Zanist,Teknolojî

Li Hewlêrê Konferansa Zanyariya Teknolojiyê

08 Adar 2007, weşandin:08:29:39 (GDK)

Bi armanca pêşdebirina zanyariya peywendikirin û teknolojiyê li herêma Kurdistanê, Enstîtuya Zanyariya Teknolojiyê li Civata Wezîran ya Hikûmeta Herêmê, bi însîtayifa serokê hikûmeta Kurdistanê Nêçîrvan Barzanî, îro konferansek li Yaneya Awêze ya li bajarê Hewlêrê saz kir.

Di konferansê de berpirsê Enstîtuya Peywendiyên Civata Wezîran û rêkxerê karûbarê UN li herêmê Kurdistanê û berpirsê Rêxistina Koyika ya Kore û hejmarek rawêjkar û rêveberê giştî ji wezaretên hikûmetê herêmê beşdar bûn.

Piştî axaftina berpirsê Enstîtuya Peywendiyên Civata Wezîran Felah Mistefa, gotara serokatiya herêma Kurdistanê hate pêşkêşkirin ku tê de amaje bi wê yekê hate kirin ku hikûmeta herêmê bi armanca pêşxistina warê teknolojiya zanyariyê, budceyeke baş terxan kiriye û di plana karê xwe de ciheke fireh bo teknolojiya zanyariyê vekiriye.

Her wek berdevkê hikûmeta herêmê D. Xalîd Salih û rêkxerê karûbarê UN li hikûmeta herêmê D. Dîndar Zêbarî jî di axaftinên xwe amaje bi wan guhertinan kirin ku di Kurdistanê de di warê teknolojiyê de hatine pêkanîn.
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Zanist

irêdan