaya Kurdî cûdatir be him jî têkarîya înternetî di jiyana civakîya Kurd de û pêşetina rewşa politik a Kurdistanê jî zêdetirîn be.

Zimanê Kurdî li gor delfetan cihê xwe hêdî hêdî di teknolojî de digre.Ji xeynî sedan(heta hezaran) malperên Kurdî, îro sistemên kompîterê jî bo zimanê Kurdî tên wegerandin. Eksplorera(explorer) bi navê OPERA ku li cîhanê de pir tê bikaranîn jî bi kurdî hate amade kirin û malpera fermî ya Operayê de hat weşandin.Ji xeynî opera bernameyên malpersazî,eksplorerê,sohbetê(wek skype),ferhengên elektronîk,girafik-wênesazî û bernameyên ofîsê tên wergerandin.(HAWAR-DENGÛBAS)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Zanist

irêdan